Центар за развој на Вардарски плански регион

17/04/2026

📍 На 16 април 2026 година, во просториите на Vardar Innovation Hub, се одржа првата интерна работилница "Основна употреба на ИТ алатки и вештачка интелигенција (AI) во пракса" - организирана од Центар за развој на Вардарски плански регион , со поддршка од проектот ЕУзаТебе (EU4M - project funded by EU).

👥 На настанот учествуваа 24 претставници од општините како и претставници на општински институции и организации од Вардарскиот регион, кои ги унапредија своите знаења во областа на користење на ИТ алатки и вештачка интелигенција, при што стекнатите компетенции беа валидирани преку писмена проверка на знаење.

🎓 Обуката беше реализирана од сертифицирани обучувачи обезбедени од EU4M - project funded by EU , што претставува значаен придонес кон јакнење на институционалните капацитети на општините и регионалните центри за развој.

🤝 Овој настан ја потврдува потребата од ваков тип обуки и покажува дека општините и центрите за регионален развој имаат капацитет да организираат обуки и да обезбедуваат експертиза. Јакнењето на капацитетите преку сертифицирани обучувачи создава основа за одржлив систем на знаење.

#ЕУзаТебе

13/04/2026

📢 Отворен повик за пријава!

Претставници на општинската администрација, општински институции и организации од Вардарскиот Плански Регион, ве покануваме на работилницата:

“Основна употреба на ИТ алатки и вештачка интелигенција (AI) во пракса“

📅 16 април 2026 (четврток)

🕘 09:45 – 14:00 часот

📍 Вардар Иновативен Хаб, ул. Страшо Пинџур 8, Велес

На работилницата ќе имате можност практично да се запознаете со употребата на основни ИТ алатки и со примена на вештачка интелигенција (AI) во секојдневната административна работа, подготовка на документи, известување, планирање и работа на проекти.

✅ Практична и интерактивна работилница
✅ Две тематски сесии
✅ Можност за сертификат по положен тест

Важно: Секој учесник треба да понесе свој лаптоп.

📌 Бројот на места е ограничен, а пријавувањето е по принципот прв дојден – прв услужен.

Пријава на следниот линк:
🔗 https://forms.gle/qjpTaVoujp9QoMch6

⏳ Краен рок за пријавување: 14.04.2026 до 15:00 часот

Настанот се реализира со поддршка на EU4M - project funded by EU .

Важно: Ова е интерактивна, практична работилница. Сите учесници се должни да понесат свој лаптоп.

09/04/2026

📢 ПОВИК ЗА ПРИЈАВА НА УЧЕСНИЦИ

Ги покануваме претставниците на општинската администрација, како и претставниците на општински институции и организации од општините во Вардарскиот Плански Регион, да учествуваат на работилницата:

“Основна употреба на ИТ алатки и вештачка интелигенција (AI) во пракса“

📅 Датум: четврток, 16 април 2026

🕘 Време: 09:45 – 14:00 часот

📍 Место: Вардар Иновативен Хаб, ул. Страшо Пинџур 8, 1400 Велес

Работилницата е практично ориентирана и има цел да придонесе за поефикасна секојдневна административна работа преку употреба на основни ИТ алатки и практична примена на вештачката интелигенција (AI) во подготовка на документи, известување, планирање и работа поврзана со проекти.

Во рамки на работилницата ќе се реализираат две сесии:

✅ Сесија 1: Секојдневна дигитална ефикасност за општинската администрација
👤 Предавач: Меритон Ибраими, експерт за дигитализација

✅ Сесија 2: Вештачка интелигенција (AI) во пракса за општински проекти и административна работа
👤 Предавач: Снежана Сарамандова, експерт за дигитализација на EU4M

📝 Работилницата завршува со опционален писмен тест за добивање сертификат. Учесниците кои успешно ќе го положат тестот ќе добијат сертификат.

💻 Важно: Поради интерактивниот и практичен карактер на работилницата, сите учесници треба да понесат свој лаптоп.

📌 Пријавувањето е по принципот: прв дојден, прв услужен.

Пријавете се преку следниот линк:

🔗 https://forms.gle/qjpTaVoujp9QoMch6

Ве молиме пријавата да ја извршите најдоцна до 14.04.2026 до 15:00 часот, со цел навремена организација на настанот.

Настанот се реализира со поддршка на EU4M - project funded by EU

Ве очекуваме!

Важно: Ова е интерактивна, практична работилница. Сите учесници се должни да понесат свој лаптоп.

31/03/2026

✅ Во организација на Министерство за локална самоуправа и Програмата за развој на Обединетите нации (УНДП)UNDP MK, се одржа консултативен настан на тема „Унапредување и зајакнување на меѓуопштинската соработка во локалната самоуправа“, на кој присуствуваше и в.д. директорот на Центарот за развој на Вардарски плански регион.

➡️ На настанот учествуваа градоначалници, претставници од општините, институциите и меѓународните партнери, а беше истакнато дека Министерството за локална самоуправа започнува отворен и инклузивен процес за унапредување на законската рамка, со цел олеснување и поттикнување на меѓуопштинската соработка како важен инструмент за поефикасно и одржливо вршење на надлежностите на локално ниво.

📊 Во рамки на настанот беа презентирани анализи и извештаи за досегашната примена на законската рамка, при што беа идентификувани клучните предизвици со кои се соочуваат општините, особено во делот на финансиската поддршка, административните капацитети и потребата од посилна координација.

🎤 Се одржа и панел-дискусија на тема „Меѓуопштинската соработка како механизам за премостување на предизвиците при испорака на локалните услуги“, на која беа споделени искуства, предизвици и препораки за понатамошен развој на локалната самоуправа.

🤝 Учесниците се согласија дека меѓуопштинската соработка претставува еден од клучните механизми за развивање заеднички решенија, поефикасно обезбедување јавни услуги и поттикнување на одржлив локален и регионален развој.

🤝 Оваа активност е дел од проектот „Зајакнување на општинските совети - Фаза 2“, финансиран од Швајцарската влада Embassy of Switzerland in North Macedonia и Министерство за локална самоуправа.

https://vardarregion.gov.mk/2026/03/31/унапредување-и-зајакнување-на-меѓуоп/

#ВардарскиПланскиРегион #МеѓуопштинскаСоработка #ЛокалнаСамоуправа #РегионаленРазвој

27/02/2026

Втора седница на Советот за развој на Вардарски плански регион

27/02/2026

Велес, 26.02.2026
Во просториите на Општина Велес, се одржа Втората седница на Советот за развој на Вардарски плански регион, на која учествуваа градоначалниците од регионот.

Во рамки на седницата беа разгледани отворените и најавените повици од Биро за регионален развој - Byroja për zhvillim rajonal, Министерство за локална самоуправа и другите агенции за поддршка на општините.
Се дискутираше за приоритетните области на регионалниот развој, како и конкретните активности потребни за навремена и квалитетна подготовка на проектни апликации.

Посебен акцент беше ставен на инфраструктурата, заштитата на животната средина, развојот на туризмот и поддршката на локалната економија — области од суштинско значење за унапредување на квалитетот на живот на граѓаните.

Градоначалниците ја нагласија потребата од координиран и усогласен пристап во користењето на расположливите извори на финансирање, со цел обезбедување поголем обем на инвестиции и реализација на проекти со долгорочен развоен ефект за целиот регион.

Центар за развој на Вардарски плански регион ќе продолжи да обезбедува стручна и координативна поддршка на општините и институциите, во насока на ефикасно планирање, подготовка и спроведување на регионалните развојни политики.

Општина Велес
Општина Чашка/Komuna e Çashkës
Општина Кавадарци / Municipality of Kavadarci
Општина Росоман (официјална страна)
@општина Неготино
Општина Свети Николе / Municipality of Sveti Nikole
Општина Градско
Општина Демир Капија
@општина Лозово

#ВардарскиРегион #Развој #Соработка #регионаленразвој

12/02/2026

🏢 Директорот на Центар за развој на Вардарски плански регион оствари работни средби со градоначалниците од регионот

Во изминатиот период, вршителот на должност директор на Центар за развој на Вардарски плански регион, Зоран Јаневски, ги посети градоначалниците од општините во регионот.

Средбите беа насочени кон:

Разгледување на тековните активности и стратешките приоритети на Центарот;

Идентификување можности за инфраструктурни, образовни и комунални проекти од заеднички интерес;

Поттикнување на меѓуопштинска соработка и развој на партнерства;

Промоција на одржлив развој и подобрување на животниот стандард на граѓаните.

Овие средби ја нагласуваат посветеноста на Центар за развој на Вардарски плански регион кон координиран и одржлив регионален развој, како и кон континуирана соработка со општините за унапредување на проекти со значење за локалните заедници.

Општина Велес
Општина Чашка/Komuna e Çashkës
Општина Кавадарци / Municipality of Kavadarci
Општина Росоман (официјална страна)
@општина Неготино
Општина Свети Николе / Municipality of Sveti Nikole
Општина Градско
Општина Демир Капија
@општина Лозово

#ВардарскиРегион #Развој #Соработка #регионаленразвој

10/02/2026

🏢 Работна посета во Центарот за развој на Вардарскиот плански регион

Центарот за развој на Вардарскиот плански регион беше домаќин на директорот на Биро за регионален развој - Byroja për zhvillim rajonal и дел од неговиот тим задолжен за соработка со Центарот.

Средбата беше насочена кон разгледување на тековните активности на Центарот, стратешките цели за наредниот период и можностите за зајакнување на институционалните капацитети.

Во текот на разговорите беа разменети мислења за оперативните предизвици, меѓуинституционалната координација и значењето на поорганизиран и засилен пристап при реализација на развојни проекти кои директно влијаат на социо-економскиот развој на Вардарскиот плански регион.

#ВардарскиРегион #Развој #Соработка #РегионаленРазвој

04/02/2026

🇪🇺✨ Центарот за развој на Вардарски плански регион на вториот интеррегионален состанок на проектот Eum Power во Клуж-Напока

Од 27 до 29 јануари 2026 година, Центарот за развој на Вардарски плански регион со двајца претставници учествуваше на вториот интеррегионален состанок на европскиот проект EUM POWER (EU Migrants Promoting Openness with Equal Rights), кофинансиран преку програмата Interreg Europe, кој се одржа во Клуж-Напока, Романија.

Настанот, координиран од Primăria Cluj-Napoca Градот Клуж-Напока, ги обедини проектните партнери, претставници на јавните институции, академската заедница и работодавачите од повеќе европски земји 🤝 со цел размена на искуства и добри практики за правична интеграција на граѓаните на ЕУ на пазарот на трудот, како и за поддршка на повратната миграција.

📍 Програмата започна во вторник со заедничка вечера и можност за неформално вмрежување.

📅 Во среда, фокусот беше ставен на претставување на Клуж-Напока како автентичен европски град на патот кон поправеден пазар на труд. Свеченото отворање се одржа во Градското собрание на Primăria Cluj-Napoca Клуж-Напока, каде што на тркалезна маса се обратија истакнати претставници, меѓу кои:

• Dan Tarcea, заменик-градоначалник на Клуж-Напока
• Emilia-Alina Botezan, раководител на Одделот за меѓународни односи и странски инвестиции
• Wouter Reijers, почесен конзул на Кралството Холандија во Клуж-Напока
• Sam van Damme, заменик-раководител на Политичкиот оддел при Амбасадата на Холандија во Букурешт
• Lia Valendorfean, менаџер на Europe Direct, Клуж-Напока
• Francesco Zachetti, национален-менаџер на Adecco Романија

Според заменик-градоначалникот Dan Tarcea, учеството во европски проекти значи конкретни решенија и подготовка за иднината на пазарот на трудот.

Програмата продолжи со посета на Универзитетот Universitatea Babeş-Bolyai, Факултет за европски студии, каде што се одржаа експертски дискусии за улогата на истражувањата, образованието и политиките засновани на докази во поддршката на интеграцијата на мигрантите. Попладневните сесии беа посветени на проектна работа.

📅 Во четврток се одржа Community of Practice сесија со проектните партнери, каде што се дискутираа идеи и добри практики за интеграција на работната сила во ЕУ 🤝.

🏭 Дел од агендата беа и студиски посети на Bosch Engineering Centre и ABC Incubator, каде учесниците имаа можност да се запознаат со конкретни примери за тоа како работодавачите и иновациските екосистеми придонесуваат кон привлекување, задржување и интеграција на мобилни работници од ЕУ 🚀💡.

🤝 Центарот за развој на Вардарски плански регион, како проектен партнер, активно придонесува во процесот на размена на знаења и добри практики со партнерите од
Романија - Primăria Cluj-Napoca
Холандија - De Haagse Hogeschool Gemeente Den Haag,
Белгија - Stad Ninove,
Шпанија - Ajuntament de Guissona,
Финска - Järvi-Pohjanmaan Yrityspalvelu Oy,
Грција - Περιφέρεια Πελοποννήσου - Region of Peloponnese и
Унгарија - Pannon Business Network.

🔄 Проектните активности продолжуваат и во наредниот период, со фокус на унапредување на регионалните политики и практики поврзани со мобилноста на работната сила и интеграцијата на мигрантите.


🇪🇺

04/12/2025

Кавадарци, 01.12.2025
Во просториите на Општина Кавадарци се одржа Конститутивната седница на Советот за развој на Вардарскиот плански регион.

На седницата беа верификувани мандатите на новите членови на советот, претставуван од градоначалниците на 9-те општини од Вардарски плански регион и беше утврден дневен ред составен од седум точки, меѓу кои и Одлуката за избор на претседател на Советот.

По разгледување на точката, членовите на Советот едногласно го избраа градоначалникот на Општина Градско, г. Киро Нацков, за претседател на Советот за развој на Вардарскиот плански регион.

Овој избор претставува значаен чекор кон обезбедување стабилно, одговорно и визионерско раководење со процесите за регионален развој. Советот изрази очекување дека новиот претседател ќе продолжи да ја унапредува соработката меѓу општините и институциите, како и да придонесе кон понатамошен интегриран и рамномерен развој на Вардарскиот плански регион.

04/12/2025

Реконструкција и партерно уредување на КП 2055 и КП 2411 во населено место Лозово, општина Лозово