12/02/2026
PID |PYIDAWTHA SIALSAWM PAWI
®Sept 7, 2025 ni-in PID (Pyidawtha Innkuan Delhi) in Sialsawm pawi A (1) Veina Nu Don Ngaih Vung te' tanu upen PID sumkem ahi San Kim te' innah nuam takin nitak nai 4:00pm hun in biakpiak hun nuam, T**a' hehpihna hangin kizang thei hi. Itna leh phal takin inn hong hong zang sak atate innkuan T**a'n thupha hong piak sak ngiat ta hen! Amen.
®Man masa pen group man hi a, man kilakna ah hong kihel theilo zong honkhat om lai hi, Sialsawm pawi pen Pune pek pan Delhi ah pawi hong siim ngiat zong om in thupi kisa mahmah hi. Damlo leh nasep off day ngah lo hon khat ki om lai himah ta leh mipi 100 bang kipha zo veve ahih manin nop kisa zungzung hi. Hong pai thei lo naute zong i ngai mahmah a, i phawk mahmah hi.
®Sialsawm pawi ah Voksa, aksa, ngasa, aktui leh mehtehmehgah, sa ne ngiat lo ta dingin zong tanute in a limpen dingin hong bawl sak uh ahih manin mipi lah ki hampha ei, asem abawl te zong gim lua un teh, lah thupi kasa mahmah uh hi.
®Pawi ah alim a-al i nek ziahziah theih nadingin amau siam tawp suah in tanute hong kipei ziahziah uh tak ciang, mipi ten anlim mehlim kine kha pah lian a, ni nih vilvel akisapna peuh ah kizang uh a, tawl mahmah ding uh hi, bangzah in gim ding uh hiam cih pen, Pyidawtha vontawi te ading hikei leh bel maw cici kha liang ding uh hi, tanute khempeuh zahtak huai kong sa mahmah uh hi. Sia Vungh Hawm Piang zong tanute mah hong bangin aman nasia takin seplehbawl hong huh ngiat seppih ngiat ahih manin ki lungdam mahmah a, tanu khempeuh tungah lungdamna lian mahmah hi, na gim na tawlna khempeuh uh T**a'n tawldamna leh a thupha tampi hong buak suk ta hen! Amen.
®Hibangin i Sialsawm pawi pen pawi limci mahmah asuah theih nadingin tuipi gal a Pyidawtha vontawite ahi:
•Revd Sia JK Kam, Norway-Rs. 6000
•U Khupno Zomi, USA-Rs. 11715
•Pa Kamkok, USA-Rs. 2600
•Sia Pau Tawng, Malaysia -Rs. 6000
•Nu Don Ngaih Vung (Nu Vung), USA-Rs. 5000
it leh ngaih tengin itna takpi tawh hong panpih ngeingaina uh hangin Sialsawm pawi limci mahmah akibawl zo hong suak a, hibangin itna tawh ma hong pang in hong piakhia Pyidawtha Vontawi mimal kim tungah PID innkuan leh makai min tawh lungdamna lianpi i pulak nuam hi. T**a'n amaute khempeuh, atahtah ahenhen adimlet thupha hong piak sak den ta hen! Amen.
•••••••••••••••••••••••••••••••••••••••••••••••••••••••••••••••••••••
|Man anihna pen makai teng leh tanu teng kizaihna ahi hi.
•••••••••••
®Amai ding in thu ka gengen laitak, tanu khat hong pai vat a, tanu ten gennop khat nei ung hong ci vat a, kilak vat liang ing! Ken zong hun limci khat ka pia pah hi.
®Tanute in cingtaak lopipi mah-in ka siamlohnate uh hong selsak uh a: K*m khat sung tawntung nuam takin hong makaih i makai te love gift hong pia nuam ung ci-in mipi mai ah hong ding sak uh hi.
®Tanute khat in kuang sungah vok ngoi hong tawi a, ko makai teng hong pia hi. Mipi lakah alimpenpen sa-ngoi khat tek hong piak uh pen, ko makaite bangmah ka hih loh uh hangin hong zahtakna uh leh mite hong thupi sim ta keileh ko thupi hong sa ung hong cihna bangun ka tuat uh a, ka lungdamna uh lian in, mit khitui bang hong laam zo mawk hi.
®Ka taklam dingte ka naseppih te hi a, ka mai vua tu teng leh ka veilam a ding tegel pen tanute ahi uh hi.
•Pa Thang En Mang (Advisor)
•Pa Zam Suan Mang (Secretary)
•Nu Cing San Kim (Treasurer)
•Tg Zam Sian Suum (President)
•Pa Zo Mang (Tanupi)
•Pa Nang Lian Khai (Tanu)
•Pa Thang Muan Kim (Tanu)
•Tg Gin Gawh Cin (Tanu)
•Nu Vung Hau Cing (Tanu)
•Nu Man San Vung (Tanu)
•••••••••••••••••••••••••••••••••••••••••••••••••••••••••••••••••••••
•Biakpiak hunbawlna zong kinei a, President in hun uk sem a, Pa Kam Khan Thang thungetna tawh hun nuamtak kipan thei hi.
•Hunbawl sungin ahuam thungetna zong kinei a, Revd Sia Kap in hong makaih thei hi.
•Hun sungin mel kilahna tuamtuam zong kinei a, Pasian' kammal tawh hanthotna leh i Zo ngeina athupit zia cihte zong Pa Thang En Mang (Advisor) in thusuutna hong nei hi.
•Treasurer Cing San Kim' hunzawh lungdamkohna an kuang ading thungetna tawh hun nuamtak kizo thei a, hun man teh group man kilakna kinei ngeingai a, tua khitteh Pyidawtha Sialsawm Ankuang umkhopna kinei ngeingai hi.
•Hong kihel mipi lakah voksa aksa ane thei ngiat lo zong om a, tuate ading zong kibawl sak thei ahih manin makaite ki lungdam mahmah hi.
1. Sialsawm pawi nuamtakin kipan thei hi.
2. Sialsawm pawi nuamtakin kizang thei hi.
3. Tanute kizen lua uh hi.
3. Buh, meh lim kisa ngaungau hi.
4. Mipite gilvah mahmah, lungkim mahmah uh hi.
5. Hong pai thei mimal khempeuh hampha kisa ciat uh hi.
6. Hong pai theilote kiphawk mahmah hi.
7. Hong pai theilo, anai a om te an kipuak hi.
8. Cina a om hong pai zolo te a innkuanpih te an kipuak sak hi.
9. Makaite an hong pua sak lai uh hi.
10. Tanute zong an kitun hi.
11. Tavuan nei khempeuh in a tavuan uh zo mahmah uh hi.
12. Pawi nuam kisa zungzung mai a, lungkim takin Sialsawm pawi T**a'n hong zo sak hi.
•T**a' min thang ta hen! Amen.
Hih PID Sialsawm pawi ah, athu ala, sumlepai, thalengal bangkim ah hong mapang khempeuh T**a'n nasia takin thupha hong pia ngiat ta hen!
©T**a aw, Nangma hangin anop in nuam zungzung ei!
©Pawi nong zawh pih lungdam ungh T**a.
____________________________
Makai Thak Kiteelna
®Hunbawl sungin 2025-2026 PID makai thak kiteelna zong kinei pah a:
Mipi deihteelna tawh anuai-a bangin 2025-2026 PID Makai ding khutlap khutbetna tawh kipsakna kinei hi.
President dingin Tg Zam Sian Suum
Secretary dingin Tg. Pau Sian Lian
Assistant Secretary dingin Tg Gin Gawh Cin
Treasurer dingin Pa Thang Deih Cin
Advisor dingin Pa Thang En Mang te muanna lianpi tawh kipsakna kinei hi.
_____________________________
2024-2025 PID makai lui
President Tg Zam Sian Suum
Secretary Pa Zam Suan Mang
Treasurer Nu Cing San Kim
Advisor Pa Thang En Mang
te in itna, hanciamna leh cihtakna tawh PID innkuan adingin makaihna tawh ma hong pan ciat manun zahtakna i pia a, lungdamna zong hipanin i pulak nuam hi.
Itna tawh hong makaih in ma hong pang makai lui te khempeuh zong T**a'n alamdang takin thupha hong pia ta hen! Amen.
A kiteel thak makai ten zong makai masate khekhap zui to a, PID innkuan kipawlna a nopsak akhangto sak leh apicing sak semsem zo dingin T**a'n thupha hong piak sak lai ta hen! Amen.
By| Evan Suum Pi
