05/04/2026
ଦୁଃଖର ସାଥୀ ପରିବାର ର ବାର୍ଷିକ ଉତ୍ସବ ପାଳନ ନିମନ୍ତେ ପୂର୍ବ ବୈଠକର ପ୍ରସ୍ତୁତି
ଆମ ସାମାଜିକ ସଂଗଠନର ବାର୍ଷିକ ଉତ୍ସବକୁ ସୁସଂଗଠିତ ଭାବରେ ପାଳନ କରିବା ପାଇଁ ଆଜି ତା.୦୫.୦୪.୨୦୨୬ ରିଖ ଦିନ ସକାଳ 10 ଘଟିକା ରେ ସ୍ଥାନ - ମଦନ ମୋହନ ମଠ ,ଚାଉଳିଆଗଞ୍ଜ ଠାରେ ଏକ ବୈଠକ ଆୟୋଜନ କରାଯାଇଥିଲା। ଏହି ବୈଠକରେ ସଂଗଠନର ପ୍ରତିଷ୍ଠାତା, ସଭାପତି ,ସମ୍ପାଦକ ଏବଂ ସମସ୍ତ ସଦସ୍ୟା ଓ ସଦସ୍ୟମାନେ ଯୋଗଦେଇଥିଲେ ଓ ବିଭିନ୍ନ ପ୍ରସ୍ତୁତି ସମ୍ପର୍କରେ ଆଲୋଚନା କରିଥିଲେ।
ପ୍ରଥମେ ବାର୍ଷିକ ଉତ୍ସବର ତାରିଖ, ସ୍ଥାନ ଓ କାର୍ଯ୍ୟକ୍ରମର ରୂପରେଖା ନିର୍ଦ୍ଧାରଣ କରାଯାଇଥିଲା। ତାପରେ ଅତିଥିମାନଙ୍କୁ ଆମନ୍ତ୍ରଣ କରିବାର ଏକ ଚିଠା ପ୍ରସ୍ତୁତ , ଆର୍ଥିକ ବଜେଟ୍ ର ଚିଠା ,ସାଂସ୍କୃତିକ କାର୍ଯ୍ୟକ୍ରମ ଆୟୋଜନ କରିବା ଓ ପୁରସ୍କାର ବିତରଣ ପାଇଁ ଯୋଜନା କରାଯାଇଥିଲା।
ସଭ୍ୟମାନଙ୍କ ମଧ୍ୟରେ କାମ ବଣ୍ଟନ କରାଯାଇଥିଲା—କେହି ମଞ୍ଚ ସଜାଣ, କେହି ସ୍ୱାଗତ ବ୍ୟବସ୍ଥା, କେହି ଧ୍ୱନି ବ୍ୟବସ୍ଥା ଓ କେହି ଖାଦ୍ୟ ବ୍ୟବସ୍ଥା ର ଦାୟିତ୍ଵ ଗ୍ରହଣ କରିଥିଲେ । ଏହା ସହିତ ସୁରକ୍ଷା ଓ ସ୍ୱଚ୍ଛତା ବ୍ୟବସ୍ଥା ପାଇଁ ମଧ୍ୟ ବିଶେଷ ଧ୍ୟାନ ଦିଆଯାଇଥିଲା।
ବୈଠକରେ ସମସ୍ତେ ନିଜ-ନିଜ ମତାମତ ଦେଇଥିଲେ ଓ ସମସ୍ତ କାମକୁ ସମୟମାନ୍ୟ ଭାବେ ସମ୍ପନ୍ନ କରିବା ପାଇଁ ସଙ୍କଳ୍ପ କରିଥିଲେ। ଏହି ପୂର୍ବ ବୈଠକ ସଫଳ ଉତ୍ସବ ପାଳନର ମୂଳ ଭିତ୍ତି ହେବ ବୋଲି ଆକଳନ କରାଯାଇଥିଲା ।
ଶେଷରେ ସମସ୍ତଙ୍କ ସହଯୋଗ ଓ ଏକତା ଦ୍ୱାରା ବାର୍ଷିକ ଉତ୍ସବକୁ ସଫଳ କରିବାର ନିଶ୍ଚୟତା ବ୍ୟକ୍ତ କରାଯାଇଥିଲା।
