03/09/2026
O XOGO DOS ERROS…
Son uns cantos os que reflicte a doutrina da Xunta aplicada ou recollida neste artigo: o helicóptero pesado non está incorporado a pesar de que así o establece o contrato, mentres continúa nas instalacións de Salamanca, sendo convertido un helicóptero militar nun helicóptero para a loita contra os incendios; a avioneta de longo radio acaba de ser incorporada; as condicións climatolóxicas deste ano nada teñen que ver coas de 2025, como demostra o número de incendios e conatos iniciados respecto do número de incendios nos que foi necesaria intervención…
E o máis importante, a aposta da Administración segue alimentando un negocio do lume que só pensa na extinción e esquece os investimentos e as tarefas preventivas. Non se pode falar de éxito na loita contra os incendios e moito menos a golpe do mes de setembro. Non podemos esquecer que algúns dos períodos de maior gravidade foron precisamente estes dous meses seguintes, como ocorreu no ano 2017 e en moitos outros.
Respecto do persoal, é unha boa noticia o incremento de efectivos directivos. Falta agora que se mellore en materia de formación, estabilidade laboral e duración dos contratos e, sobre todo, que se reforce a súa dedicación ás tarefas preventivas durante todo o ano.
É unha pena que todas as liñas argumentais sigan centrándose na extinción, esquecéndose da prevención e da xestión do territorio, que non é o mesmo que limitarse unicamente á xestión forestal.
https://www.farodevigo.es/galicia/2026/09/03/musculo-fuego-galicia-medida-suficiente-133898968.html
La comunidad afrontó este agosto con «más de 7.000 efectivos» antiincendios y alrededor de «una treintena» de aeronaves, tras incorporar cuatro aparatos y 42 brigadas nuevas. La Xunta rechaza medir la capacidad del dispositivo por hectáreas y defiende un operativo «dinámico» que mueve medi...
