10/11/2026
Ola Xarumeir@s 👋🪻💜
🌱 Crear espazos seguros: identidade, comunidade e liberdade.
Desde o proxecto Voces Moradas, entrevistamos a Sete Outeiros, para coñecer esta iniciativa que nace como un espazo de encontro, refuxio e liberdade para persoas trans e q***r.
A través desta entrevista, quixemos descubrir como xorde este proxecto, que significa construír un espazo verdadeiramente seguro e por que é tan importante contar con lugares nos que cada persoa poida ser quen é, sen ter que xustificarse nin esconder ningunha parte da súa identidade.
Falamos tamén de diversidade, enfoque descolonial, comunidade, natureza, autosuficiencia e benestar emocional. Porque reconectar coa terra, compartir saberes e construír outras formas de relacionarnos tamén pode ser unha maneira de coidarnos e de vivir con maior liberdade.
💬 Desde Voces Moradas, proxecto no que colabora o servizo de igualdade da Deputación de Pontevedra, seguimos creando espazos para escoitar, coñecer e dar voz a iniciativas e persoas referentes que, desde realidades diferentes, traballan por unha sociedade máis diversa, inclusiva e libre de discriminacións.
✨ Porque crear espazos seguros tamén é unha forma de apoderamento.
Grazas a Sete Outeiros por abrirnos as portas, compartir a súa experiencia e deixarnos coñecer este proxecto tan especial. 💜
+
