07/06/2026
๐๐๐๐ | ๐๐๐๐ก๐ฆ๐๐๐ก๐๐ฆ ๐๐ช๐๐ง๐ฅ๐ข ๐ฎ๐ฌ๐ฎ๐ฒ: ๐๐๐๐ข๐ ๐ ๐๐๐ป๐ถ๐ผ๐ฟ๐, ๐ป๐ฎ๐ด ๐๐ธ๐ถ๐ ๐๐ฎ ๐ถ๐น๐ฎ๐ป๐ด ๐ป๐ด๐ฎ๐น๐ฎ๐ป ๐๐ฎ ๐ง๐ฒ๐ฎ๐๐ฟ๐ผ ๐๐ด ๐๐ฑ๐๐ฒ๐ฟ๐๐ถ๐๐ถ๐ป๐ด
๐ฃ๐บ ๐๐ฐ๐ฅ๐ฆ๐ญ ๐๐ฆ๐ฃ๐ญ๐ฐ๐ณ๐ข
Nahimong halandumon nga talan-awon sa pagkamamugnaon ug propesyonal nga kahinog ang mga third-year students sa Bachelor of Arts in Communication kun BaComm atol sa ikaupat nga tuig sa DIINSCENES 2026, nga gipahigayon niadtong Mayo 28โ29, 2026 sulod sa DNSC Audio-Visual Room (AVR) gikan sa alas 9:00 sa buntag hangtod alas 4:00 sa hapon.
Pinaagi sa ilang mga produksiyon sa teatro ug nagkadaiyang kampanya sa brand communication, gipakita sa mga estudyante nga ang komunikasyon dili lamang limitado sa pagsulti ug pagsulat, kondili usa usab ka gamhanang galamiton sa paghulma sa panan-aw, pagpasundayag sa kamatuoran, ug pagdasig sa matag usa.
Sa bahin sa teatro, nangibabaw ang dula nga โLavanderas,โ nga midawat sa labing daghang pasidungog atol sa awarding ceremony. Nasungkit niini ang Outstanding Play, Outstanding Production, Outstanding Original Score, Outstanding Choreography, Outstanding Ensemble Performance, ug Outstanding Team. Ang maong kadaugan nagpamatuod sa kalig-on sa ilang kolektibong paningkamot ug sa kalawom sa artistikong pagpatuman nga nakadani sa mga mamiminaw ug mga hurado.
Misunod usab ang โNew Yorker in Tondoโ, nga gipasidunggan isip 2nd Outstanding Play ug nakadawat sa Outstanding Musical Direction, Outstanding Costume Design, ug Outstanding Sound Design. Gani, kini nagpadayag sa ilang dakong kaalam sa pagdisenyo sa entablado ug sa maampingong paggamit sa musika ug tingog aron mapalalom ang dula nga ilang gipasundayag.
Sa individual awards, gihatagan og pag-ila si Karl Louie Calibadan isip Outstanding Male Lead Performance, samtang si Strelrod Tuรฑacao maoy gidayeg isip Outstanding Female Lead Performance. Nakadawat usab si Jhonny Relabo sa Outstanding Male Lead Featured Performance, ug si Kyla Shane Verula sa Outstanding Female Lead Featured Performance, kini tungod sa ilang makapadani ug makapukaw nga pagdala sa ilang mga karakter.
Gipasidunggan usab si James Van Sion isip Outstanding Stage Director alang sa iyang maalamon nga pagdumala sa produksiyon, samtang si Judennis Palarao nakadawat sa Outstanding Stageplay tungod sa iyang pagkamamugnaong pagsulat sa dula. Sa teknikal nga bahin, si Jester Maglasang nailhan isip Outstanding Technical tungod sa iyang dakong kontribusyon luyo sa entablado nga nakahatag og kahapsay ug kalidad nga pasundayag.
Samtang, sa natad sa Brand Communication ug Advertising Agency Competition, nagpakitang-gilas usab ang mga estudyante pinaagi sa ilang mga kampanyang naglatid sa strategic communication, entertainment, ug creative marketing.
Nanguna ang ANCESTRA, nga gideklarar isip Best Advertising Agency ug nakadawat usab sa Top Agency Branding, Best Advocacy Campaign, Best Video Advocacy Campaign, ug Best Brand Advertisement for Video. Dugang pa, gipasidunggan usab si Mhaurien Codio-an isip Top Agency Manager, nga nagpakita sa iyang epektibong pagpangulo ug pagdumala sa maong ahensya.
Mipakita usab og kalig-on ang SIBOL Creatives, nga nakadawat sa Top Arts Division, Top Accounts Division, ug Best Brand Advertisement for Print kung asa mipaila sa ilang pagkamamugnaon ug pagpatuman sa hapsay nga konsepto sa advertising.
Sa laing bahin, ang LOOKAL nakasungkit sa Best Copywriter Award, diin gipasidunggan si Jester Maglasang tungod sa iyang dakong kahibalo sa pagsulat sa mga mensaheng makadani ug makahikap sa target audience niini.
Labaw pa sa mga tropeyo ug sertipiko, ang 4th DIINSCENES karong tuiga nahimong buhing pagpamatuod nga ang mga Third-year Comm Students, adunay igong kahanas sa pagdumala sa duha ka dagkong haligi sa programaโang teatro, nga naghatag og tingog sa mga sugilanong makadani, ug ang advertising, nga naghulma sa mensahe alang sa mas lapad nga audience.
Pinaagi sa ilang mga obra, kampanya, ug pasundayag, nagpamatuod nga ang gahum sa komunikasyon anaa sa abilidad sa paglamdag sa panghunahuna, pagdasig sa aksyon, ug paghatag og kahulugan sa mga kasinatian sa katawhan.
Ang ilang kalampusan sa DIINSCENES 2026 usa ka simple apan bug-at nga pahimangno nga ang umaabot nga industriya sa komunikasyon anaa sa mga kamot sa bag-ong henerasyon.
๐ฃ๐บ ๐๐ฉ๐ฆ๐ท๐ฆ๐ฏ ๐๐ข๐ฉ๐ช๐ฏ๐ข๐บ
