24/01/2026
📢 CADA VEZ MÁIS CERCA A FIN DO PROXECTO DO PARQUE EÓLICO DA EMPRESA ARENA POWER NO MORRAZO GRAZAS Á MOBILIZACIÓN DA COMARCA
✅ DENDE A PLATAFORMA RECLAMAMOS O ARQUIVO URXENTE DO EXPEDIENTE E A ELIMINACIÓN DA ADE DO MORRAZO PARA QUE NON HAXA MÁIS PROXECTOS NO FUTURO 💪🏽 (Sigue lendo e axuda a difundir👇🏽)
🔔 Dende que coñecemos o proxecto o noso obxectivo foi paralo. Por iso desenvolvemos, dende outono de 2021, un traballo de información (asembleas, charlas + boletín ás casas) así como diferentes actos de protesta (camiñadas, concentracións, marcha ciclista, manifestacións)
🏫 Tamén contamos coa colaboración dos concellos de Bueu, Cangas, Moaña e Vilaboa (faltou Marín 👀) facilitando información, aprobando mocións, opoñéndose institucionalmente e apoiando a Plataforma. Todo este traballo, que implicou a moita xente, serviu para mandar a mensaxe de que non íamos permitir que nos espoliasen a comarca 🚫
🗞️ Despois de contrastar ás informacións da prensa, os últimos movementos da empresa e a documentación da Xunta parece que a fin do proxecto está máis cerca.
💰 Que a empresa solicitase o arquivo do expediente e a devolución da fianza é unha boa nova, aínda que INCOMPLETA ata que se peche ese expediente que a Xunta nunca debeu autorizar. A nosa satisfacción será total cando non poida rondar polo Morrazo ningunha destas empresas.
Por iso anunciamos que:
1️⃣ Seguiremos atent@s ata o arquivo definitivo e reclamamos da Xunta axilidade.
2️⃣ Cando se confirmar o peche deste expediente, traballaremos para modificar o desfasado Plan Sectorial Eólico do ano 1997 para eliminar a Área de Desenvolvemento Eólico (superficie de 4.632 hectáreas dos nosos montes) que seguiría permitindo que estas empresas puidesen instalar parques eólicos no Morrazo☝🏽Eliminar a ADE é vital para a tranquilidade da veciñanza do Morrazo, do contrario sempre haberá unha porta aberta ás empresas do monopolio eólico.
3️⃣ Ademais seguiremos a participar na COORDINADORA EÓLICA ASÍ NON e a colaborar coas Plataformas que loiten contra este espolio nas proximidades da comarca, como as da Serra da Fracha, para que non se instalen parques que poidan supoñer un risco futuro para o Morrrazo.
💪🏽 Seguimos defendendo a auga, a terra, a saúde, a vida... EÓLICA ASÍ NON❗
