Сэлэнгэ аймгийн Улаан загалмайн Дунд шатны хороо

23/07/2026

09/07/2026

Үндэсний их баяр наадмын амралтын өдрүүд эхэлж байгаатай холбогдуулан иргэд, олон нийт Та бүхэн аливаа эрсдэлээс урьдчилан сэргийлж доорх зөвлөмжийг дагаж мөрдөнө үү.

Та бүхэн сайхан наадаарай🇲🇳

09/07/2026

2026 оны 07-р сарын 08

Сэлэнгэ аймгийн Улаан загалмай хорооны арга зүйч Ганхуягийн Нандин-Эрдэнэ, Ерөө сумын ИТХ-ын нарийн бичгийн дарга, Улаан загалмай хорооны нарийн бичгийн дарга Энхээгийн Болормаа нар Монгол улсын Ерөнхийлөгчийн зарлигаар "Хөдөлмөрийн хүндэт медаль"-иар шагнагдлаа. 👏👏👏

Та хоёртоо хамгийн сайн сайхан бүхнийг хүсэн ерөөж, баяр хүргэе. 😍😍😍😍

03/07/2026

2026 олны 07-р сарын 02

Мандал сумын Улаан загалмайн Анхан шатны хороо, Хэрх тосгоны улаан загалмайн үйл ажиллагаатай танилцлаа.

Мөн Хэрх тосгоны Улаан загалмайн гишүүн байгууллага болох Улсын тэргүүний цэцэрлэгийн үйл ажиллагаатай танилцав.

Мандал суман дахь "Энх мэнд" Ахмадын сувилалд хөнжил, гудас зэрэг хэрэгцээт зүйлсээр дэмжлэг үзүүллээ.

30/06/2026

ХҮМҮҮНЛЭГИЙН АНДУУД ТА БҮХЭНДЭЭ МОНГОЛЫН УЛААН ЗАГАЛМАЙ НИЙГЭМЛЭГИЙН БАЙГУУЛАГДСАН ӨДРИЙН МЭНДИЙГ ХҮРГЭЕ
1939 оны 06 дугаар сарын 30- ны энэ өдөр “Монголын Улаан Хэрээстийн эвлэл”-ийн анхдугаар Их хурал Улаанбаатар хотноо хуралдаж, анхны дүрмээ баталж байсан түүхтэй.

Монгол Улсад хүмүүнлэгийн чиглэлээр төрдөө нэмэлт хүч болж ажиллаж байгаа Монголын улаан загалмай нийгэмлэгийг үүсгэн байгуулахад тулгын чулууг тавилцсан үе, үеийн удирдлага, ахмадууд Та бүхэндээ гүн хүндэтгэл илэрхийлье.

Монголын улаан загалмай нийгэмлэгийг үе, үед нь хөгжүүлж ирсэн ахмад, дунд үеийн улаан загалмайчиддаа баярын мэнд хүргэе.

Бидний ирээдүй болсон хүүхэд залуучууд Та бүхэнтэйгээ Энэхүү тэмдэглэлт өдрийн мэнд хүргэж байна.
Өнөөдөр 191 оронд Улаан загалмай, Улаан хавирган сар нийгэмлэгүүд үйл ажиллагаагаа явуулж байна.

Монголын улаан загалмай нийгэмлэг нь 1959 онд Олон улсын Улаан загалмай хороогоор хүлээн зөвшөөрөгдөж, Олон улсын Улаан загалмай, Улаан хавирган сар нийгэмлэгүүдийн холбооны 84 дэх гишүүн байгууллага болсон.

Монголын улаан загалмай нийгэмлэгийн Эрх зүйн байдлын тухай хуулиар Улаан загалмай нийгэмлэгийг Монгол Улсын нутаг дэвсгэр дээр хүмүүнлэгийн салбарт төрдөө нэмэлт хүч болж ажиллах цорын ганц үндэсний нийгэмлэг мөн болохыг баталгаажуулсан билээ.

Тус нийгэмлэг нь төр, захиргааны байгууллагатай харилцахдаа бие даасан байдлаа хадгалж, хүмүүнлэгийн үйл ажиллагааг хэрэгжүүлэн ажиллаж байна.

ЭХ ОРНЫХОО ДӨРВӨН ЗҮГ, НАЙМАН ЗОВХИСТ ТҮҮЧЭЭЛЭН ХҮН АРДЫНХАА ТӨЛӨӨ ХҮМҮҮНЛЭГИЙН ҮЙЛСИЙГ МАНЛАЙЛАГЧ НИЙТ УЛААН ЗАГАЛМАЙЧИД, ХҮМҮҮНЛЭГИЙН АНДУУД ТА БҮХЭНДЭЭ МОНГОЛЫН УЛААН ЗАГАЛМАЙ НИЙГЭМЛЭГИЙН БАЙГУУЛАГДСАН ӨДРИЙН МЭНДИЙГ ХҮРГЭЕ.

24/06/2026

АНХНЫ ТУСЛАМЖИЙН СУРГАГЧ БАГШ НАР ЧАДВАРАА БАТАТГАВ

Монголын улаан загалмай нийгэмлэг нь нийгмийн эрүүл мэндийг дэмжих үйл ажиллагааны нэгэн чухал чиглэл болгон анхны тусламжийн мэдлэг, ур чадварыг олон нийтэд түгээн дэлгэрүүлэх, гамшиг, онцгой байдал, гэнэтийн ослын үед иргэд өөр хоорондоо шуурхай тусламж үзүүлэх чадавхыг нэмэгдүүлэхийг зорьж ирсэн. Энэ хүрээнд сургагч багш нарыг бэлтгэх, чадавхжуулах, мэдлэгийг тогтмол бататгах сургалтыг үе шаттайгаар зохион байгуулдаг.

Үүний нэг нь Дунд шатны хороодын Анхны тусламжийн чиглэлээр ажилладаг сургагч багш нарын мэдлэг, дадлагыг бататган, яаралтай тусламжийн үндсэн ур чадварыг сайжруулж, сургалтын чанарыг дээшлүүлэх зорилготой Японы улаан загалмай нийгэмлэг хамтран зохион байгуулж буй “Анхны тусламжийн сургагч багш нарын мэдлэгийг бататгах” сургалтыг 2026 оны 06 дугаар сарын 22-24-ний өдрүүдэд Хүүхэд залуучуудын хөгжлийн төвд зохион байгууллаа.

Сургалтыг Японы улаан загалмай нийгэмлэгийн төлөөлөгч Millie, Монголын улаан загалмай нийгэмлэгийн Анхны тусламжийн мастер сурагч багш Б.Гантулга, Эрүүл мэнд, нийгмийн хамгааллын газрын ажилтнууд чиглүүлэн ажиллав. Сургалтад 21 аймаг, 9 дүүргийн Улаан загалмайн хорооны анхны тусламжийн сургагч багш нар хамрагдав.

Сургалтын үеэр Японы улаан загалмай нийгэмлэгт туршлага солилцох сургалт, уулзалт, анхны тусламжийн сургалтад хамрагдсан Сүхбаатар дүүргийн Улаан загалмайн хорооны дарга, анхны тусламжийн сургагч багш З.Өсөхбаяр, Говь-Алтай аймгийн Улаан загалмайн хорооны арга зүйч, анхны тусламжийн сургагч багш А.Цагаандархи, Орхон аймгийн Улаан загалмайн хорооны арга зүйч, анхны тусламжийн сургагч багш М.Золжаргал нар туршлага, сурсан мэдлэгээ хуваалцан, оролцов.

Оролцогчид сургалтад хамрагдсанаар CPR, цус алдалт, гэмтлийн үед авах арга хэмжээ, тээвэрлэлт зэрэг үндсэн ур чадвар дээр дадлага ажил, Сургагч багшийн сургалтын арга зүйг шинэчилж, орон нутагтаа чанартай сургалт явуулах чадавхи нэмэгдэх ач холбогдолтой юм. Сургагч багш нарт сургалтад хэрэглэх Анхны тусламжийн Сургагч багшийн 2 ээлжийн дүрэмт хувцас, цүнх олголоо.

17/06/2026

2026 оны 06-р сарын 09-14

АНХНЫ ТУСЛАМЖИЙН СУРГАГЧ БАГШ БЭЛТГЭХ СУРГАЛТ ЗОХИОН БАЙГУУЛАГДЛАА

Сургалтанд Сэлэнгэ аймгийн Сүхбаатар сумын Анхан шатны хорооны мэргэжилтэн, сайн дурын идэвхтэн М.Оюунсүрэн хамрагдлаа.

Монголын улаан загалмай нийгэмлэг, БНХАУ-ын Өвөрмонголын Өөртөө Засах Орны Улаан загалмай байгууллага хамтран 2017 оноос хойш "Бүс ба зам" төслийг амжилттай хэрэгжүүлж байгаа билээ. Төслийн хүрээнд 2026 онд нийт 100 хүнийг “Анхны тусламжийн сургагч багш”-аар бэлтгэх юм.

Үүний дагуу "Анхны тусламжийн сургагч багш" бэлтгэх сургалтын эхний ээлж 2026 оны 4 дүгээр сарын 22-ноос 30-ны өдрүүдэд БНХАУ-ын Хөх хотод зохион байгуулагдаж, 60 хүн сургаж, бэлтгэсэн.

Сургалтын хоёрдугаар ээлж нь 2026 оны 6 дугаар сарын 09-14-ний өдрүүдэд Монголын улаан загалмай нийгэмлэгийн Хүүхэд залуучуудын хөгжлийн төвд зохион байгуулагдлаа.

Сургалтад нийслэлийн 9 дүүрэг, 21 аймгаас нийт 40 хүн хамрагдав. “Анхны тусламжийн Сургагч багш" бэлтгэх энэхүү сургалтыг Монголын улаан загалмай нийгэмлэг болон БНХАУ-ын Өвөрмонголын Өөртөө Засах Орны Улаан загалмайн байгууллагын мэргэшсэн Анхны тусламжийн сургагч багш нар чиглүүлэн ажилласан юм.

17/06/2026

2026 оны 06-р сарын 16-18

"ГАМШИГ, ОНЦГОЙ БАЙДЛЫН ХАРИУ АРГА ХЭМЖЭЭНД ХАМГААЛАЛ, ЖЕНДЭР, ОРОЛЦООНЫ ЗАРЧМЫГ ПРАКТИКТ ХЭРЭГЖҮҮЛЭХ НЬ” СУРГАЛТ ЯВАГДАЖ БАЙНА

Монголын улаан загалмай нийгэмлэг нь гамшиг, онцгой байдлын үед хүн амд хүмүүнлэгийн тусламж үзүүлэх чиг үүргийн хүрээнд ажилтан, сайн дурын идэвхтнүүдийн хамгаалал, жендэр, оролцоо, хүүхэд хамгаалал болон бэлгийн мөлжлөг, хүчирхийлэл, дарамтаас урьдчилан сэргийлэх мэдлэг, дадлыг бэхжүүлэх шаардлагатай байна.

Иймд гамшиг, онцгой байдлын бодит нөхцөлд хамгааллын эрсдэлийг таних, зохих хариу арга хэмжээ авах, аюулгүй, хүртээмжтэйгээр тусламж үзүүлэх чадавхыг нэмэгдүүлэх зорилгоор "Гамшиг, онцгой байдлын хариу арга хэмжээнд хамгаалал, жендэр, оролцооны зарчмыг практикт хэрэгжүүлэх нь” сургалтыг Австралийн улаан загалмайн нийгэмлэгтэй хамтран зохион байгуулж байна.

Сургалтад Монголын улаан загалмай нийгэмлэгийн Ерөнхий нарийн бичгийн газар болон Дунд шатны хорооны нийт 40 ажилтан хамрагдаж байна. Сэлэнгэ аймгаас Улаан загалмай хорооны арга зүйч Г.Нандин-Эрдэнэ сургалтанд хамрагдаж байгаа бөгөөд сургалт 2 өдөр үргэлжилнэ.

Сургалтыг Монголын улаан загалмай нийгэмлэгийн Захиргаа, хяналт үнэлгээний баг болон Австралийн улаан загалмайн нийгэмлэгийн Жендэр, хамгаалал, оролцоо хариуцсан Ахлах зөвлөх Ulf Edqvist нар чиглүүлэн ажиллаж байна.

Сургалтын эхний өдөр оролцогчдод хамгаалал, жендэр, тэгш хамруулалт, бэлгийн мөлжлөг, дарамтаас урьдчилан сэргийлэх болон хүүхэд хамгааллын үндсэн ойлголтыг практик хэрэглээний түвшинд танилцуулж, симуляцийн дасгалын танилцуулга, дүрийн хуваарилалт, багт хуваагдан ажиллах юм.

Сургалтын хоёр дахь өдөр сургалтын сургамжийг нэгтгэж үйл ажиллагаанд тусгахад чиглүүлнэ.

Оролцогчид сургалтад хамрагдсанаар Гамшиг, онцгой байдлын үед хүүхэд, ахмад настан, хөгжлийн бэрхшээлтэй иргэд болон бусад эмзэг бүлэгт тулгарч болох хамгааллын эрсдэл, оролцооны саадыг таньж илрүүлэх чадвар нэмэгдэнэ, тусламж үйлчилгээний үнэлгээ, төлөвлөлт, түгээлт, мэдээлэл харилцаа, Бэлгийн мөлжлөг, хүчирхийлэл, дарамт үүсэж болзошгүй эрсдэлт нөхцөлийг таних, мэргэжлийн ёс зүй, зохистой хил хязгаарыг баримтлах ойлголт, дадлага сайжрах юм. Мөн хүүхэд хамгааллын асуудал илэрсэн үед хохирогч төвтэй, аюулгүй, нууцлалыг хангасан анхны хариу арга хэмжээ авах, мэдээллэх, холбон зуучлах аргачлалыг хэрэгжүүлэх чадвартай болно.

Сургалтын үеэр Монгол Улсад Суугаа зарим эмэгтэй Элчин сайд нар хүрэлцэн ирж, Монголын улаан загалмай нийгэмлэгийн үйл ажиллагаатай танилцаж байна.

17/06/2026

2026 оны 06-р сарын 15-22-нд

ЭНЭРЭНГҮЙ ҮЙЛСИЙН ТӨЛӨӨ ХАМТДАА “ҮНДЭСНИЙ ЗУСЛАН ЦУГЛАРАЛТ-2026”

Монголын улаан загалмай нийгэмлэгийн Хүүхэд, залуучуудын хөдөлгөөний “Үндэсний зуслан цугларалт-2026” үйл ажиллагааны нээлт боллоо. Энэ жилийн зуслан цугларалт “Энэрэнгүй” үйлсийн төлөө хамтдаа уриан дор хүүхэд, өсвөр үеийнхнийг хүмүүнлэгийн үйлсэд уриалан оролцуулж, хүнлэг энэрэнгүй үзэл санааг төлөвшүүлж, тэдний оролцоонд тулгуурласан хөгжлийн хөтөлбөрөөр өртөөлчилсөн хэлбэрээр 7 хоногийн хугацаанд амрагч хүүхдүүд амралтаа өнгөрүүлэх юм.

Зуслан цугларалтад нийслэлийн 9 дүүрэг, 21 аймгийн хүүхэд, залуучуудын хөдөлгөөний гишүүд хамрагдаж байна.
Энэхүү зуслан цугларалтын гол зорилго нь Хүүхэд, залуучуудын хөдөлгөөний гишүүд хоорондын нөхөрлөл, хамтын ажиллагааг сайжруулж, сайн дурын ажлын туршлага хуваалцаж, хүмүүнлэгийн үйл ажиллагаагаар дамжуулан хэрхэн үе тэнгийнхэндээ эерэгээр нөлөөлөхөд чиглэх юм.

Үйл ажиллагааны нээлтэд Монголын улаан загалмай нийгэмлэгийн Ерөнхий нарийн бичгийн даргын орлогч Т.Баярчимэг, нийслэлийн Улаан загалмайн хорооны дарга нар, Дунд шатны хороодын төлөөлөл болон Хүүхэд, залуучуудын хөдөлгөөний Удирдах зөвлөлийн гишүүд оролцов

Сэлэнгэ аймгаас Түшиг сумын ЕБС-ын 10а ангийн Батсайханы Төгөлдөр, 10а ангийн Бүрэнтөгсийн Бүрэнбаатар, Мандал сумын 4-р сургуулийн 8-р ангийн Идэрмөнхийн Санчирмаа, Пүрэвдоржийн Хонгорзул нар Өсвөрийн улаан загалмайчдыг төлөөлөн оролцож байна.

16/06/2026

2026.06.16-ны өдөр Сайхан Иргэдийн Төлөөлөгчдийн Хуралын төлөөлөгчид “Хүмүүнлэгийн үйлст хүчээ нэгтгэн” МУЗН-ийн ивээн тэтгэгч “ Онцгой гишүүн”-ээр элсэн үнэмлэхээ гардан авлаа. Та бүхнийхээ цаашдын ажил үйлст нь амжилт хүсье.