Tanora Miaraka Mivoatra

10/08/2026

Notanterahina omaly tao amin’ny Palais des Sports Mahamasina ny Fihaonam-be nasionalin’ny GOSC (Groupement des Organisations de la Société Civile), hetsika lehibe izay nampivondrona ireo mpandrindra isam-paritra sy ireo solontenan’ny fikambanana mpikambana avy amin’ny faritra maro.
Nandritra ity fihaonam-be ity dia nisy ny fifampizarana sy ny fanolorana tatitra mikasika ireo asa vita hatramin’izay, ary narahina dinik’asa sy fifampidinihana momba ireo paikady hanatsarana sy hanamafisana ny asa iarahana amin’ny ho avy.
Anisan’ny nisongadina tamin’ity fotoana ity ihany koa ny fanavaozana ireo mpikambana mandrafitra ny birao, izay natao tamin’ny alalan’ny latsa-bato, ary teo ihany koa ny fandraisana ireo mpikambana vaovao ho ao anatin’ny vondrona.
Anisan’ireo fikambanana nahazo fanasana tamin’ity fihaonam-be ity ny Fikambanana TAMI (Tanora Miaraka Mivoatra), izay ivondronan’ireo fikambanana maro avy any Fandriana, Ambatolampy ary Mahatsinjo Maevatanàna. Samy nandefa solontena avokoa ireo fikambanana mandrafitra azy, ka nahatratra 7 ireo filohan’ny fikambanana tonga nanatrika ity hetsika nokarakarain’ny GOSC ity.
Naneho fankasitrahana ny TAMI noho ny fanasana sy ny fahatokisana nomen’ny GOSC, ary nanamafy ny fahavononany hiara-hiasa amin’ireo rafitra rehetra maniry hampandroso ny fiarahamonina.

, .

Tanora Miaraka Mivoatra
Hery Tahinjanahary Esperent

07/08/2026

Mamboly laoka 😍
Tsaky trondro miaraka amin'ny Ambodivoara 😁
Mirary soa hoan'ireo mpikambana rehetra hakalaza ny festival Ambodivoara 😍

05/08/2026

🌱
🪱🇲🇬

Ao anatin’ny fanohanana ny fambolena maharitra sy ny fiarovana ny tontolo iainana, dia anisan’ireo vahaolana tsotra nefa mahomby ny fiompiana kankana.

🪱 Ny kankana dia manana anjara toerana lehibe amin’ny fanodinana ireo fako organika ho lasa zezika voajanahary manankarena, izay manatsara ny kalitaon’ny tany sy mampitombo ny vokatra ara-pambolena.

✨ Antony tokony hampirisihana ny fiompiana kankana :

🌿 Fanatsarana ny fambolena
Manome zezika madio sy voajanahary, mampihena ny fampiasana zezika simika, ary manampy ny tantsaha hahazo vokatra tsara kokoa.

♻️ Fampiasana indray ny fako
Ny ambin-tsakafo, ravina sy akora organika hafa dia avadika ho harena fa tsy lasa loto manimba ny tontolo iainana.

💼 Famoronana asa sy fidiram-bola
Ny famokarana zezika avy amin’ny kankana dia afaka mivelatra ho asa fandraharahana kely, ahafahan’ny olona mahazo tombony maharitra.

🌍 Fandraisana anjara amin’ny fampandrosoana maharitra
Ny fiompiana kankana dia manampy amin’ny fananganana fambolena manaja ny natiora sy miaro ny taranaka ho avy.

🤝 Koa manentana antsika rehetra hanomboka sy hanome lanja ity sehatra ity. Tsy voatery ho lehibe ny fanombohana, fa ny ezaka kely ataontsika anio dia mety hiteraka vokatra lehibe rahampitso.

🌱 Kankana anio, zezika rahampitso, vokatra bebe kokoa ho an’ny rehetra. 🪱

26/07/2026

Azo atao tsara ny manao fihariana amin’ny fiompiana bitro satria anisan’ny biby fiompy mora tantanana izy ary afaka miteraka haingana. Mora karakaraina raha voaomana tsara ny toeram-piompiana, omena sakafo sahaza ary tandremana ny fahadiovana.
Ny bitro vavy dia afaka miteraka imbetsaka isan-taona matetika mety hahatratra 4 ka hatramin’ny 8 fiterahana isan-taona raha voakarakara tsara. Ny isan’ny zanany isaky ny fiterahana dia miovaova, fa matetika dia eo amin’ny 4 hatramin’ny 10 zanaka bitro, ary mety hahatratra mihoatra noho izany indraindray.
Fahalalana fanampiny momba ny fiompiana bitro :
🐇 1. Fitomboana haingana
Ny bitro dia biby manana fahafahana mitombo haingana.
Ny bitro vavy dia afaka manomboka miteraka manodidina ny 4–6 volana (miankina amin’ny karazana sy ny lanjany).
Ny fitondrana vohoka dia fohy, eo amin’ny 28–32 andro eo ho eo.
🐇 2. Sakafo Ny sakafo ilain’ny bitro dia:
Ahitra maina na maitso madio
Ravina sy anana sasantsasany
Sakafo manokana ho an’ny bitro raha misy
Rano madio tsy tapaka
⚠️ Mila mitandrina amin’ny sakafo simba na zavamaniry tsy fantatra satria mety hahafaty azy.
🐇 3. Toerana fiompiana
Mila toerana madio, maina ary misy rivotra tsara izy.
Tsy tia hafanana tafahoatra ny bitro, ka tsara raha misy alokaloka.
Mila diovina matetika ny tranony mba hisorohana aretina.
🐇 4. Tombontsoa amin’ny fiompiana bitro
Kely ny vola fanombohana raha oharina amin’ny biby fiompy lehibe.
Tsy mila toerana be.
Azo amidy ny hena, ary azo ampitomboina tsikelikely ny isan’ny biby.
Ny zezika bitro dia azo ampiasaina ho zezika amin’ny fambolena.
🐇 5. Zava-dehibe ho an’ny mpamboly Tsy ampy ny hoe "malaky miteraka" ihany; ny fahombiazana dia miankina amin’ny:
Fifantenana karazana bitro tsara,
Fomba famahanana,
Fisorohana aretina,
Fitantanana tsara ny fiterahana.

Noho izany, mety ho fihariana mahavelona ny fiompiana bitro, indrindra raha atao amin’ny fomba matihanina sy voalamina tsara.

26/07/2026

📣 𝐅𝐢𝐯𝐨𝐫𝐢𝐚𝐧𝐚 ho an'ireo mpisehatra amin'ny 𝐅𝐀𝐌𝐁𝐎𝐋𝐄𝐍𝐀 , 𝐧𝐲 𝐅𝐈𝐎𝐌𝐏𝐈𝐀𝐍𝐀, 𝐧𝐲 𝐉𝐎𝐍𝐎 𝐚𝐫𝐲 𝐧𝐲 tontolon'ny 𝐒𝐀𝐊𝐀𝐅𝐎!

Te handray anjara ve ianao? Fantatrao ve ny tena anjara biriky sy ny tombontsoa entin'ny FIA sy ny FIG?

Raha te hahalala bebe kokoa ny zava-baovao sy ny momba ireo tranoheva amin'ity taona ity. Io no fotoana hamahana ny fisalasalanao sy hiomanana mialoha.

🗓 𝐀𝐥𝐚𝐫𝐨𝐛𝐢𝐚 𝟐𝟗 𝐉𝐨𝐥𝐚𝐲 𝟐𝟎𝟐𝟔
📍𝐆𝐫𝐚𝐧𝐝 𝐂𝐚𝐟é 𝐝𝐞 𝐥𝐚 𝐠𝐚𝐫𝐞. 𝐆𝐚𝐫𝐞 𝐝𝐞 𝐒𝐨𝐚𝐫𝐚𝐧𝐨, Analakely, 𝐀𝐧𝐭𝐚𝐧𝐚𝐧𝐚𝐫𝐢𝐯𝐨 𝟏𝟎𝟏

👉 Misokatra ho an'ny rehetra ny varavarana saingy ilaina ny misoratra anarana mialoha.!



----------------------------------------------------------

📣𝐑𝐄𝐔𝐍𝐈𝐎𝐍 𝐃'𝐈𝐍𝐅𝐎𝐑𝐌𝐀𝐓𝐈𝐎𝐍- 𝐀𝐆𝐑𝐈𝐂𝐔𝐋𝐓𝐔𝐑𝐄, É𝐋𝐄𝐕𝐀𝐆𝐄, 𝐏Ê𝐂𝐇𝐄 𝐞𝐭 𝐆𝐀𝐒𝐓𝐑𝐎𝐍𝐎𝐌𝐈𝐄

Vous êtes concerné par ces filières ? Ne manquez pas cette occasion de découvrir votre rôle et les avantages concrets qu'offrent la FIA et le FIG cette année.

C'est le moment de poser toutes vos questions et de bien vous préparer avant l'événement.

🗓 𝐌𝐞𝐫𝐜𝐫𝐞𝐝𝐢 𝟐𝟗 𝐣𝐮𝐢𝐥𝐥𝐞𝐭 𝟐𝟎𝟐𝟔
📍 Grand Café de la Gare, 𝐆𝐚𝐫𝐞 𝐝𝐞 𝐒𝐨𝐚𝐫𝐚𝐧𝐨, Analakely 𝐀𝐧𝐭𝐚𝐧𝐚𝐧𝐚𝐫𝐢𝐯𝐨 𝟏𝟎𝟏

👉 Ouvert à tous, inscription préalable obligatoire. Venez nombreux !

20/07/2026

:


Nandritra ny fandalovan’ny Filohan’ny Fikambanana TAMI (Tanora Miaraka Mivoatra) tao amin’ny Distrikan’i Fandriana dia nisy ny fitsidihana ireo fikambanana GEVEC izay miara-mivondrona ao anatin’ity fikambanana ity.
Nandritra izany fitsidihana izany dia nisy ny lahadinika sy fifanakalozan-kevitra niarahana tamin’ireo mpikambana, indrindra mikasika ireo tetikasa sy ny paikady hampiroboroboana ary hanamafisana o***a ny fikambanana.
Fikambanana telo no notsidihina ny Alahady lasa teo, dia ny tao amin’ny Fokontany Ambohibary, Andoharano ary Antatatra Avaratra.
Anisan’ny tanjona tamin’izao fandalovana izao ihany koa ny famahana ireo olana sedrain’ireo mpikambana sy fanentanana azy ireo mba tsy haharava na hihena ny firaisankinan’ny fikambanana.
Tsiahivina fa tamin’ny taona 2020 no niorenan’ireo fikambanana ireo. Tsy tonga nitondra tanam-polo ny Filohan’ny Fikambanana fa nitondra fanohanana ara-pitaovana, toy ny kahie, penina (stylo) ary ireo fitaovana ilaina amin’ny fanombohana sy fanamafisana indray ny fikambanana vaovao.
Ity hetsika ity dia maneho ny finiavan’ny TAMI hanohy ny fanohanana sy ny fampandrosoana ireo fikambanana eny ifotony, amin’ny alalan’ny fifampizarana sy fiaraha-mientana.

11/07/2026

Fanampiana ho an’ireo mpanala fanadinana BACC eto Mahatsinjo
Ho fanohanana ireo mpianatra miomana hiatrika ny fanadinana BACC, dia misokatra maimaim-poana ho an’ireo mpanala BACC eto Mahatsinjo ny Salle de repos Mahatsinjo.
Afaka manararaotra ity toerana ity ianareo mba hianarana am-pilaminana, hanaovana recherche, ary hamerenana ireo lesona mbola mila hazavaina sy hamafisina, indrindra amin’ny alalan’ny fampiasana ny connexion internet izay atolotra ho fanampiana amin’ny fikarohana sy ny fianarana.
Fanamarihana : Natokana ho an’ny fianarana irery ihany ity toerana ity, mba hahafahan’ny mpianatra rehetra misitraka tontolo milamina sy mahasoa amin’ny fanomanana ny fanadinana.
Ity hetsika fanohanana ity dia karakarain’ny fikambanana Tanora Miaraka Mivoatra , ho fandraisana anjara amin’ny fanampiana sy fampivoarana ny tanora eto Mahatsinjo.
Mirary fahombiazana ho an’ireo mpanala BACC rehetra ary mirary fahatratrarana ny tanjona amin’ny ezaka rehetra ataonareo.

01/07/2026

Mifototra amin'ny tontolo ambanivohitra ny fikambanana satria ny akamaroan'ny mpikamba dia mpamboly sy mpiompy avoko ❤️

01/07/2026

🙏🙏🙏🙏

01/07/2026