31/10/2026
O Venres Cultural Cedofeita deste mes de outubro estivo dedicado á presentación do cómic Castelao en Pontevedra (1916-1936) da autoría de Miguel Pérez Ramudo.
Miguel Pérez Ramudo (Cambados 1996) é un apaixonado dos medios gráficos. Conta cunha notable experiencia na elaboración de biografías de personalidades da cultura galega utilizando viñetas. No ano 2020 obtivo o primeiro premio Xuventude Crea na categoría de banda diseñada.
O cómic Castelao en Pontevedra (1916-1936) estrutúrase como un diario no que o protagonista vainos levando polos momento máis salientables da súa vida: a Asemblea Nacionalista de Lugo (1918), a viaxe a Francia, Bélxica e Alemaña (1921), a publicación do álbum Nós (1931), o desterro en Badaxoz (1934), a súa elección como deputado, a aprobación do estatuto de Galicia, o tráxico levantamento militar e o exilio.
Agora cómpre deleitarse coa lectura e g***r dunhas ilustracións preciosistas que destacan polo coidado esmerado nos detalles e un refinamento técnico que consegue unha estética de gran beleza visual.
