03/06/2026
Dy gra emigrante gjejnë drejtësi në Gjykatën Supreme Greke
Lidhur me kriteret e ashpra për fitimin e shtetësisë greke, veçanërisht provokuese janë kriteret e të ardhurave, sidomos gjatë kohës së pandemisë, në një periudhë kur jeta profesionale, ekonomike dhe sociale ishte praktikisht e pezulluar.
Ky nuk është thjesht një kufizim, por një qëndrim i vetëdijshëm politik për përjashtimin e mijëra individëve për të pasur të drejta të barabarta politike dhe sociale.
Megjithëse vendimi i plotë nuk është publikuar ende, rezultati i tij është një kujtesë se demokracia nuk mund të funksionojë me regjime të cilat nuk veprojnë në të njëjtin nivel për të gjithë. Barazia para ligjit, mundësia e pjesëmarrjes politike dhe qasja në shtetësi për njerëzit që jetojnë, punojnë dhe bashkëformojnë shoqërinë nuk janë lëshime, ato janë detyra themelore demokratike.
Komuniteti Shqiptar në Greqi është në kontakt të vazhdueshëm më Lidhjen Greke për të Drejtat e Njeriut, ndjek me vëmendje zhvillimet e fundit për temën dhe po harton hapa të mëtejshëm në bashkëpunim me Forumin Grek të Emigrantëve dhe organizma të tjerë, për zgjidhjen e kushtit të padrejtë , antidemokratik dhe provokues të të ardhurave minimale vjetore për fitimin e shtetësisë greke. Të ardhurat ekonomike të emigrantit, nuk mund të jenë tregues i integrimit të tij në shoqërinë vendase.
Το Συμβούλιο της Επικρατείας δικαιώνει δύο υποθέσεις πολιτογράφησης και βάζει φρένο στα άδικα εισοδηματικά κριτήρια, ανοίγοντας τον δρόμο για πιο δίκαιη πρόσβαση...
