12/06/2026
128th Araw ng Kalayaan 2026 🇵🇭
Ang Pambayang Pederasyon Ng 4-H Club Ng Labo, ay buong pusong nakiisa sa pagdiriwang ng ika-128 Araw ng Kalayaan ng Pilipinas sa Bayan ng Labo, Camarines Norte.
Sa paggunita sa mahalagang araw na ito, ipinapaalala sa atin ang katapangan at sakripisyo ng ating mga bayani na nagbigay-daan upang makamtan ng ating bansa ang kalayaan. Bilang mga kabataang 4-H, tungkulin nating pahalagahan at ipagpatuloy ang kanilang mga adhikain sa pamamagitan ng pagiging responsableng mamamayan, mabuting lider, at aktibong katuwang sa pag-unlad ng ating komunidad.
Ang tunay na diwa ng kalayaan ay hindi lamang ang pagiging malaya bilang isang bansa, kundi ang pagkakaroon ng pagkakataong makapag-aral, makapaglingkod, makapagpahayag ng sariling saloobin, at makilahok sa mga gawaing makatutulong sa kapwa at sa pamayanan. Sa pamamagitan ng 4-H Club, nahuhubog ang kabataan upang maging produktibo, may malasakit sa kapaligiran, at handang maglingkod para sa ikabubuti ng nakararami.
Kaakibat ng apat na “H” ng 4-H—Head, Heart, Hands, and Health—ang diwa ng kalayaan. Ang Head (Kaisipan) ay sumisimbolo sa malayang pag-iisip at tamang pagpapasya; ang Heart (Puso) ay sa pagmamahal sa bayan at kapwa; ang Hands (Kamay) ay sa kusang-loob na paglilingkod at pakikilahok sa mga gawaing pangkaunlaran; at ang Health (Kalusugan) ay sa pagpapanatili ng malusog na pangangatawan upang maging epektibong mamamayan ng bansa.
Pinangunahan ang pakikiisa ng Pangulo ng Pambayang Pederasyon Ng 4-H Club Ng Labo, Dhonald Jay E. Veraña, kasama ang mga opisyal at miyembro ng iba't ibang pangbarangay na 4-H Club sa bayan. Ang gawaing ito ay naisakatuparan sa patnubay at suporta ni Pambayang Tagapag-ugnay Ng 4-H Club/VLAP Gilbert B. Cribe, na patuloy na nagsusulong ng mga programang nagbibigay-lakas at pagkakataon sa mga kabataang 4-Hers ng Labo.
Sa pagdiriwang ng Araw ng Kalayaan, ipinapangako ng Busig-On 4-H Club ( Pambayang Pederasyon Ng 4-H Club ng Labo) na patuloy na magiging katuwang sa paghubog ng mga kabataang may pagmamahal sa bayan, may malasakit sa komunidad, at handang gamitin ang kanilang kakayahan para sa mas maunlad, makatarungan, at malayang Pilipinas.
Mabuhay ang Kabataang 4-H! Mabuhay ang Labo! Mabuhay ang Pilipinas! 🇵🇭🍀
"Ang kalayaang ipinaglaban ng ating mga bayani ay higit na mabibigyang halaga kapag ito ay ginagamit ng kabataan sa paglilingkod, pamumuno, at pagbuo ng mas magandang kinabukasan para sa lahat." 🇵🇭🍀
