Sikh Chardhikala Kendar

03/11/2026

ਘੜੀਏ ਘੜੀਏ ਮਾਰੀਐ
ਪਹਰੀ ਲਹੈ ਸਜਾਇ ॥
ਸੋ ਹੇੜਾ ਘੜੀਆਲ ਜਿਉੁ
ਡੁਖੀ ਰੈਣਿ ਵਿਹਾਇ ॥੪੦॥

1379, ਸਲੋਕ ਸ਼ੇਖ ਫਰੀਦ ਕੇ

ਹਰ ਘੜੀ, ਹਰ ਪਹਿਰ ਮਗਰੋਂ (ਘੜਿਆਲ ਨੂੰ) ਕੁੱਟ ਪੈਂਦੀ ਹੈ, ਇਹ ਮਾਰ ਖਾਂਦਾ ਹੈ, ਘੜਿਆਲ ਵਾਂਗ ਹੀ ਉਹ ਸਰੀਰ ਹੈ ਜਿਸਦੀ (ਮੋਹ ਮਾਇਆ ਵਿੱਚ) ਦੁਖੀ ਹੋ ਰਾਤ ਗੁਜ਼ਰਦੀ ਹੈ।

ਵਾਹਿਗੁਰੂ ਜੀ ਕਾ ਖਾਲਸਾ॥
ਵਾਹਿਗੁਰੂ ਜੀ ਕੀ ਫ਼ਤਿਹ॥

02/11/2026

ਫਰੀਦਾ ਦਰਿ ਦਰਵਾਜੈ ਜਾਇ ਕੈ
ਕਿਉੁ ਡਿਠੋ ਘੜੀਆਲੁ ॥
ਏਹੁ ਨਿਦੋਸਾਂ ਮਾਰੀਐ
ਹਮ ਦੋਸਾਂ ਦਾ ਕਿਆ ਹਾਲੁ ॥੩੯॥

1379, ਸਲੋਕ ਸ਼ੇਖ ਫਰੀਦ ਕੇ

ਕਦੇ ਮੰਦਰ ਦੇ ਦਰਵਾਜ਼ੇ ‘ਤੇ ਜਾ ਕੇ ਘੜਿਆਲ ਵੱਜਦਾ ਦੇਖਿਆ ਹੈ? (ਜੇ) ਇਹ ਬੇਦੋਸ਼ਾ ਘੜਿਆਲ ਮਾਰ ਖਾ ਰਿਹਾ ਹੈ, ਤਾਂ ਸਾਡਾ ਦੋਸ਼ੀਆਂ ਦਾ ਕੀ ਹਾਲ ਹੋਵੇਗਾ?

ਵਾਹਿਗੁਰੂ ਜੀ ਕਾ ਖਾਲਸਾ॥
ਵਾਹਿਗੁਰੂ ਜੀ ਕੀ ਫ਼ਤਿਹ॥

01/11/2026

ਫਰੀਦਾ ਚਾਰਿ ਗਵਾਇਆ ਹੰਢਿ ਕੈ
ਚਾਰਿ ਗਵਾਇਆ ਸੰਮਿ ॥
ਲੇਖਾ ਰਬੁ ਮੰਗੇਸੀਆ
ਤੂ ਆਂਹੋ ਕੇਰ੍ਹੇ ਕੰਮਿ ॥੩੮॥

1379, ਸਲੋਕ ਸ਼ੇਖ ਫਰੀਦ ਕੇ

ਚਾਰ ਪਹਿਰ ਦਿਨ ਦੇ ਦੌੜ ਭੱਜ (ਦੁਨਿਆਵੀ ਕੰਮਾਂ) ਵਿੱਚ ਗਵਾ ਦਿੱਤੇ ਤੇ ਚਾਰ ਪਹਿਰ ਰਾਤ ਦੇ ਸੌਣ ਵਿੱਚ ਗੁਆ ਦਿੱਤੇ। ਅੰਤ ਤੈਨੂੰ ਰੱਬ ਨੇ ਹਿਸਾਬ ਕਿਤਾਬ ਪੁੱਛਣਾ ਕਿ ਤੂੰ ਆਇਆ ਕਿਸ ਲਈ ਕੰਮ ਸੀ?

ਵਾਹਿਗੁਰੂ ਜੀ ਕਾ ਖਾਲਸਾ॥
ਵਾਹਿਗੁਰੂ ਜੀ ਕੀ ਫ਼ਤਿਹ॥

31/10/2026

ਫਰੀਦਾ ਏ ਵਿਸੁ ਗੰਦਲਾ
ਧਰੀਆਂ ਖੰਡੁ ਲਿਵਾੜਿ ॥
ਇਕਿ ਰਾਹੇਦੇ ਰਹਿ ਗਏ
ਇਕਿ ਰਾਧੀ ਗਏ ਉੁਜਾੜਿ ॥੩੭॥

1379, ਸਲੋਕ ਸ਼ੇਖ ਫਰੀਦ ਕੇ

ਇਹ ਦੁਨੀਆਂ ਦੇ ਪਦਾਰਥ ਸਮਝ ਲੈ ਕਿ ਖੰਡ ਵਿੱਚ ਲਪੇਟੀਆਂ ਜ਼ਹਿਰੀਲੀਆਂ ਗੰਧਲਾਂ ਹਨ। ਇਹਨਾਂ ਗੰਧਲਾਂ ਨੂੰ ਕਈ ਬੀਜਦੇ, ਤੇ ਕਈ ਬੀਜ ਕੇ, ਛੱਡ ਗਏ, ਭਾਵ ਕਈ ਤਾਂ ਪਦਾਰਥ ਇਕੱਠੇ ਕਰਕੇ ਤੇ ਕਈ ਇਕੱਠੇ ਕਰਦੇ, ਦੁਨੀਆ ਤੋਂ ਚਲੇ ਗਏ।

ਵਾਹਿਗੁਰੂ ਜੀ ਕਾ ਖਾਲਸਾ॥
ਵਾਹਿਗੁਰੂ ਜੀ ਕੀ ਫ਼ਤਿਹ॥

30/10/2026

ਬਿਰਹਾ ਬਿਰਹਾ ਆਖੀਐ
ਬਿਰਹਾ ਤੂ ਸੁਲਤਾਨੁ ॥
ਫਰੀਦਾ ਜਿਤੁ ਤਨਿ ਬਿਰਹੁ ਨ ਊਪਜੈ
ਸੋ ਤਨੁ ਜਾਣੁ ਮਸਾਨੁ ॥੩੬॥

1379, ਸਲੋਕ ਸ਼ੇਖ ਫਰੀਦ ਕੇ

ਪ੍ਰੇਮ ਪੀੜ, ਪ੍ਰਭੂ ਵਿਯੋਗ ਦੀਆਂ ਗੱਲਾਂ ਸਭ ਕਰਦੇ ਨੇ, ਪਰ ਇਹ ਵਿਯੋਗ (ਪ੍ਰਭੂ ਮਿਲਾਪ ਦੇ ਸਾਧਨਾਂ ਦਾ) ਪਾਤਸ਼ਾਹ ਹੈ। ਜਿਸ ਅੰਦਰ ਇਹ ਪ੍ਰਭੂ ਵਿਛੋੜੇ (ਦੀ ਪ੍ਰੇਮ) ਪੀੜ੍ਹ ਉਤਪੰਨ ਨਹੀਂ ਹੁੰਦੀ, ਉਹ ਸਰੀਰ ਸ਼ਮਸ਼ਾਨ ਦੇ ਸਮਾਨ ਹਨ।

ਵਾਹਿਗੁਰੂ ਜੀ ਕਾ ਖਾਲਸਾ॥
ਵਾਹਿਗੁਰੂ ਜੀ ਕੀ ਫ਼ਤਿਹ॥

30/10/2026

30/10/2026

ਮਹਾਰਾਜਾ ਰਣਜੀਤ ਸਿੰਘ ਦੀ ਸਮਾਧ

30/10/2026

🙏

29/10/2026

ਫਰੀਦਾ ਚਿੰਤ ਖਟੋਲਾ ਵਾਣੁ ਦੁਖੁ
ਬਿਰਹਿ ਵਿਛਾਵਣ ਲੇਫੁ ॥
ਏਹੁ ਹਮਾਰਾ ਜੀਵਣਾ
ਤੂ ਸਾਹਿਬ ਸਚੇ ਵੇਖੁ ॥੩੫॥

1379, ਸਲੋਕ ਸ਼ੇਖ ਫਰੀਦ ਕੇ

ਚਿੰਤਾ ਰੂਪੀ ਮੰਜੀ ਹੈ, ਦੁੱਖਾਂ ਰੂਪੀ ਵਾਣ ਦੇ ਨਾਲ ਬੁਣੀ ਹੋਈ ਹੈ, ਵਿਛੋੜੇ (ਦੇ ਦੁੱਖ) ਦੀ ਰਜਾਈ ਹੈ, ਪ੍ਰਭੂ ਪ੍ਰੀਤਮ ਜੀ, ਤੁਸੀਂ ਦੇਖੋ (ਤੁਹਾਡੇ ਤੋਂ ਵਿੱਛੜ ਕੇ ਕਿਹੋ ਜਿਹਾ) ਸਾਡਾ ਜੀਵਨ ਹੈ!

ਵਾਹਿਗੁਰੂ ਜੀ ਕਾ ਖਾਲਸਾ॥
ਵਾਹਿਗੁਰੂ ਜੀ ਕੀ ਫ਼ਤਿਹ॥

29/10/2026

Ardas