Health In Action 醫護行者

30/10/2026

【由一場分享會看見：健康，從來都係靠社區力量一齊築起 🤝】

健康從來唔只係診症室入面嘅事，更加需要社區唔同人一齊出力。尋日「慈悲關懷健康社區計劃」實踐與成果分享會圓滿結束，正正體現咗社區力量對健康有幾重要！好多謝各界同工同朋友抽空出席，同我哋一齊回顧醫護行者跨專業團隊點樣喺社區深耕細作，了解「資產為本社區發展模式 (ABCD)」點樣真係落實到街坊嘅生活當中。

其實好多時，基層街坊唔係無能力照顧自己同鄰舍，而係爭一個被連結、被肯定同發揮潛能嘅機會。喺今次計劃入面，我哋最感動嘅係見證住一班「圍家守護者」，由最初嘅活動參與者，慢慢變身成為推動社區健康嘅中堅份子。佢哋出心出力去守護光輝圍，印證咗分享會上大家嘅共識：持續推動社區健康最唔少得嘅，就係「人」同「街坊嘅參與」。

要做到真正嘅「健康公平」，單靠醫療專業係唔夠架。只有醫、社、商、民緊密合作，我哋先可以打破資源同環境嘅局限，令每個人都有公平追求健康嘅機會。我哋衷心感謝 陳廷驊基金會 嘅鼎力支持，同埋各個社區夥伴嘅無私協作，令呢份社區實踐可以茁壯成長 🌱。

我哋相信，真正嘅健康社區，係一個街坊可以發揮所長、鄰里之間有傾有講、互相照應嘅地方。推動社區健康從來唔係一朝一夕，但只要大家聚沙成塔，「人人健康」絕對可以變成街坊嘅日常。

💬 【留言傾吓偈】
健康社區，人人有份！您心目中理想嘅「健康社區」又係點樣架呢？係樓下有得買平靚正嘅健康餸菜，定係有一班可以互相幫手嘅街坊？歡迎留言同我哋分享吓！👇

#醫護行者 #慈悲關懷健康社區計劃 #資產為本社區發展 #貫專業團隊 #圍家守護者 #健康公平 #人人健康健康社會 #社區健康 #陳廷驊基金會 #光輝圍

27/10/2026

【AM730專欄｜一場暴雨下的健康共學】

一場突如其來的紅色暴雨，無阻我們走進清真寺，展開一場關於信仰與健康的跨界交流。

范寧醫生今期《am730》專欄，分享了早前與醫療、學術、社福及企業等不同界別的朋友，風雨無阻地前往九龍清真寺，聆聽伊斯蘭中心總教長穆光明分享「健康在伊斯蘭教中的重要性」。

原來，宗教信仰與我們的日常身心健康，有著意想不到的緊密連繫。從醫護角度看，穆斯林每日五次祈禱中的站立、俯身、跪下，其實包含了伸展身體與配合呼吸的元素；而「清真」與「禁忌」的規範，亦提醒信眾遠離煙酒等有害事物，體現對生命的尊重。

最令范醫生印象深刻的，是教義中提倡男女共同承擔家庭健康，鼓勵大家擁有同等機會去追求健康和做運動。這種把健康融入日常的觀念，正正與醫護行者一直推廣的健康管理和預防醫學的方向不謀而合！

其實早在新冠疫情期間，醫護行者已與九龍清真寺結緣。很高興這次能再次跨界共學，穆總教長亦非常樂意響應呼籲，推動穆斯林社群積極參與基層醫療服務。要真正做到健康公平，正需要這種跨越文化與界別的同行力量。

想知道范寧醫生今期專欄分享了甚麼深刻體會？ 歡迎閱讀全文：
https://www.am730.com.hk/column/%E5%81%A5%E5%BA%B7/2012066/%E4%B8%80%E5%A0%B4%E6%9A%B4%E9%9B%A8%E4%B8%8B%E7%9A%84%E5%81%A5%E5%BA%B7%E5%85%B1%E5%AD%B8

每逢星期二，范寧醫生都會在《AM730》與大家分享診症室、社區健康和生命教育的故事，以文會友。

#醫護行者 #范寧醫生 #一場暴雨下的健康共學 #少數族裔健康 #基層醫療 #預防醫學 #健康公平 #跨界共學 #社區同行 #九龍清真寺 #多元社會

一場暴雨下的健康共學

23/10/2026

🍱 【一個便當，一份用心：看見家長對孩子健康的堅持】🌈

開學已經一個多月，各位爸爸媽媽每日除咗要兼顧工作，仲要跟進小朋友嘅校園生活，真係少啲心力都唔得。不過，即使生活幾忙碌，我哋見到好多家長依然堅持每日親手為小朋友準備飯盒。

今日想同大家分享「一個便當，一份用心」健康飯盒設計比賽嘅全場總冠軍🏆——由陳太同囝囝瑋諾一齊設計嘅「至營便當」。

陳太同我哋分享，因為瑋諾唔太習慣學校嘅飯盒，所以佢寧願每日早啲起身、瞓少啲，都堅持親自下廚。佢話：「只要知道小朋友食得開心、食得健康，幾攰都係值得！」

作為推動社區健康嘅醫護行者，我哋好感動見到呢份對健康嘅執着。一個小小嘅便當，盛載嘅唔單止係小朋友發育所需嘅均衡營養，更加係一份無可替代嘅愛與陪伴。當小朋友喺學校打開飯盒，食到嘅係屋企嘅味道，亦係最好嘅打氣與鼓勵。

📅 今個週末，不如都試吓同小朋友一齊入廚房啦！由構思餐單、揀食材到落手煮，為新一個星期準備一份充滿心意嘅健康便當，享受親子共煮嘅樂趣🥰。

📸 【留言齊齊 Share！曬出你嘅愛心飯盒】
各位爸爸媽媽，你哋平時又會幫小朋友準備咩愛心便當？最拿手嘅健康餸菜又係咩？歡迎喺留言區 Post 相分享你哋嘅飯盒大作，一齊交流吓帶飯靈感，互相打氣啦！👇🏻

🍳 【冠軍食譜大公開】
我哋已經將陳太同瑋諾嘅得獎食譜放咗喺留言區！多謝 Towngas 率先分享，大家不妨今個週末就將呢份健康心意帶返屋企，跟住一齊整！

最後，特別鳴謝以下贊助及支持機構，與醫護行者並肩推動社區健康飲食：
感謝 Towngas、快圖美 Fotomax、Fujifilm Hong Kong HOP 及 FUJIFILM Hong Kong 嘅贊助及支持，以及香港東區崇德社 Zonta Club of Hong Kong East 嘅慷慨捐助。

#醫護行者 #一個便當一份用心 #至營便當 #開學飯盒 #親子共煮 #健康飲食 #均衡營養 #把健康帶回日常 #愛心飯盒大募集

20/10/2026

【AM730專欄｜以健康之名，讓愛德在社區流轉】

外傭姐姐每天無微不至地照顧我們的家人，但她們自己的健康需要，又有誰來關顧？

范寧醫生今期《am730》專欄，分享了醫護行者近期與天主教教區及不同堂區的合作故事。原來早在十五年前醫護行者成立之初，團隊已經走到菲律賓馬尼拉的貧民窟提供醫療服務；十五年後初心不變，我們選擇走進堂區這個對外傭姐妹來說充滿安全感和熟悉的空間，主動接觸這群默默支撐著無數香港家庭的群體。

透過連繫堂區，我們的團隊能恆常地為外傭姐妹提供檢查，了解她們的「三高」和痛症狀況，並一起訂立健康計劃。正如范醫生在文中所形容，從公共衛生角度來看，外傭其實是很多家庭的「家庭健康嗰副偈」，由照顧老幼、長期病患者到兼顧家居安全，她們大大釋放了家庭成員的壓力。如果不把這副「偈」好好保養，對家庭的影響可想而知。

推動健康公平，往往是從看見這些平日容易被忽略的群體開始。結合醫療、社福與宗教的社區力量，將關顧外傭如同關顧自己家人一樣，才能讓愛德與健康在社區中真正流轉。

想知道范寧醫生今期專欄，如何細說這段與外傭姐妹同行的故事？ 歡迎閱讀全文：
https://www.am730.com.hk/column/%E5%81%A5%E5%BA%B7/2011774/%E4%BB%A5%E5%81%A5%E5%BA%B7%E4%B9%8B%E5%90%8D-%E8%AE%93%E6%84%9B%E5%BE%B7%E5%9C%A8%E7%A4%BE%E5%8D%80%E6%B5%81%E8%BD%89

每逢星期二，范寧醫生都會在《AM730》與大家分享診症室、社區健康和生命教育的故事，以文會友。

#醫護行者 #范寧醫生 #社會健康 #外籍家庭傭工 #健康公平 #三高 #痛症管理 #基層醫療 #社區同行 #多元族裔健康

以健康之名 讓愛德在社區流轉

20/10/2026

【從「看見」出發：跨界別攜手支援外傭健康🤝】

日前，醫護行者、香港明愛一齊拜會咗周守仁樞機。醫護行者分享咗過去一段日子，我哋喺唔同堂區以健康為題接觸外籍家庭傭工姊妹時，發現他們身心各方面的耗損，以及需要支援的需要很大，同時我們亦提供了一個「健康教會」可以發揮的巨大角色的進路，同社區夥伴合作，俾到姊妹更多關顧。

呢年幾以嚟，我哋走入唔同堂區，同神父、教友仲有外傭姊妹傾偈。我哋好深刻咁體會到，佢哋喺無數香港家庭入面擔當住好重要嘅角色——湊小朋友、照顧老人家、打理全家日常；但當佢哋自己唔舒服，或者生活遇到困難嗰陣，往往好難開口，甚至唔知可以搵邊個幫手。
工時長、假期少、唔熟悉本地醫療系統，加上怕僱主擔心……種種原因，令好多原本可以早啲處理嘅健康問題（例如心血管疾病、婦科病），一直拖延。

對好多外傭姊妹嚟講，堂區就係佢哋喺香港最信任、最有歸屬感嘅家。今次嘅跨界別交流，我哋正正探討點樣喺呢個安全嘅社群入面，將健康資訊帶俾佢哋；更重要嘅係，推動堂區嘅弟兄姊妹成為同行者，讓大家看見佢哋唔單止係服務提供者，更加係值得被尊重嘅鄰舍。

感謝樞機嘅聆聽同鼓勵，亦多謝明愛同嘉里集團嘅同行。醫護行者會繼續發掘適合社區嘅同行方式。

外傭姊妹其實就好似支撐住香港「家庭健康嗰副偈」，如果無好好保養，後果可想而知。今天稍後，醫護行者創辦人范寧醫生將會喺 AM730 專欄進一步分享！文章會由我哋 15 年前喺菲律賓馬尼拉貧民窟嘅服務初心講起，探討點樣將天主教嘅關懷信念與醫療社福專業結合，讓愛德喺社區流轉。

💡 想知更多？大家聽日記得留意我哋專頁嘅更新啦！👀

#醫護行者 #健康公平 #外傭健康 #全人關懷 #跨界別合作 #周守仁樞機 #香港明愛 #范寧醫生 #社區健康

17/10/2026

【響應世界糧食日｜推動健康公平，共建健康飲食社區地圖🌍】

尋日（10月16日）係「世界糧食日」，今年主題係「創新當下，糧安未來」。世界糧食日嘅意義，唔單止係講求人人得享溫飽，更重要嘅係確保所有人都有選擇「健康飲食」嘅權利。

呢份精神，正正同醫護行者一直推動嘅「健康公平」理念不謀而合！我哋相信，要真正實踐健康公平，其中一步就係要令街坊喺自己生活嘅社區入面，可以輕易搵到健康嘅食材，以及發掘到區內小店提供嘅健康選項（Healthy Options）。
為咗將呢個理念融入日常，醫護行者早前就聯同葵涌區內 4 間人氣小店合作，將健康小創意融入大家最熟悉嘅「掃街」同「手搖飲品」文化，證明健康飲食一樣可以好貼地、好美味！

今次我哋一齊打造嘅 #健康創新之選 包括：
🥭 多芒粉粿凍（無額外加糖）｜檸檬樹下 @ 葵涌廣場
🐚 清酒煮蜆｜滋味隊長 @ 葵涌廣場
🍊 西柚寒天百香果綠（無額外加糖）｜芋仙森 @ Life@KCC
🐟 照燒鯖魚配冷蕎麥麵｜Me Time @ Life@KCC

💡 你都可以出一分力！
我哋鼓勵大家由日常飲食發揮小創意，例如買手搖時「少糖/無糖」、食飯時「走醬/少汁」，從生活細節開始養成健康習慣。

除咗個人習慣，社區嘅力量都好重要！我哋想喺度呼籲各位葵青區街坊：平時有冇發現區內邊啲隱世小店有提供健康飲食選擇？或者知唔知邊度有買到平靚正健康食材嘅好去處？

歡迎留言或者 Inbox 報料俾我哋！等我哋收集多啲大家嘅情報，一齊去擴大屬於葵青區嘅「健康飲食社區地圖」，將有用嘅資訊開心 share 俾更多街坊受惠！🙌🏻

#醫護行者 #世界糧食日 #創新當下糧安未來 #健康公平 #健康創新之選 #葵青區健康參與 #葵涌美食 #葵廣掃街 #健康飲食社區地圖 #人人健康 #健康社區

16/10/2026

【跨機構社區連結員「真人圖書館」・延續】Annika: 我們是互相推動的最佳拍檔！📖

早前，由醫護行者、創不同實驗室 Make a Difference Social Lab、Health Hatch 健康籽及The Hong Kong Federation of Youth Groups (HKFYG) 香港青年協會合辦「社區連結員 真人圖書館」圓滿結束，活動旨在與業界及有志推動社會處方發展的單位，分享社區連結員（Link Worker）的實戰經驗。

Annika 是醫護行者培育的社區連結員，她認為社區連結員（Link Worker）的工作有別於單向的義工服務，而是較著重與街坊建立「共同目標」。

街坊阿娟是一直想改善健康，但身邊並沒人陪伴下缺乏動力。在Annika的介入下，最近她的 BMI 和體重都成功下降了！阿娟分享，知道有Annika在身邊陪伴和提點，確實讓她更有動力和恆心去做運動，管理自己的健康。

最有趣的地方是，阿娟的堅持和進步，竟然反過來深深激勵了 Annika，推動她自己也開始減重！兩個人看著同一個健康目標互相鞭策，真正做到了「同步進行」。這種互動，打破了傳統「助人者」與「受助者」的單向關係。

真人圖書館中，Annika 堅決要把 “Credit”（功勞）全數留給阿娟。她坦言，其實大家見面的次數不算頻密，也沒有硬性規定運動時間表。阿娟之所以能夠成功，全靠她自己付出努力，在沒有人監督的日子裡，依然堅持在家中做運動。

社區連結員的角色，不是要單向指導街坊，而是成為互相扶持的伙伴。看著街坊發掘出自身的潛能及重掌自己的健康，甚至反過來成為我們追求健康的動力，這就是推動「社會處方」最寶貴的價值。

大家都可以成為身邊人的「連結員」，繼續追縱我們，了解更多香港社會處方的發展及最新資訊。

#社區連結員 #社會處方 #真人圖書館 #醫護行者 #共同目標 #助人自助 #生命影響生命 #社區健康 #同行者

15/10/2026

【從議會到社區：樂見「社會處方」正式納入立法會議案，共建健康香港！】

昨日立法會大會上，霍啟剛 Kenneth Fok議員提出「共建健康活力香港，貢獻『健康中國』建設」議案。我們特別感謝 Grace Chan 陳文宜議員在修正案中，明確加入「針對決定健康的社會因素」及「推動社會處方，以強化基層疾病預防建設，全方位加強醫社合作」等關鍵倡議。

上星期，醫護行者團隊與霍啟剛議員及多位 G19 議員會面交流。會上我們分享了醫護行者對於讓香港如何變成一個健康城市，從而推動「健康中國」的願景。就著落實「社會處方」在港真正在社區實踐，我們很高興能與多個界別的議員交流當中的理念，並樂見議員們能迅速在咋日的議會中轉化為具建設性的政策討論。

醫務衞生局盧寵茂局長亦在總結發言中強調，醫療服務須由「治病」轉向「健康」為中心，並推動市民未病先防，成為自身健康的「第一責任人」。但要真正做到這一點，並回應霍議員提到「醫療、社福、文體、教育等部門各有各做」的痛點，資源與數據的互通是重中之重； 醫護行者期待未來能與盧局長深入交流，攜手推動政策落地，讓理念轉化為切實的社區支援。

醫護行者深信，要落實議案中提及的「政、民、商、醫、社、僱、多方協作」，香港極需一套系統化的工具，如具備香港處境下的「社會處方」機制與「社區連結員」（Link Worker）培訓及認受性等。透過整合及配對各界社區資源，將「決定健康的社會因素」（SDH）納入健康管理，才能從源頭減輕公營醫療負擔，真正做到「治未病」。

從多年的前線服務經驗中我們看到，單靠強調市民是健康的「第一責任人」並不足夠。現實中，長工時、低收入、隱蔽照顧者的困境、複雜的求助門檻，加上多元族裔的語言隔閡，無不成為市民促進自身健康的絆腳石。當缺乏適當的社區導航與支援，這些「第一責任人」往往難以有效觸及，甚至無法善用現有的公共健康服務。

醫護行者會繼續與不同界別議員交流，推動社會處方如何能夠善用現有政府及社區資源，望能更加準確地做到及早介入，持續跟進 ，從而減少政府公共開支中最大的醫療負擔。我們期待繼續與政府、立法會及各界夥伴將議會內的政策藍圖，轉化為每位市民都能實質受惠的社區健康承托網！

#醫護行者 #社會處方 #健康香港 #健康中國 #基層醫療 #醫社協同 #社區客廳 #立法會 #決定健康的社會因素 #健康公平

13/10/2026

【AM730專欄｜低碳衣食住行是社會健康的未來】

氣候變化聽起來很遙遠，但其實和我們每日的飲食息息相關。

范寧醫生今期《am730》專欄，分享了早前出席《新蔬飲食》食譜發布會的體會。前環境局局長黃錦星教授（星星局長）在會上送贈了三個關鍵詞：overlimit（超標）、overshoot（過衝）和 overdue（刻不容緩），更點出了一個驚人事實，香港人均肉類攝取量原來高踞全球首位。這種長期偏向「高碳」的飲食習慣，不但影響個人身體，更加劇了極端天氣與氣候危機。

面對氣候危機，低碳轉型已是刻不容緩的解方。范醫生在會上分享了醫護行者早前舉辦的「全港小學健康飯盒設計大賽」，正正是希望將這份理念落地。我們相信，要建立有營又低碳的飲食習慣，最直接有效的介入點，就是由家庭開始，從小培育。

健康的身體有賴「有營飲食」，而穩定的糧食供應則需要健康的地球環境。實踐低碳衣食住行，不單是為了減少碳排放，更是為了我們和下一代的健康未來。

想知道范寧醫生今期專欄分享了甚麼低碳轉型的見解？ 歡迎閱讀全文： 低碳衣食住行是社會健康的未來： https://www.am730.com.hk/column/%E5%81%A5%E5%BA%B7/2011492/%E4%BD%8E%E7%A2%B3%E8%A1%A3%E9%A3%9F%E4%BD%8F%E8%A1%8C%E6%98%AF%E7%A4%BE%E6%9C%83%E5%81%A5%E5%BA%B7%E7%9A%84%E6%9C%AA%E4%BE%86

每逢星期二，范寧醫生都會在《AM730》與大家分享診症室、社區健康和生命教育的故事，以文會友。

#醫護行者 #范寧醫生 #社會健康 #低碳飲食 #低碳生活 #氣候變化 #全港小學健康飯盒設計大賽 #有營飲食 #基層醫療 #環境保育

低碳衣食住行是社會健康的未來

12/10/2026

✨【同行者的力量】「我明白，因為我都經歷過」—— 精神「瞓」練員背後的最強後盾 ❤️

記得上回分享「精神瞓練員」小組嘅畢業喜悅嗎？一個成功嘅社區小組，背後除咗有團隊嘅努力，今次全賴有5位街坊「師兄師姐」化身最強後盾，傾盡全力支持新一屆組員！

作為曾經受睡眠困擾嘅過來人，佢哋今次唔單止係同行者，更「升呢」參與小組嘅籌備與運作！由前期「度橋」設計內容、帶領放鬆活動、落場一齊玩新興運動「三葉球」大展身手，去到毫無保留咁分享自己改善睡眠嘅「實戰經驗」與成敗，佢哋都全情投入，一步步扶持新組員。

有時候，千言萬語都唔及一句同路人嘅「我明白你」。呢份來自過來人嘅共鳴與經驗傳承，正正展現咗「助人自助」嘅強大力量，亦係小組中最溫暖、最珍貴嘅元素！🫂

👇 聽聽師兄師姐「升呢」後嘅深情分享：
💬 師兄 / 師姐 A：「今屆小組互動多咗，氣氛超級好！我自己都堅持將部電話放出去廳，真正做到自我放鬆。今次可以用自身經歷去鼓勵大家，見到大家有共鳴，好開心可以畀到力量其他人！✨」

💬 師兄 / 師姐 B：「今次帶大家玩三葉球同關心情緒，感覺好好玩！對我嚟講亦係溫故知新，時刻提醒返自己要放鬆心情。親眼見到大家嘅睡眠質素有進步，真係好有滿足感！🥰」

🤝 【誠邀社區夥伴 擴大同行力量】
醫護行者深信「朋輩支援」嘅漣漪效應。我哋期望將呢份由「好眠」帶動嘅同行力量，推廣至更廣闊嘅社區。

無論係場地贊助、活動協辦，或企業/機構合作，我哋都無任歡迎！誠邀各界機構與我哋結成夥伴，攜手為街坊建立更多充滿安全感嘅同行空間，一齊推動社區身心靈健康！🌟

歡迎 Inbox 留言，或致電聯絡我哋了解合作詳情！

#醫護行者 #朋輩支援 #同行者 #精神瞓練員 #社區合作 #社區同行 #睡眠健康 #身心靈健康 #助人自助 #過來人力量 #全人健康