Barrio Da Residencia

30/09/2026

A Plataforma Veciñal Barrio da Residencia reclama actuacións urxentes no mantemento da correcta sinalización horizontal das prazas de aparcamento reservadas para mobilidade reducida (PMR) no entorno do CIS (centro integral de saúde).

Dende a Plataforma lamentamos a falta de mantemento neste tipo de sinalización, que debe cumprir estrictamente o recollido na Orde TMA/851/2021, que desenvolve o documento técnico de condicións básicas de accesibilidade en espazos públicos.

O espazo completo da praza debe ir pintado cun fondo azul uniforme (preferiblemente azul Pantone 294) para que sexa perfectamente identificable de lonxe. A falta de mantemento no coidado do estado das prazas provoca que moitas delas xa non sexan visibles nin recoñecidas polos usuarios das mesmas e polo resto de condutores que deben respectar o uso das mesmas por parte dos pacientes que a diario fan uso do CIS.

Un destes casos significativo é a praza existente na intersección entre a rúa Bidueiro e a rúa do Sabugo, na contorna do CIS.

Dende a Plataforma veciñal tamén evidenciamos unha ausencia total de repintado dos pasos de peóns, o que constitúe un risco para a veciñanza que a diario camiña e circula polo barrio.

A Plataforma Veciñal Barrio da Residencia considera que o arranxo e mantemento da sinalización horizontal do barrio permitiría mellorar significativamente a calidade do espazo público, favorecendo unha mobilidade máis segura e cómoda, para a propia veciñanza e os usuarios do CIS.

23/09/2026

A Plataforma Veciñal Barrio da Residencia reclama o amaño urxente e inmediato da fuga da rede de augas na Rúa Pintor Pacios.

O cruce de Pintor Pacios coa rúa da Pomba leva preto de dous meses valado e cun burato aberto, sen que avancen os traballos de reparación.

A plataforma veciñal reclama ao Concello máis celeridade na reparación das incidencias da rede de augas.

A Plataforma Veciñal Barrio da Residencia reclama o arranxo urxente da fuga de auga da rúa Doutor Pacios, no cruce coa Rúa da Pomba, que leva preto de dous meses valada e cun burato aberto sen que se traballe na súa reparación, o que supón un problema no día a día das veciñas e veciños que se desprazan por esta zona, xa que os cascallos ocupan o paso de peóns e impiden o uso na comunicación a pe das dúas rúas.

A Plataforma Veciñal Barrio da Residencia considera que o remate desta obra permitiría recuperar este espazo público que leva meses inutilizado, mellorando significativamente a calidade do espazo público, favorecendo unha mobilidade máis segura e cómoda, así como unhas condicións máis axeitadas para a actividade económica do barrio.

A plataforma insta ao Concello de Lugo a actuar con urxencia para acometer as obras necesarias, garantindo así a seguridade e o benestar da veciñanza, así como o correcto funcionamento dos servizos e negocios da contorna.

A plataforma insta ao Concello de Lugo a actuar con urxencia para acometer as obras necesarias, garantindo así a seguridade e o benestar da veciñanza.

17/09/2026

A Plataforma Veciñal Barrio da Residencia reclama actuacións urxentes no mantemento e conservación das rúas e beirarrúas do Barrio da Residencia.

Lonxe de que o Concello arranxara estas actuacións urxentes demandadas pola veciñanza tras a denuncia do pasado 30 de maio, a situación segue empeorando xa que, ademais das zonas que non se repararon, existen novas afectacións detectadas, como a da presente foto (intersección entre a rúa Doutor Ochoa e Rúa da Saúde).

Lamentamos o tempo que levan a deteriorarse, sen que se adopten medidas efectivas para a súa reparación, o que constitúe un risco para os peóns e os vehículos que a diario camiñan e circulan polo barrio. Consideramos un despropósito que se organicen actividades en espazos públicos onde o acceso ou mobilidade nas mesmas se ve comprometido por un deterioro manifesto das mesmas por unha evidente falta de mantemento.

En concreto, a entidade veciñal fai fincapé na zona de intersección entre a Rúa Doutor Ochoa e Rúa da Saúde, que coincide cun paso de peóns, polo que os cascallos depositados na estrada dificultan o paso de cadeiras de rodas, ou dos propios peóns que cruzan a diario esta zona que da acceso peonil ao CIS (centro integral de saúde) e que tamén da acceso a unha zona na que se levan organizado varios eventos para a mocidade da zona, podendo poñer en risco a súa integridade, por unha escordadura ou incluso ao saltar algún cascallo co tráfico rodado.

A Plataforma Veciñal Barrio da Residencia considera que o arranxo desta zona permitiría mellorar significativamente a calidade do espazo público, favorecendo unha mobilidade máis segura e cómoda, para a propia veciñanza e os usuarios do CIS.
A plataforma insta ao Concello de Lugo a actuar con urxencia para acometer as obras necesarias, garantindo así a seguridade e o benestar da veciñanza.

01/09/2026

𝐀 𝐏𝐥𝐚𝐭𝐚𝐟𝐨𝐫𝐦𝐚 𝐕𝐞𝐜𝐢𝐧̃𝐚𝐥 𝐁𝐚𝐫𝐫𝐢𝐨 𝐝𝐚 𝐑𝐞𝐬𝐢𝐝𝐞𝐧𝐜𝐢𝐚 quere aclararlles aos veciños e veciñas que non recibe nin recibiu subvencións de ningún organismo público e, polo tanto, non lle debe obediencia a ningún cargo institucional nin partido político. Tampouco é a nosa intención servir de atrezo ou decorado a ninguén.

A motivación dos integrantes desta plataforma é mellorar as condicións de habitabilidade dos nosos veciños e veciñas e facer que a vida neste barrio sexa un chisco máis gratificante.

Aclarar tamén que a nosa plataforma non ten nada que ver con ningunha outra organización veciñal das que pululan polos arredores. Si que é certo que entre as nosas filas hai xente que formou parte doutras organizacións veciñais, algo que a todos e todas os que formamos parte desta plataforma nos é indiferente. Tan só pedimos un mínimo de respecto, educación e lealdade.

Aquí vai outra mostra gráfica máis de cómo se está deteriorando o noso barrio.

19/08/2026

https://lugoxa.com/news/a-plataforma-barrio-da-residencia-alerta-do-estado-dunha-parcela-e-reclama-a-sua-limpeza-urxente/132207/

O colectivo veciñal advirte da acumulación de vexetación entre Doutor Gasalla e a rúa das Anduriñas e considera que pode supoñer un risco para os edificios próximos

08/08/2026

A 𝐏𝐋𝐀𝐓𝐀𝐅𝐎𝐑𝐌𝐀 𝐕𝐄𝐂𝐈𝐍̃𝐀𝐋 𝐁𝐀𝐑𝐑𝐈𝐎 𝐃𝐀 𝐑𝐄𝐒𝐈𝐃𝐄𝐍𝐂𝐈𝐀. segue a reivindicar melloras urxentes para o barrio e denuncia o abandono no mantemento ao que o Concello somete ás beirarrúas da rúa da Saúde.

Lonxe de que o Concello arranxase estas actuacións urxentes demandadas pola veciñanza tras a denuncia do pasado 30 de maio, a situación segue a empeorar. Ademais das zonas que non se repararon, detéctanse novas afectacións, como a que se amosa na presente fotografía: na intersección entre a rúa Doutor Ochoa e a rúa da Saúde.

Lamentamos o tempo que levan deteriorándose sen que se adopten medidas efectivas para a súa reparación. Esta situación constitúe un risco para as persoas peóns e para os vehículos que a diario transitan polo barrio.

Queremos facer fincapé na zona de intersección entre a rúa Doutor Ochoa e a rúa da Saúde, que coincide cun paso de peóns. Os cascallos depositados na calzada dificultan o paso de cadeiras de rodas e dos propios peóns que cruzan a diario esta zona, que dá acceso peonil ao CIS (Centro Integral de Saúde).

Dende a Plataforma Veciñal Barrio da Residencia consideramos que o arranxo desta zona permitiría mellorar significativamente a calidade do espazo público, favorecendo unha mobilidade máis segura e cómoda tanto para a veciñanza como para as persoas usuarias do CIS.

Por todo o anterior, a plataforma insta ao Concello de Lugo a actuar con urxencia para acometer as obras necesarias, garantindo así a seguridade e o benestar da veciñanza, así como o correcto funcionamento dos servizos e negocios da contorna.

P. V. Barrio da Residencia.

07/08/2026

𝐏𝐋𝐀𝐓𝐀𝐅𝐎𝐑𝐌𝐀 𝐕𝐄𝐂𝐈𝐍̃𝐀𝐋 𝐁𝐀𝐑𝐑𝐈𝐎 𝐃𝐀 𝐑𝐄𝐒𝐈𝐃𝐄𝐍𝐂𝐈𝐀.

A Plataforma Veciñal Barrio da Residencia vén de denunciar o destrozo do céspede do xardín da Fonte dos Ranchos por parte dun número importante de xabarís na madrugada do 4 ao 5 de agosto.

Desde a Plataforma alertamos de que a zona afectada está rodeada por dúas das vías de maior tráfico na entrada e saída da cidade, polo que constitúe un risco serio de accidentes de tráfico para os vehículos que circulan polo barrio ou que acceden á cidade desde a zona norte ou oeste.

Desde a Plataforma Veciñal Barrio da Residencia consideramos insostible a inacción da
𝐗𝐮𝐧𝐭𝐚𝐧 𝐝𝐞 𝐆𝐚𝐥𝐢𝐜𝐢𝐚 e do
𝐂𝐨𝐧𝐜𝐞𝐥𝐥𝐨 𝐝𝐞 𝐋𝐮𝐠𝐨 ante os constantes danos provocados polas crías de xabarís e as súas nais.

Supoñen un problema moi importante para a seguridade cidadá, xa que poden provocar ataques en defensa propia se se senten ameazados polas mascotas ou polos animais da veciñanza cando os sacamos a pasear á noitiña.

Ademais, son un risco de transmisión de enfermidades. Non debemos esquecer que se trata de animais salvaxes que viven en liberdade sen controis sanitarios.

“O xardín destrozado polos xabarís esta semana foi a zona de xogos, nunha festa infantil que tivo lugar o pasado 22 de xuño. Isto é indicativo do risco sanitario que pode supoñer compartir espazos de xogo no mesmo lugar no que os animais salvaxes desenvolven a súa actividade diaria, onde comen e defecan”.

Desde a Plataforma Veciñal alertamos e denunciamos esta situación para que a
𝐗𝐮𝐧𝐭𝐚𝐧 𝐝𝐞 𝐆𝐚𝐥𝐢𝐜𝐢𝐚, como administración competente, en colaboración co 𝐂𝐨𝐧𝐜𝐞𝐥𝐥𝐨 𝐝𝐞 𝐋𝐮𝐠𝐨 adopte as medidas urxentes necesarias para evitar que suceda unha traxedia no noso barrio e en ningún outro barrio da cidade de Lugo.

30/06/2026

Los usuarios buscamos servicios personalizados. Es un plus que juega a favor de quien los ofrece. Pero hay casos en los que esa exclusividad puede tener difí...

30/05/2026

A plataforma veciñal denuncia a acumulación de vehículos abandonados e o deficiente mantemento dos espazos públicos da zona

19/05/2026

Como é posible tanta xenreira e autoodio a lingua da tua terra.
Unha lingua romance que existía antes que o español e o portugués.

El párroco de las parroquias de Momán y Labrada, en el municipio lugués de Begonte, ha alzado la voz contra la decisión de la alcaldesa de Lugo, Elena Candia, de eliminar el área específica ...