Slow Food Bitola

02/08/2026

ЧЕСТИТ ИЛИНДЕН!
🇲🇰Денес со гордост се сеќаваме на сите што ја вградија својата храброст во историјата на Македонија. Нека духот на Илинден нè обединува и ни биде вечен потсетник дека слободата се заслужува, а љубовта кон татковината се носи во срцето со дела, чест и достоинство.
За многу години!

ЧЕСТИТ ИЛИНДЕН!

🇲🇰Денес со гордост се сеќаваме на сите што ја вградија својата храброст во историјата на Македонија. Нека духот на Илинден нè обединува и ни биде вечен потсетник дека слободата се заслужува, а љубовта кон татковината се носи во срцето со дела, чест и достоинство.

За многу години!
📷 Креирано со AI, инспирирано од фреската „Илинден 1903“ на Борко Лазески (1991)

27/07/2026

УГАНДИСКИОТ ЗЕМЈОДЕЛЕЦ ЕДВАРД МУКИИБИ ГО ВОДИ ДВИЖЕЊЕТО „СЛОУ ФУД“ НАДВОР ОД НЕГОВИТЕ ИТАЛИЈАНСКИ КОРЕНИ

📝Неодамна новинарката на Ројтерс, Алвизе Армелини, објави интересен текст за иднината на меѓународното движење „Слоу Фуд“ и неговиот нов лидер, угандискиот земјоделец и агроном Едвард Мукииби.
Движењето „Слоу Фуд“, основано во Италија во 1986 година од Карло Петрини како протест против ширењето на брзата храна, денес го предводи 39-годишниот Едвард Мукииби од Уганда. Иако во времето на основањето на движењето тој сè уште не бил роден, денес има задача да ја продолжи визијата на неговиот основач и да ја прошири мисијата на организацијата далеку надвор од нејзините италијански корени.

👨‍🌾Мукииби, кој живее и работи на семејната фарма во близина на езерото Викторија, каде што одгледува кафе и банани, смета дека принципите на „Слоу Фуд“ се особено важни за земјите во развој. Како што пишува „Ројтерс“, Карло Петрини „...Отсекогаш сакал „Слоу Фуд“ да продолжи без него“, додавајќи дека организацијата е подготвена да ја продолжи неговата визија бидејќи „тој нè негуваше, тој нè изгради“.

↗️Карло Петрини успеа локалниот протест против брзата храна да го претвори во глобално движење кое се залага за „добра, чиста и правична храна“ за сите.
Со текот на годините стана еден од највлијателните светски застапници за одржливо земјоделство, а неговите идеи добија поддршка и од личности како што е британскиот крал Чарлс и покојниот папа Франциск.

🐌Како претседател на „Слоу Фуд“ од 2022 година, Мукииби сака организацијата да одговори на современите предизвици – климатските промени, корпоративното земјоделство и сè потешката положба на малите производители на храна.
Еден од неговите главни приоритети е да ја разбие перцепцијата дека здравата, одржлива и органска храна е привилегија само на богатите.
🗣„Тоа е заблуда на богатиот свет“, вели Мукииби, посочувајќи дека многу рурални африкански семејства природно произведуваат и консумираат органска храна. Според него, вистинскиот предизвик е создавање систем во кој земјоделците ќе бидат праведно платени, а храната ќе остане достапна за сите. Затоа тој силно се залага за пократки синџири на снабдување и развој на локалните пазари.

‼️Осврнувајќи се на последиците од пандемијата, Мукииби истакнува дека таа само ја потврдила исправноста на долгогодишната порака на „Слоу Фуд“: „Јадење локално, градење локални економии и поддршка на локалното производство.“

🌎Денес „Слоу Фуд“ е присутно во повеќе од 160 земји преку мрежа од локални организации, земјоделци, производители и угостители кои работат на зачувување на локалната храна, традицијата и биодиверзитетот.

Во интервјуто за „Ројтерс“, Мукииби изразува и загриженост за сè поголемото економско влијание на Кина во Африка. Според него, кинеските инвестиции често се проследени со стремеж кон контрола врз природните ресурси.
„Кина е заинтересирана да дава многу пари, но и да добива контрола врз нашите ресурси за возврат“, вели тој, предупредувајќи дека задолженоста на африканските држави може да доведе до губење на земјиште и други ресурси. Од друга страна, кинеското Министерство за надворешни работи, во одговор за „Ројтерс“, соопшти дека кинеските инвестиции придонесуваат за економскиот развој на Африка и за подобрување на животниот стандард.
Мукииби ја поврзува својата животна мисија со детството поминато меѓу земјоделци и рибари во Уганда. По неуспешен универзитетски проект заснован на монокултурно производство на пченка, кој пропаднал поради суша, го открил движењето „Слоу Фуд“. Тој момент, како што самиот вели, бил „момент што му го променил животот“, бидејќи сфатил дека не е сам, туку дел од глобално семејство кое верува во поодржливо и поправедно земјоделство.
🗣„Не сум сам. Јас сум со семејство од милиони луѓе кои веруваат и работат кон истото. Ова е вистинскиот пат за планетата и за сите земјоделци“, порачува Едвард Мукииби.

Извор: https://www.reuters.com/world/china/ugandan-farmer-mukiibi-steers-slow-food-beyond-its-italian-roots-2026-07-15/

20/07/2026

ТЕРА МАДРЕ САЛОНЕ ДЕЛ ГУСТО 2026 – ИДНИНАТА НА ХРАНАТА ЗАПОЧНУВА ТУКА

📌По петнаесетти пат, Тера Мадре Салоне дел Густо, еден од најзначајните светски настани посветени на храната, биодиверзитетот и одржливото земјоделство, ќе ги отвори своите врати во Торино, Италија.
Од 24 до 27 септември, овој единствен собир, организиран од глобалната мрежа Слоу Фуд, повторно ќе обедини луѓе од сите континенти со заедничка цел – создавање поправеден, поодржлив и поотпорен систем на храна.
🎣Во текот на четирите дена, повеќе од 1.500 земјоделци, рибари, готвачи, лидери на домородни заедници, истражувачи, активисти, креатори на политики и млади носители на промени од над 120 земји ќе разменуваат знаење, искуства и идеи, ќе создаваат нови партнерства и ќе покажат дека промените започнуваат кога луѓето соработуваат.
🌎Во време на конфликти, климатски промени, загуба на биодиверзитетот и растечка нееднаквост, станува се поочигледно дека храната е многу повеќе од секојдневна потреба. Таа е поврзана со животната средина, културата, економијата, здравјето и иднината на нашите заедници.
Затоа, Тера Мадре е глобална платформа каде што се споделуваат идеи и практични решенија за предизвиците со кои се соочува светот.
📝Овогодинешната тема, „Биодиверзитет, биди разновидност“, испраќа силна порака дека биодиверзитетот не значи само заштита на природата туку подразбира зачувување на локалните сорти и раси, почитување на различностите, зајакнување на заедниците, славење на традициите и културите и градење системи за храна што ќе бидат отпорни и одржливи и за идните генерации.
↗️Одговорите веќе постојат – во полињата, шумите, лозјата, кујните, рибарските заедници и локалните пазари ширум светот.
Тера Мадре Салоне дел Густо е местото каде што тие искуства се среќаваат, се надополнуваат и се претвораат во заедничка визија за иднината.
Знаете зошто? Затоа што најголемите промени не започнуваат кога делуваме сами, туку кога ги поврзуваме луѓето, знаењето и заедниците.
🇲🇰 И оваа година, како и на сите претходни изданија на Тера Мадре Салоне дел Густо, учество ќе земе македонска делегација предводена од Slow Food Macedonia.
Во составот на делегацијата ќе бидат членови на Слоу Фуд, производители, активисти.., кои активно ќе учествуваат на бројните панели, работилници, дискусии и средби со учесници од целиот свет. Преку размена на знаења, искуства и добри практики, ќе се воспостават нови соработки, ќе се стекнат вредни сознанија и идеи, кои понатаму ќе се применуваат во конвивиуми и во активностите за развој на одржливи системи на храна во Македонија.

#ТераМадре #СлоуФуд #СаемзаХрана
#120земји #СлоуФудМакедонија

05/07/2026

24/06/2026

И ВАШАТА ФАРМА ЗАСЛУЖУВА ДА БИДЕ СЛОУ ФУД ФАРМА

🧀 Храната што ја создавате носи повеќе од вкус — носи живот. Затоа велиме: зад секој производ стои семејство, приказна и идентитет.
Вие најдобро знаете колку вреди секој час труд, секоја капка пот и секој производ што од никнува од вашите раце и земјата.
🐄 Ние ги поврзуваме оние што ја создаваат, ја подготвуваат и ја споделуваат храната — фармери, готвачи и потрошувачи, сите дел од една заедница.
Заедно градиме мрежа што не ја гледа храната само како производ, туку како нешто што има вистинска вредност — да биде добра, чиста и правична за сите.
🌽Она што ни го оставија нашите дедовци и баби, е коренот на нашето постоење.
Локалните сорти и раси, мудроста на предците и традиционалните производи се живо наследство што го носиме.
Ако стоиме заедно зад овие вредности, ќе знаеме дека она што денес ќе го зачуваме, ќе биде патот по кој ќе чекорат нашите поколенија.
🍞 Иднината е заедничка, во нашите раце.
Приклучете се во Слоу Фуд мрежата и станете дел од заедница што ја цени вистинската храна и трудот зад неа.
Аплицирајте за Slow Food фарми: https://shorturl.at/EEbGq
‼️Мапирањето е дел од развојот на тематската мрежа Slow Food фарми во рамки на проектот „Од почва до општество: Агроекологија за заедницата“, поддржан од We Effect Europe и Шведска.

11/06/2026

Вила Дихово - Villa Dihovo

08/06/2026

Нашата Јасна

27/05/2026

🖥Во втората емисија "Знање имање" во продукцијата на РТС1 реализирана со поддршка на Слоу Фуд Македонија, се зборува за лозјата, вината и пчелите во Македонија.
🍷Александар Димовски од винаријата "Алесто" со семејството го враќа лозарството и винарството во селото Крани, Преспа.
🍇Христо Казаџински од винаријата „Сарика“ кај Прилеп – кажуваат за своето производство, квалитетот на грозјето, виното и секако наградите.
🍯Нацо Јовчевски- пчеларник БН во Дихово, Битола од Слоу Фуд президиумот Макби - македонска медоносна пчела, зборува како Македонија ја заштитува својата автохтона пчела и кои се придобивките од неа

Svaka regija ima svoje specifičnosti, bilo da govorimo o mikrolokacijama, vinskim putevima ili svetskim poljoprivrednim oblastima. Svaka zemlja ima svoj DNK ...

26/05/2026

Игор Поповски лидер на Slow Food Bitola го опиша Петрини како револуционер и борец против доминацијата на брзата храна, човек кој успеал на милиони луѓе да им ја врати вербата во традиционалната и здрава храна. Тој се присети на нивната средба на Тера Мадре во Тирана и на неговата непосредност со малите производители.
„Неговиот пат сега е наш пат, на сите слоуфудаши во светот“, порачува Поповски.