Asociación sociocultural Cedofeita

31/05/2026

A maxia foi a protagonista do "Venres Cultural de maio" e contou coa participación do público asistente.
Moitas grazas a todos eles e a Javier Muro polos momentos vividos.

18/05/2026

13/05/2026

O próximo día 29, no decorrer do “venres cultural” dedicado á maxia, a Asociación Sociocultural Cedofeita anunciará a posta en funcionamento da “Biblioteca Aberta Cedofeita”, unha iniciativa que pretende poñer a disposición do público en xeral unha serie de libros de variada temática dirixidos a todas as idades.
A andaina desta biblioteca aberta comeza cun fondo formado por exemplares procedentes da propia asociación e de doazóns de membros da directiva, socios e simpatizantes, fondo que se irá ampliando no sucesivo con outras achegas.
A súa sede será a cafetería da Casa da Cultura de Lérez, en horario que esta permaneza aberta.
Os libros poderán lerse ou consultarse no propio local ou levalos para a casa en préstamo, neste caso cada usuario poderá retirar ata tres exemplares simultaneamente e terá un máximo de 30 días para devolvelos
Malia que a organización da Biblioteca Aberta corresponde á Asociación Cedofeita, o seu funcionamento será xestionado directamente polos propios usuarios que se aterán a unhas sinxelas normas: cada persoa interesada poderá escoller os libros que desexe (sen superar o número establecido) no andel correspondente e, unha vez lidos, devolveraos en bo estado e colocaraos no mesmo lugar onde os retirou, procurando non superar o prazo fixado.

25/04/2026

O Venres Cultural do mes de abril tivo lugar na Casa da Cultura de Lérez unha conferencia do recoñecido sindicalista Guillermo Fontán Feijoo, centrada na defensa das pensións e dos servizos públicos.

O sindicalista cunha longa traxectoria de compromiso co movemento obreiro e asociativo en Galicia tratou non só a defensa das pensións, senón tamén a situación e retos futuros da sanidade, do ensino e doutros servizos públicos.

Fontán Feijoo fixo un chamamento especial á mobilización cidadá para garantir o seu carácter público e de calidade.
O noso agradecemento.

28/03/2026

Aquí vos deixamos unha mostra da música e das voces que resoaron onte na .

27/03/2026

O mes de marzo remata en Lérez cun concerto da Coral Polifónica O Chopo que, baixo a dirección do mestre Julio Vázquez Martínez, ofreceu un repertorio no que se incluiron pezas tradicionais galegas como Xa non sei cantar, Catro vellos mariñeiros ou Velaí vai.

A Coral nace no ano 2005 no seo do Complexo Hospitalario de Pontevedra baixo a dirección de Manuel Rey Otero.

Ao longo destes anos vén realizando actuacións en escenarios da capital pontevedresa, así como nas festas da Peregrina e no ciclo de panxoliñas na rúa.

Ademais, ten celebrado concertos no Mosteiro de Poio e nos auditorios de Santiago, Vilagarcía, Cangas, Serra de Outes, e participado en Festivais de habaneras e panxoliñas.
O noso agradecemento a todxs eles por unha velada tan fermosa.

28/02/2026

O venres 27 na , en colaboración coa editorial , presentouse o poemario “Conecta co íntimo” de , estradense de adopción que consagrou a súa vida ao ensino ao mesmo tempo que participaba en movementos de renovación pedagóxica, literarios ou etnográficos. É destacable tamén a súa faceta de escritor, cuxas obras abranguen a literatura infantil e xuvenil, biografías, didáctica,
narrativa e poesía, así como colaboracións en varios xornais e revistas.
Podemos concluir afirmando que David é, un fornecedor de fantasías e un animador de esperanzas.
Estivo acompañado por Miriam Ferradáns, poeta bueuésa, premio nacional “Xosé Mª Pérez Pallaré”; Carlos Solla, escritor e etnógrafo; Xosé Álvarez, investigador especializado en memoria democrática.

22/02/2026

Un luxo este venres cultural de febreiro! Non o perdades!