Arelas, asociación de familias de menores e mocidade trans de Galicia

17/06/2026

Así vivimos o faladoiro “Realidades trans, familias e espazos seguros” no marco do Orgullo de Pontevedra 2026 💜

🗣️Enchemos a Casa das Campás cun espazo de escoita, empatía e diálogo no que Samantha e Dani puxeron no centro as experiencias das persoas trans e María e José María das familias, compartindo vivencias, aprendizaxes e tamén retos que aínda quedan por afrontar. 

🏳️‍⚧️Falamos da importancia de contar con apoio, de crear contornas seguras e de construír unha sociedade onde cada persoa poida existir con liberdade, dignidade e orgullo. 

🙏Grazas a todas as persoas que asistiron e participaron, partillando preguntas e reflexións mais, en definitiva, por faceren posible unha contorna positiva e enriquecedora.

16/06/2026

Este martes 16 de xuño ás 20:00 da tarde, agardámosvos na Casa das Campás en Pontevedra. ARELAS tráenos un faladoiro para reflexionar sobre as realidades trans, as familias e a importancia de construír espazos seguros para todes.

Non faltes! A túa presenza importa🏳️‍⚧️.
👇
https://www.instagram.com/reel/DZm387do-in/?igsh=Mm5tOHZ4MmIxbDZo

10/06/2026

🌈 Abrindo portas á diversidade. Máis alá do armario 🌈

Desde ARELAS convidámosvos a participar nesta charla aberta á cidadanía na que falaremos sobre diversidade afectivo-sexual, familiar e de xénero, desmontando prexuízos e achegando ferramentas para construír espazos máis inclusivos e respectuosos.

📅 Mércores, 10 de xuño
🕢 19:45 h
📍 Salón de Alcaldes do Concello de Ribadeo

Un encontro para reflexionar sobre a realidade das persoas LGTBI+, a importancia do acompañamento e o papel que todes podemos desempeñar na creación dunha sociedade máis diversa, igualitaria e libre de discriminación.

Grazas ao Concello de Ribadeo por facer posible esta iniciativa.

💜 Agardámosvos!

09/06/2026

05/06/2026

Con Finsa – ¡Me acaban de reconocer como uno de sus fans destacados! 🎉

04/06/2026

🌈 Visita ás instalacións de FINSA
en Santiago de Compostela 🌈

Desde ARELAS tivemos a oportunidade de realizar unha visita ás instalacións de Finsa en Santiago de Compostela xunto cun grupo de persoas trans, co obxectivo de coñecer de primeira man os seus espazos de traballo, os diferentes procesos produtivos e as posibilidades de incorporación laboral dentro da empresa.

Esta xornada permitiunos achegar ás persoas participantes á realidade do sector industrial, resolver dúbidas sobre os perfís profesionais que demanda a compañía e explorar oportunidades de emprego nun contorno comprometido coa diversidade e a inclusión.

Queremos expresar o noso máis sincero agradecemento a FINSA pola súa acollida, dispoñibilidade e implicación durante toda a visita. Agradecemos especialmente a oportunidade de abrir espazos de diálogo e de achegar o mercado laboral ás persoas trans, favorecendo así a creación de oportunidades reais de acceso ao emprego🏳️‍⚧️

Está actividade forma parte do programa IMPÚLSA-T polo que seguimos traballando polo empoderamento e a capacitación sociolaboral da mocidade trans para lograr un colectivo autónomo e emancipado 💪🏽.

🌈Grazas á colaboración de Fundación "la Caixa" Fundación "la Caixa"
HubSocial_fundlacaixa no financiamento deste programa, proporcionamos acompañamento e atención social, legal e psicoeducativa co obxectivo de mellorar o desenvolvemento integral , o autoconcepto e a prevención de adiccións, fomentando o proceso de maduración da mocidade trans 🩷🤍🩵

02/06/2026

🏳️‍🌈🏫 O IES Ramón Menéndez Pidal da Coruña é o centro gañador da V edición do Premio “Escola sen armarios, libre de LGTBIfobia”, convocado por ARELAS con motivo do 17M.

O xurado quixo recoñecer o seu firme compromiso coa diversidade, a inclusión e a defensa dos dereitos do alumnado LGTBIQA+, así como o traballo continuado que desenvolve para construír un espazo educativo seguro, acolledor e libre de discriminación.

Entre as iniciativas destacadas atópanse o grupo de apoio “Somos Cores”, as formacións en diversidade afectivo-sexual, a creación de baños inclusivos, a ampliación de fondos LGTBIQA+ na biblioteca e numerosas accións de sensibilización e visibilización ao longo do curso.

💜 A placa acreditativa que recoñece ao centro como “Escola segura, libre de LGTBIfobia” seralles entregada durante este mes de xuño, mes do Orgullo.

Desde ARELAS queremos agradecer tamén a participación de todos os centros educativos que presentastes a vosa candidatura nesta edición. O voso compromiso contribúe cada día a facer das escolas galegas espazos máis inclusivos, respectuosos e seguros para todo o alumnado.

🌈 Porque unha escola sen armarios é unha escola mellor para todo o mundo.

27/05/2026

O borrado das mulleres trans non é feminismo: é transfobia envolta en consignas supostamente progresistas. Cando algunhas mulleres que se autodenominan feministas negan a identidade, a violencia e mesmo a morte das mulleres trans, están reproducindo exactamente a lóxica patriarcal que decide quen merece ser recoñecida como muller e quen non.

Kimberli era unha muller trans. Negalo mesmo despois do seu asasinato non é “defender ás mulleres”, é deshumanizar unha vítima para soster unha axenda de odio. O feminismo que exclúe, humilla e borra ás persoas trans deixa de ser unha ferramenta de liberación para converterse noutra forma de violencia.

As familias, profesionais e asociacións que acompañamos a infancia e mocidade trans vemos cada día as consecuencias reais destes discursos: medo, illamento, sufrimento e vulnerabilidade. Fronte ao odio, máis apoio, máis dereitos e máis dignidade para as persoas trans.

Nin borrado nin silencio. As mulleres trans existen e merecen vivir libres e seguras.

La reacción pública al feminicidio cometido por Andrés Roché muestra los límites de los discursos que intentan expulsar a las mujeres trans del análisis feminista de la violencia de género.

18/05/2026

17/05/2026

Hai marcas que non viven na pel.

Palabras que doen. Risas que afastan. Silencios que pesan.

Son cicatrices que quedan dentro.

Porque ás veces tamén doe agocharse,
calar para encaixar, sorrir con medo.

Moitas feridas aprenden cedo a calar

porque non todo se ve.

17 de maio · Día Internacional contra a LGTBIfobia