Iskul Juan

03/06/2026

Pagkilala sa mga Tunay na Bayani ng Ating Kabuhayan!

Sa pagdiriwang ng Farmers and Fisherfolks' Day, buong pagmamalaking kinilala at pinarangalan ng Pamahalaang Bayan ng Bustos ang mga natatanging magsasaka at mangingisda na nagbigay ng natatanging ambag sa pagpapaunlad ng sektor ng agrikultura at pangisdaan sa ating bayan.

Sa pamamagitan ng pagkilala sa kanilang kasipagan, dedikasyon, at kahusayan sa iba't ibang larangan, higit nating naipapakita ang pagpapahalaga sa mga indibidwal na nagsisilbing haligi ng ating seguridad sa pagkain at kaunlarang pangkabuhayan.

Mabuhay ang ating mga magsasaka at mangingisda, ang tunay na katuwang sa pag-ani ng masagana at maunlad na kinabukasan para sa Bayan ng Bustos!

01/06/2026

Nakiisa ang mga opisyal at kawani ng Pamahalaang Bayan ng Bustos sa isinagawang First Monday Mass at Flag Raising Ceremony bilang pagsisimula ng panibagong linggo ng paglilingkod na may pananampalataya, pagkakaisa, at dedikasyon sa tungkulin.

Ang banal na misa ay nagsilbing pagkakataon upang magpasalamat sa mga biyayang natatanggap at humingi ng gabay para sa patuloy na mahusay at tapat na paglilingkod sa sambayanang Bustosenyo. Sinundan ito ng Flag Raising Ceremony bilang pagpapakita ng pagmamahal sa bayan, pagkakaisa, at paninindigan sa mga adhikain ng pamahalaan.

Nawa’y magsilbing inspirasyon ang pagtitipong ito upang lalo pang paigtingin ang ating sama-samang pagkilos tungo sa mas maayos, mas progresibo, at mas maunlad na Bustos.

01/06/2026

28/05/2026

Bilang pagtatapos ng isang linggong paglilingkod, sama samang nakiisa ang mga kawani ng Pamahalaang Bayan sa isinagawang Weekly Zumba Session bilang bahagi ng patuloy na pangangalaga sa kanilang kalusugan at kapakanan.

Layunin ng gawaing ito na mabigyang pagkakataon ang bawat empleyado na makapag relax, makapag ehersisyo, at muling magkaroon ng sigla matapos ang sunod sunod na tungkulin at serbisyo para sa mamamayan.

Sa pamamagitan ng mga ganitong programa, higit na napapalakas hindi lamang ang pangangatawan kundi maging ang samahan, positibong pananaw, at dedikasyon ng ating mga lingkod bayan tungo sa mas mahusay na paglilingkod publiko.

28/05/2026

Nakikiisa ang Pamahalaang Bayan ng Bustos sa pagdiriwang ng National Flag Days mula Mayo 28 hanggang Hunyo 12, bilang paggunita sa diwa ng kalayaan, kasaysayan, at pagkakaisa ng sambayanang Pilipino.

Nawa’y magsilbing paalala ang ating watawat sa katapangan, sakripisyo, at pagmamahal sa bayan ng mga Pilipinong nagbigay dangal at kalayaan sa ating bansa.

Sa bawat pagwagayway ng ating bandila, patuloy nating buhayin ang diwa ng pagiging makabayan at pagkakaisa para sa mas maunlad na kinabukasan ng ating bayan at bansa.

Mabuhay ang Sambayanang Pilipino.

28/05/2026

Patuloy na nagsisilbing katuwang ng kabataang Bustosenyo ang Pamahalaang Bayan ng Bustos sa pamamagitan ng isinagawang payout para sa mga benepisyaryo ng Iskular ni Juan Program.

Layunin ng programang ito na masuportahan ang pag aaral ng ating mga kabataan at matulungan silang maabot ang kanilang mga pangarap sa kabila ng iba’t ibang hamon sa buhay.

Sa bawat tulong na naipagkakaloob, mas lalo nating pinagtitibay ang paniniwala na ang edukasyon ay mahalagang susi tungo sa mas maunlad na kinabukasan para sa bawat kabataang Bustosenyo.

Patuloy na mangarap, magsikap, at magtagumpay para sa sarili, pamilya, at bayan.

26/05/2026

Hindi lamang ito isang parangal kundi patunay ng bunga ng tapat na paglilingkod, maayos na pamamahala, at sama samang pagkilos para sa kapakanan ng bawat Bustosenyo.

Taos pusong ipinagmamalaki ng Pamahalaang Bayan ng Bustos ang pagkakatanggap ng 2026 PhALGA Excellence Award bilang pagkilala sa matagumpay na pagkamit ng Seal of Good Local Governance (SGLG)

Ang pagkilalang ito ay sumasalamin sa dedikasyon ng lokal na pamahalaan sa pagsusulong ng transparency, accountability, at dekalidad na serbisyo publiko. Higit sa lahat, ito ay tagumpay ng bawat kawani, katuwang, at mamamayang patuloy na naniniwala at nakikiisa sa adhikain ng isang mas maunlad at mas maayos na Bayan ng Bustos.

Patuloy tayong magsisilbi nang may integridad, malasakit, at kahusayan para sa mas maliwanag na kinabukasan ng ating bayan.
Lead. Grow. Excel.

26/05/2026

Nakikiisa ang Pamahalaang Bayan ng Bustos sa pagsusulong ng Republic Act No. 8485 o ang Animal Welfare Act of 1998 laban sa iligal at malupit na dog meat trade.

Ang bawat hayop ay nararapat tratuhin nang may malasakit, pag aaruga, at dignidad. Hindi kailanman magiging tama ang anumang uri ng kalupitan laban sa mga hayop.

Patuloy nating isulong ang kamalayan, responsableng pag aalaga, at sama samang pagkilos upang maprotektahan ang kapakanan ng ating mga alagang hayop at mapanatili ang isang komunidad na may malasakit sa lahat ng nilalang.

26/05/2026

Bilang pakikiisa sa pagdiriwang ng Eid al Adha o Feast of Sacrifice, ipinapaalala sa ating mga kababayang Bustosenyo na bukas Miyerkules, Mayo 27, 2026 ay Regular Holiday.

Nawa’y magsilbing panahon ito ng pananampalataya, kapayapaan, sakripisyo, at pagkakaisa para sa ating lahat. Maligayang pagdiriwang ng Eid al Adha sa ating mga kapatid na Muslim.

25/05/2026

Pagbati sa ating mga Bustosenyo sa kanilang kahanga-hangang tagumpay sa kanilang mga larangan:

𝐌𝐀𝐑𝐂 𝐌𝐘𝐑𝐎𝐍 𝐀. 𝐒𝐀𝐍𝐂𝐇𝐄𝐙, 𝐌𝐀𝐆𝐍𝐀 𝐂𝐔𝐌 𝐋𝐀𝐔𝐃𝐄
𝐃𝐑𝐀. 𝐊𝐑𝐈𝐒𝐓𝐈𝐍𝐄 𝐋𝐎𝐄 𝐂. 𝐒𝐀𝐍𝐓𝐎𝐒, 𝐃𝐄𝐍𝐓𝐈𝐒𝐓𝐑𝐘 𝐋𝐈𝐂𝐄𝐍𝐒𝐔𝐑𝐄 𝐄𝐗𝐀𝐌𝐈𝐍𝐀𝐓𝐈𝐎𝐍 𝐏𝐀𝐒𝐒𝐄𝐑 𝟐𝟎𝟐𝟔
𝐃𝐀𝐍𝐈𝐄𝐋𝐀 𝐒𝐇𝐀𝐄𝐍 𝐏𝐀𝐃𝐈𝐋𝐋𝐀 𝐕𝐈𝐋𝐋𝐀𝐋𝐎𝐍, 𝐂𝐈𝐕𝐈𝐋 𝐒𝐄𝐑𝐕𝐈𝐂𝐄 𝐏𝐀𝐒𝐒𝐄𝐑 𝟐𝟎𝟐𝟔
𝐄𝐃𝐌𝐀𝐑𝐓 𝐁. 𝐀𝐓𝐀𝐁𝐀𝐘, 𝐋𝐏𝐓
𝐂𝐇𝐑𝐈𝐒𝐓𝐈𝐍𝐄 𝐊𝐎𝐘 𝐒𝐄𝐑𝐏𝐀 𝐉𝐔𝐀𝐍, 𝐋𝐏𝐓
𝐌𝐈𝐃𝐘𝐍𝐍𝐄 𝐌𝐀𝐄 𝐂. 𝐆𝐄𝐑𝐌𝐀𝐑, 𝐋𝐏𝐓

Mula sa Pamahalaang Bayan ng Bustos, taos pusong pagbati sa inyong tagumpay na patuloy na magbibigay inspirasyon at karangalan sa ating bayan.