Scanderbeg Parma

10/10/2026

Jepi zë shqipes dhe identitetit! Në Parma mbahet seminari për gjuhën shqipe

Më 18 tetor 2026, në Parma të Italisë, do të zhvillohet seminari “Jepi zë shqipes dhe identitetit!”, një aktivitet kushtuar mësimit të gjuhës shqipe në diasporë dhe rolit të shkollave shqipe në ruajtjen e identitetit kombëtar te brezat e rinj.

Seminari do të mbahet nga ora 09:30 deri në 13:00, në ambientet e Palazzo del Governatore, në Piazza Garibaldi, me pjesëmarrjen e mësuesve, përfaqësuesve të shoqatave kulturore dhe aktorëve që kontribuojnë në mësimin dhe promovimin e gjuhës shqipe në Itali.

Aktiviteti organizohet nga Lidhja e Shkollave të Gjuhës Shqipe në Itali, në bashkëpunim me shoqatën “Scanderbeg” Parma, me mbështetjen e Komunës së Parmës.

Në fokus të seminarit do të jenë përvojat e shkollave shqipe dhe metodat për ta përcjellë gjuhën e trashëgimisë te fëmijët e diasporës.

05/10/2026

Scuola albanese Scanderbeg Parma Ju ftojmë në inaugurimin e vitit të ri shkollor! Të shtunën 10 tetor ora 17.
Do të prezantohet shkolla dhe do të jepen të gjitha informacionet për regjistrimet dhe mësimet.
Për info mund të shkruani në [email protected]

18/09/2026

https://www.facebook.com/share/1J1hs3WC5b/

15/09/2026

Ditën e djelë, në qytetin e Parmës, u zhvillua festivali multikulturor “Lagjet në festë” një ditë e veçantë e mbushur me ngjyra, tradita, kulturë dhe bashkëjetesë, ku komunitete të ndryshme patën mundësinë të ndajnë me të tjerët pasurinë e tyre kulturore.

Komuniteti shqiptar u përfaqësua denjësisht nga mësueset dhe prindërit e Scuola albanese Scanderbeg Parma dhe Grupi i Valleve-Danza Scanderbeg Parma - Itali Përballë përfaqësuesve të 40 shoqatave kulturore, patëm kënaqësinë të prezantojmë kulturën, traditat dhe kostumet tona kombëtare, produktet e larmishme të zejtarisë shqiptare, si edhe disa nga shijet më karakteristike të gastronomisë sonë.

Kjo paraqitje e stendit u përgatit me shumë dashuri, përkushtim dhe profesionalizëm nga Pranvera Wedding & Event, së bashku me Elona Jolla si organizatore e këtij eventi, që me pasion dhe përkushtim sollën në vëmendje bukurinë dhe pasurinë e trashëgimisë shqiptare.

Nga punimet artizanale me motive karakteristike shqiptare, te shijet e kuzhinës tradicionale, çdo detaj përcillte një pjesë të historisë, traditave dhe identitetit tonë. Ishte një mënyrë e bukur për të treguar se kultura shqiptare, edhe larg vendlindjes, vazhdon të jetojë, të ruhet dhe të përcillet brez pas brezi.

Mirëpritja e ngrohtë dhe interesi jashtëzakonisht i madh i publikut na bënë të ndihemi edhe më krenarë për Shqipërinë tonë. Ky ishte një sukses i bukur, por mbi të gjitha një mundësi e çmuar për ta bërë më të njohur Shqipërinë dhe kulturën shqiptare në një komunitet kaq të larmishëm.

Një falënderim i veçantë për Komunën e Parmës, për organizatorët dhe për të gjithë ata që punuan, kontribuuan dhe dhanë nga koha dhe energjia e tyre për ta bërë këtë ditë kaq të veçantë.

28/08/2026

“Shqipja, folezë e sigurt dashurie!”

Si çdo vit, Scuola albanese Scanderbeg Parma shkolla shqipe “Scanderbeg” Parma hap dyert e klasave për vitin e ri shkollor 2026 – 2027 me të njëjtin përkushtim dhe po me aq dashuri për të gjithë fëmijët shqiptarë të interesuar nga mosha 5 deri 18 vjeç.

Shkolla ka qenë dhe mbetet një hapësirë ku fëmijët tanë mësojnë gjuhën shqipe, kulturën, historinë dhe traditat tona, duke ruajtur me dashuri lidhjen me rrënjët dhe identitetin e tyre.

Prindër, regjistroni fëmijën tuaj dhe bëhuni pjesë e familjes sonë!

📩 Për informacione dhe regjistrime:
✉️ [email protected]

11/06/2026

La tutela del patrimonio naturale, storico e culturale è un valore universale che supera confini, appartenenze politiche e nazionalità.
Per questo condividiamo questa iniziativa dedicata alla vicenda di Zvërnec e Sazan, un tema che nelle ultime settimane ha suscitato un ampio dibattito in Albania e a livello internazionale.
Invitiamo tutti coloro che hanno a cuore la salvaguardia del territorio, dell'ambiente e dei beni comuni a informarsi, approfondire il tema e partecipare secondo la propria sensibilità
Domenica 14 giugno ore 18.00 Piazza Garibaldi a Parma

18/05/2026

Gazmend Kapllani a Parma

14/05/2026

Në datën 18 maj në orën 18 tek libreria "Diari di Bordo" , takim me shkrimtarin Gazmend Kapllani

Dal Salone di Torino (il 15 Maggio), andrò a Parma il 18 Maggio a parlare del Il mio nome è Europa (Del Vecchio Editore), con Alice e Antonello nella loro bellissima libreria Diari di Bordo. A Parma c'è anche una communità Albanese molto attiva nella vita culturale della città. Spero di incontrare vecchi amici e nuovi lettori e lettrici.

Nga Panairi Ndërkombëtar i Librit në Torino (në 15 Maj), do udhëtojë në Parma në datën 18 Maj, në një nga libraritë më të bukura të qytetit, ku do diskutoj me Alicen dhe Antonellon, krijuesit e librarisë dhe dy njohës të thellë të letërsisë, për romanin tim të ri të sapo botuar në Itali, Më quajnë Europë. Në Parma ka një komunitet shqiptar shumë aktiv në jetën kulturore të qytetit dhe shpresoj të takoj miq të vjetër dhe lexues të rinj.

03/05/2026