https://www.facebook.com/104216442344787/

Carmona Children's Federation, Carmona (2026)

19/05/2026

Ang 𝐏𝐑𝐎𝐉𝐄𝐂𝐓 𝐋𝐀𝐏𝐈𝐒 (𝐋𝐞𝐚𝐫𝐧𝐢𝐧𝐠 𝐀𝐬𝐬𝐢𝐬𝐭𝐚𝐧𝐜𝐞 𝐏𝐫𝐨𝐠𝐫𝐚𝐦 𝐚𝐧𝐝 𝐈𝐧𝐜𝐥𝐮𝐬𝐢𝐯𝐞 𝐒𝐮𝐩𝐩𝐨𝐫𝐭) ay isang lokal na inisyatiba ng Lungsod ng Carmona na naglalayong tugunan at mabawasan ang suliranin ng kawalan ng literasiya sa pamamagitan ng pagtutulungan at pakikipag-ugnayan ng komunidad.

Nakapaloob sa proyekto ang dalawang pangunahing hakbang: (1) 𝐩𝐚𝐠𝐛𝐢𝐛𝐢𝐠𝐚𝐲 𝐧𝐠 𝐭𝐮𝐥𝐨𝐧𝐠 𝐬𝐚 𝐩𝐚𝐠𝐤𝐚𝐭𝐮𝐭𝐨 para sa mga kabataang nahihirapan o nais mapaunlad ang kanilang kasanayan sa pagbabasa at upang maibalik sa paaralan ang mga out-of-school youth at children; at (2) 𝐢𝐧𝐤𝐥𝐮𝐬𝐢𝐛𝐨𝐧𝐠 𝐬𝐮𝐩𝐨𝐫𝐭𝐚 𝐛𝐢𝐥𝐚𝐧𝐠 𝐤𝐚𝐫𝐚𝐠𝐝𝐚𝐠𝐚𝐧𝐠 𝐬𝐞𝐫𝐛𝐢𝐬𝐲𝐨𝐧𝐠 𝐩𝐚𝐧𝐥𝐢𝐩𝐮𝐧𝐚𝐧 na tumutugon sa pangangailangang pang-edukasyon ng mga kabataan, matulungan ang pamilya sa paglago ng kanilang kabataan, at makapagbigay ng suporta para sa kanilang kabuuang pag-unlad sa pamamagitan ng mga inklusibong serbisyo publiko handog ng lokal na pamahalaan.

Ang 𝐏𝐑𝐎𝐉𝐄𝐂𝐓 𝐋𝐀𝐏𝐈𝐒 ay hindi lamang nakatuon sa pagkatuto at pag-gabay sa pagbabasa, kundi isang holistikong pamamaraan na tumutugon din sa kanilang mga pangangailangang panlipunan. Higit pa rito, nagsisilbi rin itong daan at panawagan tungo sa pagsasakatuparan ng 𝐒𝐮𝐬𝐭𝐚𝐢𝐧𝐚𝐛𝐥𝐞 𝐃𝐞𝐯𝐞𝐥𝐨𝐩𝐦𝐞𝐧𝐭 𝐆𝐨𝐚𝐥𝐬 (𝐒𝐃𝐆𝐬).

17/05/2026

𝗣𝗥𝗢𝗝𝗘𝗖𝗧 𝗟𝗔𝗣𝗜𝗦 𝗥𝗘𝗖𝗔𝗣 📚✏️

Mula Pebrero hanggang Abril, matagumpay na naisakatuparan tuwing Sabado ang Project LAPIS sa tulong ng mga kasaping organisasyon kaisa ang Carmona Children's Federation upang mapaunlad ang literacy at reading comprehension ng 24 na batang mula sa Milagrosa.

Sa bawat sesyon, naging daan ang pagtutulungan at malasakit upang mas mapalapit ang mga bata sa pagkatuto at kumpiyansa sa sarili. Higit pa sa simpleng pagtuturo, naging layunin ng programa na mabigyan ng panibagong pag-asa ang mga bata at mahikayat silang makabalik sa paaralan.

Patunay ang LAPIS na sa pamamagitan ng sama-samang pagkilos ng komunidad, mas maraming kabataan ang mabibigyan ng pagkakataong matuto at mangarap muli! 🌟

17/05/2026

𝗧𝗔𝗡𝗚𝗟𝗔𝗪 𝗟𝗔𝗣𝗜𝗦: 𝗕𝗿𝗴𝘆. 𝗠𝗶𝗹𝗮𝗴𝗿𝗼𝘀𝗮 𝗚𝗿𝗮𝗱𝘂𝗮𝘁𝗶𝗼𝗻 𝗗𝗮𝘆! 🎓

Sa pagtatapos ng 𝙋𝙧𝙤𝙟𝙚𝙘𝙩 𝙇𝘼𝙋𝙄𝙎: Beyond the Margin, Ace the Gap, taos-pusong ipinagdiriwang ang bawat batang naging bahagi ng matiyagang pagkatuto. Sa pamamagitan ng sama-samang pagtutulungan, nabigyan ng pagkakataon ang mga bata ng Brgy. Milagrosa na malinang ang kanilang kakayahang magbasa, matuto, at mas mapalapit sa kanilang mga pangarap.✏️💛

Ang bawat ngiti at pag-unlad ng mga bata ay patunay na ang edukasyon ay mas nagiging makabuluhan kapag may malasakit at pagkakaisa.

Lubos ding kinikilala at pinasasalamatan ang mga organisasyon kabilang Carmona Children's Federation sa naging kontribusyon at walang sawang suporta upang maitaguyod ang kapakanan at pagkatuto ng mga bata sa komunidad.

Sa pamamagitan ng dedikasyon ng bawat boluntaryo, mas maraming kabataan ang nabibigyan ng pag-asa at inspirasyong ipagpatuloy ang pag-aaral at matutong magbasa nang may tiwala sa sarili. Patuloy nating gawing lapis ng pagbabago ang edukasyon para sa bawat bata!💙🩷

Pagbati mga batang matiyagang nagsipagtapos!✏️🎓

04/05/2026

𝗪𝗘 𝗳𝗼𝗿 𝗚𝗲𝗻𝗱𝗲𝗿 𝗘𝗾𝘂𝗮𝗹𝗶𝘁𝘆 𝗮𝗻𝗱 𝗜𝗻𝗰𝗹𝘂𝘀𝗶𝘃𝗲 𝗦𝗼𝗰𝗶𝗲𝘁𝘆! 💜

Para sa nakaraang pagdiriwang ng National Women’s Month 2026, naging daan ang Bisita Para sa Bata sa mga elementaryang paaralan sa Carmona upang ipaalala sa mga kabataan ang lakas, halaga, at inspirasyong dala ng kababaihan sa lipunan sa pangunguna ng Carmona Children's Federation.

Sa bawat kwento at talakayan, mas pinagtibay ang diwa ng respeto, pagkakapantay-pantay, at pagpapahalaga sa kababaihang patuloy na nagbibigay liwanag at pagbabago sa bawat henerasyon!

Labis kaming nagpapasalamat sa pakikiisa ng Cabilang Baybay Elementary School (CABES), Paligawang Matanda Elementary School (PALMES), Milagrosa West Elementary School (MILES West), Lantic Elementary School (LANES), Maduya Elementary School (MADES), at Bancal Elementary School (BANES). Malugod naming ikinagagalak ang inyong suporta para sa kaalaman ng bawat mag-aaral.

04/05/2026

𝗕𝗜𝗦𝗜𝗧𝗔 𝗣𝗔𝗥𝗔 𝗦𝗔 𝗕𝗔𝗧𝗔! 🌟

Isinagawa ang Orientation on Online Sexual Abuse and Exploitation of Children (OSAEC) at Child Sexual Abuse and Exploitation Materials (CSAEM) Bisita Para sa Bata ng Carmona Children’s Federation, matagumpay na naipabatid sa mga kabataan ang kahalagahan ng pagiging responsable at maingat sa paggamit ng social media.

Taos puso ang aming pasasalamat sa pakikiisa ng Carmona Elementary School (CES), Milagrosa Main Elementary School (MILES Main), Mabuhay Elementary School (MABES).

Sa pamamagitan ng makabuluhang talakayan at mga gawain, natutunan nila kung paano makaiwas sa mga panganib online at kung paano mapoprotektahan ang kanilang sarili laban sa pang-aabuso at maling paggamit ng internet 📳

Layunin ng programang ito na imulat ang kabataan sa tamang paggamit ng social media at hikayatin silang maging mapanuri, responsable, at matapang magsumbong sa mga nakatatanda o awtoridad kung may nararanasang hindi ligtas na sitwasyon online. Patuloy na naninindigan ang Carmona Children’s Federation para sa kaligtasan, proteksyon, at kapakanan ng bawat batang Pilipino sa loob man o labas ng internet! 🌟

04/05/2026

𝗞𝗮𝗮𝗹𝗮𝗺𝗮𝗻 𝗽𝗮𝗿𝗮 𝘀𝗮 𝗺𝗴𝗮 𝗸𝗮𝗯𝗮𝘁𝗮𝗮𝗻𝗴 𝗖𝗮𝗿𝗺𝗼𝗻𝗶𝗮𝗻!

Isinagawa ng Carmona Children's Fedaration (CCF) ang pag tatalakay ng mga impormasyon patungkol RA 11930 - Anti-OSAEC & Anti-CSAEM upang mapaigting ang proteksiyonan laban sa mga pangaabusong online sa mga Grade 6 Students ng Carmona Elementary School ngayong December 15, 2025.

Kaugnay nito, matagumpay rin na naisagawa ang pamamahagi ng materials tulad ng flyers para sa mga batang Carmonians. Ang OSAEC-CSAEM ay mas naipaliwanag ng matagumpay at komprehensibo sa mga kabataan.

04/05/2026

𝗞𝗮𝘁𝗶𝗽𝘂𝗻𝗮𝗻 𝗙𝗼𝗿𝗺𝗮𝘁𝗶𝗼𝗻 𝗣𝗿𝗼𝗴𝗿𝗮𝗺 𝗥𝗼𝗹𝗹𝗼𝘂𝘁👫

Nilahukan ng Carmona Children's Federation ang Katipunan Formation Program rollout sa Carmona City noong Mayo 2, 2026 kung saan nagsama-sama ang mga kabataan mula sa iba’t ibang organisasyon upang higit pang palalimin ang kaalaman at kamalayan sa mabuting pagkamamamayan.

Sa pamamagitan ng programang ito, naipakita ang pagkakaisa at aktibong partisipasyon ng kabataan sa mga makabuluhang gawain. Naging pagkakataon din ito upang makapagbahagi ng ideya, karanasan, at inspirasyon na magpapatibay sa kanilang papel bilang kabataang lider sa komunidad.

Bilang kabataan, patuloy tayong nakikilahok at nagiging mas mulat sa ating responsibilidad upang mas mahubog tayo bilang mamamayan para sa mas maliwanag na kinabukasan.

04/05/2026

𝗕𝗬𝗔𝗛𝗘𝗡𝗚 𝗠𝗔𝗞𝗔𝗕𝗔𝗧𝗔, 𝗔𝗡𝗢 𝗧𝗔𝗥𝗔?

Noong April 27, 2026 idinaos ng Local Council for the Protection of Children - Carmona ang programang Bagets Leadcon: Batang Leader, Batang Maglilingkod. Katuwang ang Carmona Children's Federation (CCF), binigyan nila ng pagkakataon na maipakita ng bawat bata ang kanilang kakayahan bilang isang lider. Nagkaroon ng iba't ibang makabuluhang mga aktibidad upang mas maipakita pa ng mga kabataan ang kanilang kakayahan bilang isang lider.

Nagkaroon din ng mga lectures upang mas mahubog pa ang kaalaman ng mga bata. Ms. Kate Ashley Sibal, ang Vice President ng Lion City Youth Inc. ay ang nag silbing unang Resource Speaker upang magbigay ng kaniyang diskusyon, ukol sa pamumuno ng may kumpiyansa sa sarili.

Kasunod nito, nagbigay rin ng kaniyang diskusyon si Kuya Jean Claude Magdaong, upang mag bigay ng kaalaman sa mga kabataan kung anong karapatan ang kanilang dapat na matamasa at mapahalagahan ito.

04/05/2026

𝘽𝘼𝙏𝘼, 𝘽𝘼𝙏𝘼, 𝘼𝙉𝙊 𝘼𝙉𝙂 𝙄𝙔𝙊𝙉𝙂 𝙈𝘼𝙂𝘼𝙂𝘼𝙒𝘼?

Noong April 14 at 15, 2026. Idinaos ng Local Council for the Protection of Children - Carmona ang dalwang araw na programang BATA, BATA, ANO ANG IYONG MAGAGAWA?: Leadership Training for Barangay Children's Association. Kung saan nagkaroon ng iba't ibang makabuluhang aktibidad na siyang bumuhay sa pagiging lider ng bawat kabataang lumahok sa programang ito.

Nagkaroon din ng iba't ibang lecture, kung saan mas napalawak ang kaalaman ng kabataan patungkol sa pagiging isang leader. Sinimulan ito ni Ms. Asiel Romei D. Canta, isang Licensed Professional Teacher, Youth Leader, at ang Vice President ng Gawad Laguna Inc. bilang pinaka unang resource speaker. Kung saan itinuro ni Ms. Asiel kung ano nga ba ang personalidad ng isang lider.

Kasunod nito ay ang diskusyon ni Kuya Carl James Bugarin mula sa Community Affairs and Youth Development Office patungkol sa leadership skills at kung paano ito magagamit sa tunay na senaryo.

Sumunod naman ang pagpapalawak ng kaalaman patungkol sa 4 core child rights na siya namang pinangunahan ni Kuya Ralph Anthony Hernandez, mula sa Community Affairs and Youth Development Office bilang pangatlong resource speaker. Dito tinalakay ang pagkakaiba at kahalagahan ng bawat karapatan ng bata.

Ang panghuling diskusyon naman ay binigyang buhay ni Kuya Vincent Robel Olipano, mula sa Local Economic Development and Investment Promotion Officekung saan tinalakay ang 17 Sustainable Development Goals, na-ipaliwanag ang kahalagahan at kahulugan nito sa mga bata.

27/04/2026

𝐁𝐄𝐄𝐏 𝐁𝐄𝐄𝐏! 🚦𝐁𝐘𝐀𝐇𝐄𝐍𝐆 𝐁𝐀𝐆𝐄𝐓𝐒 𝐋𝐄𝐀𝐃𝐂𝐎𝐍!

In accordance with the previous two-day seminar held last April 14-15, the Local Council for the Protection of Children - Carmona and the Community Affairs and Youth Development Office - Carmona together with Carmona Children’s Federation (CCF) brings 𝗕𝗮𝘁𝗮𝗻𝗴 𝗟𝗲𝗮𝗱𝗲𝗿, 𝗕𝗮𝘁𝗮𝗻𝗴 𝗠𝗮𝗴𝗹𝗶𝗹𝗶𝗻𝗴𝗸𝗼𝗱 allowing Carmona youth to discover their voice and step into leadership through fun and meaningful activities. Centered on the four core child rights; survival, development, protection, and participation. This event empowers the youth to grow, be heard, and take action for their own community and acknowledge timely social issues.

Seeking to foster children’s understanding on leadership roles, 𝐌𝐬. 𝐊𝐚𝐭𝐞 𝐀𝐬𝐡𝐥𝐞𝐲 𝐒𝐢𝐛𝐚𝐥, Vice President of Lion City Youth Inc. encouraged the children of today to lead by example and with confidence, serving as the first resource speaker for 𝐁𝐚𝐠𝐞𝐭𝐬, 𝐊𝐚𝐲𝐚 𝐌𝐨𝐧𝐠 𝐌𝐚𝐠 𝐋𝐞𝐚𝐝! 𝐀𝐧𝐨 𝐓𝐚𝐫𝐚?

In line with, as a youth leader himself, 𝐊𝐮𝐲𝐚 𝐉𝐞𝐚𝐧 𝐂𝐥𝐚𝐮𝐝𝐞 𝐌𝐚𝐠𝐝𝐚𝐨𝐧𝐠, CCF’s former Male Child Representative expanded children’s knowledge of their rights while also cultivating their leadership capabilities on his talk on 𝐒𝐭𝐨𝐩, 𝐋𝐨𝐨𝐤, 𝐚𝐧𝐝 𝐋𝐢𝐬𝐭𝐞𝐧!

𝐌𝐮𝐥𝐚 𝐬𝐚 𝐛𝐚𝐭𝐚, 𝐩𝐚𝐫𝐚 𝐬𝐚 𝐛𝐚𝐭𝐚! Sama-sama nating hubugin ang kabataang handang mamuno at maglingkod para sa mas magandang kinabukasan! ❤️‍🔥🌟

09/03/2026

Happy National Women's Month!

"Every woman's success should be an inspiration to another. We're strongest when we cheer each other on."
- Serena Williams, Tennis Champion

Ngayong Marso 2026, ating ginugunita ang bawat kababaihan na may temang "Lead Like the Babaylans, Filipinas". Sila ang nag sisimbolo sa mga kalakasan at pangunguna sa pag sulong ng mas maunlad at pantay na lipunan. Bukod dito, ipinagdiriwang din natin ang kanilang kontribusyon, tagumpay, at katatagan sa lahat ng sektor ng lipunan kaugnay ng kanilang patuloy na pagtataguyod sa kanilang adbokasiya.

Gayunpaman, ito ang nagpapaalala sa atin na ang kababaihan ay may kakayanan sa lahat ng bagay mula sa pagiging isang ina, kaibigan, anak, kapatid, at lider. Hindi lamang sa pagiging isang mamamayan, ngunit hanggang sa isang kababaihan na tumitindig para sa kaniyang bayan.

Carmona Children's Federation

19/05/2026

17/05/2026

17/05/2026

04/05/2026

04/05/2026

04/05/2026

04/05/2026

04/05/2026

04/05/2026

27/04/2026

09/03/2026

Address

Website

Alerts

Contact The Organization

Shortcuts

Share

Category