Asociación veciñal do Saviñao

Inicio
España
Lugo, Galicia
Asociación veciñal do Saviñao

Cómo llegar Página web Contactar con la organización

Queremos mellorar as condicións de vida das persoas que viven no concello do Saviñao. f) A utilización da asemblea como foro de análise e toma de decisións.

Somos independentes de calquera partido político ou sindicato así como de calquera crenza ou relixión. A asociación rexerase segundo os seguintes principios:
a) O respecto pola dignidade, igualdade e liberdade das persoas baseado na acción solidaria entre veciños e veciñas. b) A busca do beneficio colectivo e social por diante de calquera interese individual ou privado. c) A integración das distintas sensibilidades sen discriminación de s**o, raza ou cultura. d) A defensa permanente da xusticia social e do ben común ante decisións autoritarias e caciquís das autoridades políticas e sociais. e) O respecto e a potenciación do noso medio natural, fomentando o desenvolvemento sostible da nosa economía para frear o progresivo abandono que sofre o noso concello. Artigo 5º.- 1.- Son fins principais da asociación:
a) Impulsar a cohesión social e o desenvolvemento de todas as parroquias do Saviñao. b) Asesorar e defender os dereitos cívicos e servir de vehículo das opinións dos habitantes do concello. c) Propiciar estudos e alternativas que potencien os intereses socio-económicos, culturais e estruturais do Saviñao. d) Facer seguimento continuado da acción de goberno municipal para garantir unha eficaz xestión dos recursos públicos e do seu uso no ben común xeral. e) Estudar, divulgar e defender o patrimonio histórico-artístico; fomentar a cultura en termos xerais e apoiar todas as iniciativas a este respecto que xurdan no ámbito veciñal. f) Protexer, vixiar e mellorar o noso contorno natural e responder aos problemas ambientais do concello ou da comarca co desenvolvemento de iniciativas. g) Promover actividades encamiñadas á formación e cualificación profesional dos habitantes do concello no ámbito produtivo. h) Facilitar a participación xuvenil na vida socio-cultural. i) Fomentar a integración social e a mellora do nivel de vida dos nosos maiores, para conseguir que poidan desenvolver a súa existencia completa no seu propio concello. j) Esixir o cumprimento rigoroso da normativa vixente en materia de urbanismo, intentando impedir o feísmo e o deterioro da nosa paisaxe. k) Solicitar a participación na organización dos servizos básicos do concello (consello escolar municipal, consello de sanidade…), así como en plenos e comisións de goberno segundo estableza a lexislación. l) Esixir o cumprimento da lexislación en canto a información sobre comisións de goberno, plenos… e a utización dos medios públicos municipais, como auditorio, biblioteca e casa da cultura. Os beneficios que se obteñan por calquera concepto destinaranse exclusivamente ó cumprimento destes fins, sen que se poidan repartir entre os asociados nin outras persoas físicas ou xurídicas con interese lucrativo

04/11/2026

Recurrió ante la Valedora do Pobo para que medie en el conflicto, que se alarga varios años, y propone que la administración local "expropie el terreno y no ...

02/11/2026

CONCENTRACIÓN EN ESCAIRÓN POLA FALTA CONTINUADA DE MÉDICOS.
Boas, estimados veciños. Poñémonos en contacto con todos vos para informarvos de que se creou unha Plataforma Pola Sanidade Pública no Saviñao. Motivado pola situación sanitaria que estamos a padecer dende hai uns 6 meses, coa presenza fixa de unha soa médica en Escairón, coa carencia de pediatra e co risco que elo supón para a saúde de todos os veciños do municipio, creouse esta plataforma aberta a todos.
Invitámosvos a participar nela como veciños e afectados que somos todos os habitantes do Saviñao.
A problemática é grave e o futuro incerto. Enterámonos de que tamén se vai ir a médica Ana Viana e que a plaza de Currelos corre perigo en canto se xubile o médico actual.
Informarvos que o próximo sábado 7 de novembro terá lugar unha Concentración de protesta díante do centro de saúde de Escairón, será ás 12 do mediodía e contamos coa presenza de todos.
Un cordial saúdo

30/10/2026

SOLICÍTASE A RETIRADA DOS PLÁSTICOS MARCADORES DA TRAIL HEROICA RIBEIRA SACRA QUE COLOCARON AO LONGO DA RUTA DE SENDEIRISMO.

No seno da asociación recibíronse queixas de usuarios da ruta de sendeirismo PR-G 162 que procedemos a trasmitir e notificar ao Concello.
Trala celebración da carreira anual Trail Heroica Ribeira Sacra que discorre en boa parte pola ruta sendeirística PR-G 162, comprobouse que dende Belesar ata Guítara en Pantón deixaron por todo o recorrido numerosas marcas de plástico colgando das árbores ou en peches de fincas particulares. Non entendemos o motivo da colocación destes longos plásticos cando a ruta está perfectamente sinalada. Este feito vense repetindo cada ano e é unha actitude lamentable xa que o plástico tarda anos en degradarse e supón unha agresión medio ambiental.
Por este motivo pedímoslle ao Concello do Saviñao que se dirixa á organización chantadina responsable da carreira ( xa que foron quenes os colocaron e suponse que co permiso do Concello ) para que proceda de inmediato á retirada de todas as marcas, tanto no recorrido polo Saviñao como polo de Pantón. Ou ben que se dé orden aos operarios do propio concello do Saviñao de que as retiren.
Polo coidado e conservación da única e moi transitada ruta de sendeirismo que ten o noso municipio e polo respeto ao medio ambiente, esperamos unha pronta actuación reparadora.
Escairón, a 26 de outubro de 2024

08/10/2026

CURSOS DE FORMACIÓN ON LINE PARA TRABALLADORES.

Informarvos de que o Ministerio de Traballo e Economía Social impulsa unha nova convocatoria de formación dirixida a persoas traballadoras de Galicia, para que poidan ampliar os seus coñecementos e competencias de maneira 100% gratuíta.

Trátase dunha oferta de máis de 40 cursos especializados en ámbitos como comercio, educación, sanidade, loxística, hostalaría ou xestión empresarial, deseñados para favorecer a actualización profesional, a adquisición de novas competencias e a adaptación ás necesidades actuais do mercado laboral. Todos os cursos se imparten en modalidade en liña e sen horarios fixos, permitindo que cada participante poida organizar a súa formación segundo a súa dispoñibilidade.

Achegámosvos unha nota informativa na que se detallan todos os aspectos do programa. Tamén podedes consultar a oferta formativa completa na web: https://www.cursosfemxa.es/estatal-galicia

O proxecto está subvencionado ao 100%, polo que a formación non supón ningún custo para as persoas participantes nin para as empresas. Non se trata de formación bonificada, polo que non consume créditos de formación e tampouco é necesario realizar ningún trámite por parte da empresa, xa que os cursos son solicitados directamente polas persoas interesadas.

Formación online dirigida a trabajadores/as por cuenta ajena y autónomos/as de cualquier sector laboral. ✔Inicio Próximo. ¡Apúntate ahora!

25/09/2026

CURSO DE PRIMEIROS AUXÍLIOS

En Monforte o 17 de outubro

01/08/2026

A través das redes sociais o concello informa de que a situación agravouse recentemente, tras a baixa da única facultativa restante, que coincide ademais co aumento de poboación estival e, por tanto, cun incremento na demanda. “A súa baixa estase a cubrir con días soltos e sen unha previsió...

18/07/2026

A Devesa de Escairón é un elemento patrimonial natural urbano datado nuns 400 anos de antigüidade e que goza da admiración e do aprezo de moitas xeracións que medraron nel. Segundo a asociación veciñal xa o anterior alcalde “cerrou cunha balaustrada igual que a actual a zona verde e deporti...

18/07/2026

DATA DE CELEBRACIÓN DO DÍA DO VECIÑO E INVITACIÓN A ACODIR Á FEIRA DE ARTESANÍA E ELABORACIÓN DE PRODUTOS DA TERRA.

Un ano máis, dispoñémonos a celebrar unha nova edición do Día do Veciño, que terá
lugar o vindeiro 18 de outubro de 2026, data na que conmemoraremos o XXIV Día do Veciño.

Como é tradición, organizarase unha Feira-Exposición de Artesáns e Vendedores de Produtos de
Lugo, aberta á participación de persoas artesás, creadoras e pequenas iniciativas comerciais dos barrios e das asociacións da cidade.

Se na túa Asociación ou no teu barrio hai alguén interesado en participar nesta Feira-Exposición,
agradeceriámosche que lle facilites esta información e que se poña en contacto connosco chamando aos teléfonos:

982 203721 982 801692

O horario de atención é de luns a venres, de 9:00 a 14:00 horas.

Dirección

R/Pardo Bazán Nº 1 Baixo
Lugo
27540

Página web

http://aavvdosavinhao.org/nova

Notificaciones

Sea el primero en enterarse: le enviaremos un correo electrónico cuando Asociación veciñal do Saviñao publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.