Asociación Xuventude do Navia

16/06/2026

Ola a todos/as!
Queremos que o Soa Suarna tamén se constrúa coa implicación da nosa xente e é por iso que poñemos en marcha un proxecto colaborativo para decorar Navia de cara ao festival do próximo 22 de agosto.
A idea é sinxela: crear entre todas e todos unha decoración artesanal que encha as rúas de cor e faga que o pobo forme parte do festival.

Podes participar como queiras: Facendo banderolas de ganchillo, utilizando retallos de tea ou creando calquera outra decoración que se che ocorra.
Non fai falta experiencia nin compromiso. Podes facelo na casa, ao teu ritmo, soa ou en compañía. O importante é participar e aportar o teu gran de area.

📍 Primeira xuntanza: 17 de xuño ás 19:00 h na Mercería de Marisol.

A partir de aí iremos xuntándonos unha vez ao mes para compartir ideas, tecer xuntas e seguir dando forma ao proxecto.

Anímate a participar! 💜

05/06/2026

Como moitos/as xa sabedes, este vrau volvemos encher Navia de música e cultura coa segunda edición do Soa Suarna.
Detrás deste proxecto hai mooooitos meses de traballo, ilusión e ganas de demostrar que tamén dende o rural se poden facer cousas grandes.
Somos un grupo de xente nova que quere seguir dinamizando Navia e poñendo en valor todo o que temos: a nosa cultura, a nosa lingua, a nosa música e a nosa terra.

Para axudarnos a facer realidade esta edición, acabamos de lanzar unha campaña de crowdfunding.
Para quen non coñeza este sistema, un crowdfunding é unha forma de apoiar un proxecto mediante pequenas achegas económicas. Entre moitas persoas, conseguimos facer posible algo que é de todos/as e para todos/as.

Hai dúas formas de colaborar:
Facendo unha achega libre da cantidade que cada persoa considere ou escollendo algunha das recompensas que preparamos. Deste xeito, ademais de colaborar co festival, levaredes un recordo desta edición.
A plataforma é completamente segura e cada persoa pode colaborar da maneira que lle resulte máis cómoda.
Se vos apetece botarnos unha man, podedes facelo aquí:
https://www.verkami.com/locale/gl/projects/43408-soasuarna-festival-cultural-en-navia-de-suarna?utm_source=ig&utm_medium=social&utm_content=link_in_bio&fbclid=PAb21jcASPTKxleHRuA2FlbQIxMQBzcnRjBmFwcF9pZA81NjcwNjczNDMzNTI0MjcAAac8pf5ln9JNgBY5j7VMLUoL7fOWqL0Pr9Q91-9DK9T2cMURmXa3duziok9IaA_aem_YWdncwBolD5u6u08wDMkfzrZuZva&brid=YWdncwGFkg47WA3Bt1HAAuArUDFe

E se non podedes colaborar economicamente, compartindo esta publicación tamén nos estades axudando moito 💛
Grazas por apoiar o SoaSuarna!!

SoaSuarna é un festival de balde con programación expandida que busca potenciar a cultura local e as iniciativas emerxentes de Galicia.

30/01/2026

Ola a todos/as!
Pasámonos por aquí para contarvos que despois de moito tempo, queremos volver recuperar o Entroido como se vivía antes na nosa zona, pasando polos pobos, visitando as casas e facendo troula.
Dende a Asociación Xuventude do Navia xunto coa Irmandade Naviega, organizamos esta actividade coa finalidade de pasar un día ben divertido.

Este ano as parroquia escollida é a de Villarpandín, e a ruta será así:
Quedaremos en Navia ás 16:00 h, e de aí sairemos no bus facendo paradas en:
Villarpandín - Virigo - Silvouta - Villaverde
En cada pobo baixaremos, pasearemos, visitaremos aos veciños/as e xunto á AC Deiquí que nos acompañará coa súa música no percorrido trataremos de pasalo o mellor posible.

Ao rematar a ruta, volveremos para Navia, onde continuaremos cunha ronda polo pobo e polos bares.

💡 Moi importante:
O autobús é gratuíto, pero as prazas son limitadas. Para apuntarvos, podedes escribir ao noso correo electrónico ou falar directamente con calquera membro da asociación.

Gustaríanos moitísimo que nos acompañárades.

(Agradecemento especial ao GDR polo seu apoio financiando tanto a asociación cultural como o autobús).

30/01/2026

Compartímosvos máis información do que era aquí o antroido. Todo o que nos comentedes a maiores será xenial para coñecer máis a nosa cultura e tradicións :)

09/12/2025

Ola a todos/as!
Levades uns días preguntándonos se este Nadal non íamos facer nada… (pensamos que tiñades máis confianza en nós, a verdade). Pois non podemos esperar máis para contárvolo:

O 27 de decembro ás 17:00h, na praza, dará comezo a nosa primeira Gymkana Naviega.
Sabemos que a hora igual non é a máis apetecible (si, somos conscientes da siesta), pero prometemos que vai merecer a pena levantarvos do sofá.
Vide con ganas de pasalo ben, escollede para os equipos aos máis listiños/as, aos máis divertidos… ou aos que simplemente non se perden un sarao.
E preparádevos, porque esta vez hai premio de verdade. Si, si, non falamos do diploma das outras veces, que era moi digno, pero isto vén máis potente.

E por último (pero importantísimo), queremos facer fincapé en que esperamos ver aos equipos que nos levan acompañando sempre nos Quizz.
As probas, non o imos negar… fixémolas pensando un pouco en vós 😏
Gañarán os de sempre? Verémolo!

IMPORTANTE: Precisamos que vos anotedes para poder organizarnos e preparar o material. (A cousa é seria).
Esperámosvos!

17/08/2025

Fai xusto dous anos subíamos as redes a nosa primeira publicación como Xuventude do Navia. E facíamolo compartindo unhas xornadas que poñían en valor a riqueza natural e cultural dos Ancares.

Dous anos despois, abrimos de novo un espazo de encontro e aprendizaxe a través das Xornadas Formativas en Educación na Natureza, que se levarán a cabo en Navia os días 27 e 28 de setembro.

Estas xornadas nacen do interese de poñer en valor o noso. A natureza, o rural, o espazo no que vivimos e que ás veces sentimos que non ten o recoñecemento que merece.

-As actividades e o aloxamento serán gratuítas, pero as prazas son limitadas.
-As inscricións estarán abertas do 18/08 ao 12/08 en: [email protected] (as prazas cubriranse por orde de entrada).

05/06/2025

05/06/2025

Ola! Por aquí vos traemos un novo obradoiro, esta vez de creación de xoias con residuos recollidos na costa galega. Un xeito creativo e consciente de darlle unha segunda vida ao lixo mariño.

A idea é xuntarnos para aprender técnicas sinxelas e facer pezas ben chulas :) pero para isto precisamos saber cantas persoas estarían interesadas, así que, se che gustaría participar ponte en contacto con nós.

Vémonos!

19/05/2025

✨ Este sábado 24 de maio temos planazo no Alargo de Navia de Suarna!
Ás 11:30h comeza o obradoiro de bordado da man de , que nos ensinará a bordar dándolle outra vida a roupa🧵💫

E se quedaches sen praza… non te preocupes! Teremos tamén un mercadillo de intercambio de roupa ♻ Ven con prendas que xa non usas e intenta cambialas por outras!

As prendas que non se troquen poderán ser doadas, para que atopen unha nova vida noutro fogar 💚

💥 E atención! Xa está aberto o crowdfunding do Soa Suarna! Podes colaborar no seguinte enlace 👉 https://vkm.is/soasuarna

Anímaste a vir? Vémonos en Navia!

25/04/2025

Por aquí vos deixamos o vídeo resumo da III edición do Quiz Naviego 🧠❔

Grazas a todas as persoas que vos achegastes a compartir, unha vez máis, este bo rato con nós. É un gustazo sentir que estas cousiñas que facemos teñen tan boa acollida 🤍

Agradecemento especial ás que participades edición tras edición e, desta vez, por cuestións de aforo, decidistes ceder o voso sitio para facilitarnos as cousas 🫂

Aproveitamos tamén para recordar que estamos desexando escoitar as vosas propostas. Calquera actividade, calquera idea, sexa da temática que sexa, somos todo oídos!