Cymraeg - Coleg Sir Benfro

05/11/2026

‘Dyn dyn ni'n edrych 'mlan i fynd â'n Llysgenhadon 2026/27 newydd i Gaerdydd fory i Ddiwrnod Croeso y Coleg Cymraeg Cenedlaethol, sef Cariad, Ellie a Leah. Llongyfarchiadau i chi’ch tair ar gael eich dewis!

Gwyliwch y gofod am luniau o’r diwrnod!

04/11/2026

Croeso i bennod gyntaf yr opera sebon newydd o Sir Benfro, sef 'Pobol y Coleg'. Diolch i Beth ac Alison am ffilmio heddiw. Maen nhw wedi cael diwrnod ofnadwy yn y coleg!! Bydd pennod newydd gyda mwy o bobl y coleg wythnos nesa.
Hwyl fawr!!

23/10/2026

Diolch yn fawr iawn i Caryl o Ganolfan Peniarth am ddod â stondin i Ŵyl Lenyddol ‘Dyma Dy Stori’ Coleg Sir Benfro ddydd Mawrth diwetha. Roedd yr ŵyl yn dathlu llenyddiaeth a llyfrau, y mwynhad a gawn wrth ddarllen a phŵer trawsnewidiol llenyddiaeth!
Rydyn ni'n gobeithio gwahodd Peniarth nôl yn nhymor y gwanwyn ar gyfer gweithdy Y Blynyddoedd Cynnar i’n myfyrwyr Gofal Plant!

Diolch o galon unwaith eto Caryl.

22/10/2026

Y Coleg yn cofio Aberfan

Ddydd Mercher yma, fe wnaeth ein myfyrwyr Lefel 3 Blwyddyn 1 Cynhyrchu a Chelfyddydau Perfformio nodi 60 mlynedd ers trychineb Aberfan drwy berfformiad theatr 'promenâd' pwerus gan fyfyrio ar ddigwyddiadau 21 Hydref 1966.
Roedd y perfformiad yn deyrnged deimladwy i'r 116 o blant a'r 28 o oedolion a gollodd eu bywydau, gan gynnig eiliad o fyfyrio a chofio.
Cofiwn Aberfan.

15/10/2026

Dathlu Diwrnod Shwmae Su’mae 2026!

Dyma staff Coleg Sir Benfro sy’n dysgu Cymraeg drwy gynllun Cymraeg Gwaith yn dathlu Diwrnod Shwmae Su’mae!
Mae’r diwrnod yn cael ei ddathlu bob blwyddyn ar 15 Hydref fel cyfle i roi cynnig ar ddefnyddio’r Gymraeg.

Gwyliwch y fideo: https://youtu.be/FuPLcvBCWT8
Cofiwch ddechrau pob sgwrs gyda“Shwmae?”

Enjoy the videos and music you love, upload original content, and share it all with friends, family, and the world on YouTube.

15/10/2026

Diwrnod Shwmae Hapus gan Staff a Myfyrwyr Coleg Sir Benfro, rho gynnig arni hefyd! Cofiwch ddefnyddio Shwmae heddiw 👋🏻

🏴󠁧󠁢󠁷󠁬󠁳󠁿🏴󠁧󠁢󠁷󠁬󠁳󠁿🏴󠁧󠁢󠁷󠁬󠁳󠁿

14/10/2026

Dyn ni'n brysur yn paratoi ar gyfer Ddiwrnod 'Shwmae Su'mae' yma yng Ngholeg Sir Benfro Cymraeg - Coleg Sir Benfro yn Hwlffordd. Yfory, bydd y tîm Cymraeg yn yr atriwm o 10 o'r gloch ymlaen yn gweini te, coffi, siocled poeth a phice ar y maen cartref (rhai traddodiadol a rhai siocled). Dewch i ddweud 'Shwmae' ac i gael sgwrs dros ddished.
Diwrnod Shwmae Su'mae Hydref 15ed
Coleg Cymraeg Cenedlaethol
Dysgu Menter Iaith Sir Benfro
Learn Welsh Pembrokeshire-Dysgu Cymraeg

08/10/2026

Fe wnaeth un arall o’n myfyrwyr dderbyn Gwobr y Gymraeg heddiw, sef Sofia, myfyriwr Gofal Plant Lefel 3 a hynny am gwblhau hanner ei chymhwyster yn Gymraeg yn ei blwyddyn gyntaf.

Yn gyn-ddisgybl Ysgol Caer Elen, mae Sofia wedi croesawu’r cyfle i allu parhau i ddefnyddio’r Gymraeg yn y Coleg a nawr yn mynd ymlaen i gwblhau ei hail flwyddyn yn yr un modd!

Rhagorol Sofia a llongyfarchiadau i ti – braf dy weld yn cynnal ac yn datblygu dy sgiliau Cymraeg yn barod am y byd gwaith ym maes gofal plant!

Yn y llun y mae ein Pennaeth, Barry Walters, Sofia a’i thiwtoriaid cwrs, Tracey a Tara.

Noddwyd y wobr hon gan Y Coleg Cymraeg Cenedlaethol.

21/09/2026

Dyma'r dosbarth Mynediad 1a yn ymarfer dweud brawddegau syml yn yr amser presennol. Oedd rhaid gwneud sawl take? Gewch chi ddyfalu!
Dw i'n gwylio.....dw i'n gyrru.. dw i'n darllen...
Am sbort, a diolch i bawb am gymryd rhan. Mae hi'n llawer o hwyl dysgu Cymraeg yn y coleg!
Cymraeg - Coleg Sir Benfro
Coleg Cymraeg Cenedlaethol

17/09/2026

Ymwelodd Dirprwy Faer Hwlffordd Adam Benson-Davies â’r Coleg wythnos diwetha gan ddod â rhodd eithaf anarferol i’n dysgwyr yn yr Academi Sgiliau Bywyd, sef penglog ceffyl!

Yn gynfyfyriwr Celf a Dylunio yma yn y Coleg, mae Adam yn defnyddio penglogau ac esgyrn mae e wedi’u canfod ledled Sir Benfro yn ei waith celf, ac mae’r penglog hwn ar fin ysbrydoli prosiect creadigol newydd!

Gall ddigwydd ymddangos yn ein dathliadau Mari Lwyd! Gwyliwch y gofod! 👀👀