Batika Saving And Credit Co-Operative Limited

22/06/2026

💐💐 हार्दिक श्रद्धाञ्जली💐💐

आयाे टप्पटिपि लग्याे मिति पुग्याे टारेर टर्दैन त्याे ।
ईन्द्रै विन्ति गरून् झुकेर पदमा त्याे विन्ति मान्दैन त्याे ।।

बाटिका बचत तथा ऋण सहकारी संस्था लि.का शेयर सदस्य पोखरा–३२, खाेलाकाेछेऊ निवासि मनसुवा गुरुङ को मिति २०८३/३/६ गते ६४ वर्षको उमेरमा भएको असामयिक निधनको दुःखद खबरले यस संस्था परिवारलाई अत्यन्त मर्माहत बनाएको छ।
स्वर्गीय मनसुवा गुरुङ प्रति हार्दिक श्रद्धाञ्जली अर्पण गर्दै उहाँको दिवंगत आत्माको चिरशान्तिको कामना गर्दछौँ। साथै यस दुःखद घडीमा शोकाकुल परिवारजनमा परेको अपूरणीय क्षतिप्रति गहिरो समवेदना व्यक्त गर्दै पीडादायी क्षण सहन गर्ने शक्ति भगवानले प्रदान गरून् भन्ने कामना गर्दछौँ।
ईश्वरले दिवंगत आत्मालाई वैकुण्ठवास प्रदान गरून् भन्ने प्रार्थना गर्दै सम्पूर्ण शोकाकुल परिवारजनप्रति हार्दिक समवेदना व्यक्त गर्दछौँ।

21/06/2026

बाटिका बचत तथा ऋण सहकारी संस्था लि. द्वारा आर्थिक वर्ष २०८३/०८४ को वार्षिक नीति, कार्यक्रम तथा बजेट निर्माण कार्यक्रम सफलतापूर्वक सम्पन्न भएको छ।
मिति २०८३ असार ६ र ७ गते मादी गाउँपालिका सभाहलमा आयोजित उक्त कार्यक्रममा संस्थाका पदाधिकारी, सञ्चालक समिति, लेखा सुपरिवेक्षण समिति, पुर्व अध्यक्षहरु, सल्लाहकार ,ऋण उप समिति ,अनुगमन सम्याेजक, कर्मचारी हरूको सक्रिय सहभागिता रहेको थियो।
कार्यक्रममा संस्थाको वर्तमान अवस्था, भावी कार्यदिशा, सदस्य हितका कार्यक्रम, संस्थागत सुदृढीकरण तथा आर्थिक वर्ष २०८३/०८४ का लागि आवश्यक नीति, कार्यक्रम र बजेट सम्बन्धी विषयमा व्यापक छलफल गरी महत्वपूर्ण सुझावहरू संकलन गरिएको छ।
कार्यक्रमलाई सफल बनाउन प्रत्यक्ष तथा अप्रत्यक्ष रूपमा सहयोग, सहभागिता र सुझाव प्रदान गर्नुहुने सम्पूर्ण महानुभावहरूमा हार्दिक धन्यवाद व्यक्त गर्दछौं। आगामी दिनहरूमा पनि सहकारीको दिगो विकास, सुशासन र सदस्यको समृद्धिका लागि यहाँहरूको निरन्तर साथ, सहयोग र सद्भावको अपेक्षा गर्दछौं।
धन्यवाद। 🌹🙏

11/06/2026

20/05/2026

यस बाटिका बचत तथा ऋण सहकारी संस्था लि. को स्वामित्वमा रहेको तल उल्लेखित जग्गा आवश्यक प्रक्रिया पूरा गरी बिक्री गर्नुपर्ने भएकाले इच्छुक व्यक्ति, संस्था वा व्यवसायीहरूलाई यो सूचना प्रकाशित गरिएको छ।
इच्छुक खरिदकर्ताले यो सूचना प्रकाशित भएको मितिले ३५ दिनभित्र संस्थाको कार्यालयमा सम्पर्क राखी आवश्यक विवरण बुझ्न तथा प्रस्ताव पेश गर्न अनुरोध गरिन्छ।

19/05/2026

📢 ऋणी सदस्यहरूलाई विशेष सूचना 📢

सहकारीबाट लिएको ऋण समयमै भुक्तानी गर्नु प्रत्येक सदस्यको दायित्व हो ।
अटेर गरी ऋण नतिर्दा भविष्यमा कानुनी कारवाही, अदालतको आदेश, कालोसूचीमा नाम दर्ता, सम्पत्ति रोक्का लगायत विभिन्न समस्या उत्पन्न हुन सक्छन् ।
सहकारीका नीति तथा नियमहरू अझ कडा बन्दै गइरहेका छन् ।
त्यसैले पछुताउनु भन्दा बेलैमा सचेत बनौं, सजग बनौं ।
✅ समयमै ऋण तिर्औं
✅ आर्थिक अनुशासन अपनाऔं
✅ सहकारीको विश्वास कायम राखौं

बाटिका बचत तथा ऋण सहकारी संस्था लि.
“सहकार्यमा समृद्धि, सहकारीमा सुरक्षा”

17/04/2026

सूचना।सूचना।।सूचना।।।

14/04/2026

“बाटिका बचत तथा ऋण सहकारी संस्था लिमिटेडको तर्फबाट नयाँ वर्ष २०८३ काे शुभ अवसरमा सम्पूर्ण सदस्यज्यूहरू, शेयरधनी महानुभावहरू, कर्मचारीवर्ग तथा सम्पूर्ण शुभेच्छुकहरूमा हार्दिक मंगलमय शुभकामना व्यक्त गर्दछौँ।
सहकारिताको आधारभूत सिद्धान्त—एकता, सहकार्य, पारदर्शिता र आत्मनिर्भरता—लाई आत्मसात गर्दै हाम्रो संस्था सदस्यहरूको आर्थिक, सामाजिक तथा व्यावसायिक उन्नयनमा समर्पित रहँदै आएको छ। आगामी दिनहरूमा समेत अझ प्रभावकारी सेवा, सुशासन र संस्थागत सुदृढीकरणमार्फत सदस्यहरूको विश्वासलाई अझ मजबुत बनाउँदै अघि बढ्ने प्रतिबद्धता व्यक्त गर्दछौँ।
नयाँ वर्ष २०८३ ले सम्पूर्णमा नयाँ उत्साह, ऊर्जा र अवसरहरू ल्याओस्, साथै सबैको जीवनमा सुख, शान्ति, समृद्धि र सफलताको नयाँ आयाम थपियोस् भन्ने हार्दिक कामना गर्दछौँ।”

06/04/2026

सूचना। सूचना।।सूचना।।।