¿Cuál es el horario de apertura?

Lunes 09:30 - 13:30 Martes 09:30 - 14:00 Miércoles 09:30 - 13:30 Jueves 09:30 - 14:00 Viernes 09:30 - 15:00

Grupo Naturalista Hábitat

Inicio
España
A Coruña, Galicia
Grupo Naturalista Hábitat

Cómo llegar Página web

Estudando para conservar dende 1979.

O Grupo Naturalista Hábitat, entidade sen ánimo de lucro e politicamente independente, é unha das asociacións conservacionistas máis activas de Galicia. Desde a súa fundación na Coruña en 1979 por un grupo de naturalistas entusiastas, ven realizando diversos estudos sobre o medio natural galego, xunto numerosas campañas de divulgación do noso patrimonio natural, contribuíndo a xerar en Galicia unha corrente de preocupación polo medio natural. Dende os seus inicios, Hábitat sempre foi fiel a unha consigna básica: traballar polo estudo e a conservación dos espazos naturais e da biodiversidade de Galicia, dende un enfoque naturalista baixo criterios científicos, baixo a perspectiva de que non se pode protexer aquelo que non se coñece.

04/11/2026

Este domingo, 8 de novembro realizaremos a Maratón da Reserva de Biosfera Mariñas Coruñesas e Terras do Mandeo .MARINASBETANZOS . Desde as 00:00 ata as 18:00 h, os equipos sairán ao campo para localizar o maior número posible de especies e poñer a proba os seus coñecementos sobre a nosa avifauna.

Non necesitas ser experto en aves para participar: só ganas de aprender, de saír ao campo e de g***r dunha xornada diferente na natureza. Ao rematar, reuniremos todos os equipos na Sede da Reserva de Biosfera, en Abegondo, para facer o reconto e descubrir quen consegue o maior número de especies nesta XIII edición.

A actividade é de balde e aberta a todo o público. Anímate a participar e celebra connosco o Día Mundial das Aves!

Tedes toda a información na nosa web: https://goo.su/BxanfU

Nesta edición contamos co apoio de COAWA xunto con Emalcsa

04/11/2026

O pasado sábado 31 de outubro, durante a xornada de anelamento científico de aves que realizamos no barrio dos Rosais, na Coruña, dentro do programa Hábitat Protexe e coa colaboración do Grupo de Anelamento Hércules, tivemos a oportunidade de capturar e estudar dous exemplares de bico de lacre (Estrilda astrild), unha pequena ave que non pasa desapercibida pola súa característica máscara vermella e o seu delicado aspecto.

O bico de lacre é unha especie orixinaria da África subsahariana que se alimenta principalmente de pequenas sementes, polo que adoita frecuentar zonas abertas con vexetación herbácea, prados e áreas con matogueira. É unha ave gregaria, que acostuma formar pequenos grupos e que pode observarse buscando alimento entre as herbas.

A súa presenza en Galicia débese á introdución da especie fóra da súa área de distribución natural, principalmente a partir de exemplares escapados ou liberados en catividade. Grazas á súa capacidade de adaptación, conseguiu establecer poboacións en diferentes lugares da Península Ibérica, especialmente en ambientes favorables con abundancia de alimento e vexetación.

Por iso, coñecer as especies que aparecen no noso territorio e seguir a evolución das súas poboacións é fundamental para comprender os cambios que se producen nos ecosistemas e contribuír á conservación da nosa fauna.

04/11/2026

O vindeiro venres 6 de novembro, ás 20:00 h, dentro do ciclo Viaxes Naturalistas, achegarémonos a Borneo coa charla «Borneo: biodiversidade extrema», da man de Óscar Sampedro Moreira, biólogo galego, socio de G. N. Hábitat e apaixonado pola fotografía de natureza.

A través da súa experiencia de campo e das súas fotografías, descubriremos a extraordinaria biodiversidade desta illa, os seus singulares ecosistemas e algunhas das especies máis fascinantes que os habitan. Unha oportunidade para coñecer de preto os pequenos detalles que fan único este territorio e comprender a importancia de conservar un dos grandes tesouros naturais do planeta.

Esta actividade conta co apoio de BirdWild Tours: Birding & Wildlife Experiences, especializada en viaxes ornitolóxicas e naturalistas, e de González Almacén Fotográfico, distribuidores de material fotográfico desde 1997.

Toda a información na nosa web (BIO): https://goo.su/Iy3CcL

30/10/2026

A súa forma alongada, o corpo brando e o tacto xelatinoso fan que os carallos de mar ou holoturias sexan uns dos animais máis curiosos que podemos atopar no fondo mariño.

Aínda que poidan parecernos moi diferentes, son equinodermos, polo que están emparentados con animais tan coñecidos como as estrelas e os ourizos de mar.

En Galicia coñécense arredor de 47 especies de holoturias, que podemos atopar desde a zona litoral ata profundidades de 3.000 metros. Entre elas está o carallote ou pixolo (Holothuria forskali), unha especie de interese ecolóxico que tamén espertou interese comercial.

En 2015 autorizouse a súa explotación comercial na ría de Vigo, concretamente en Cangas. En 2016 chegaron a extraerse 18 toneladas desta especie nun só ano.

Ante a falta de información sobre algúns aspectos da súa bioloxía, o Centro de Investigacións Mariñas (CIMA) puxo en marcha en 2017 un proxecto de investigación para estudar o seu crecemento, reprodución, recrutamento e diversidade xenética, co obxectivo de mellorar o coñecemento desta especie e contribuír á xestión sostible do recurso.

E que descubriron as investigacións?

O seu ciclo reprodutivo presenta algunhas particularidades: na primavera atravesa unha etapa de repouso sexual, mentres que a gametoxénese comeza no verán, coincidindo co aumento das temperaturas e das horas de luz. As postas teñen lugar principalmente durante o outono e o inverno.

Outra curiosidade é que non podemos distinguir externamente os machos das femias. Para determinar o s**o é necesario observar as gónadas: as dos machos presentan unha tonalidade rosada ou salmón, mentres que as das femias adoitan ter unha coloración laranxa máis intensa.

E que fai cando se sente ameazado? Ten un sorprendente mecanismo de defensa: pode expulsar polo ano uns filamentos brancos e pegañentos chamados túbulos de Cuvier. Estes filamentos poden alongarse e enredar, chegando mesmo a inmobilizar os posibles depredadores e facilitando así a súa fuxida.

29/10/2026

🔊 Nova ocasión para a conversa e o contacto coa natureza vencellada aos ecosistemas fluviais.
📍 río Mero (proximidades Ponte das Insuas - Cambre).
🗓️ Domingo, 1 de novembro, 16h.
ℹ️ Actividade de balde e aberta ao público. Prazas limitadas.
📝 Info e inscricións ➡️ https://bit.ly/48lWuIR

Xornada no marco do programa COAWA, unha iniciativa de Emalcsa coa que promovemos o coñecemento da auga e dos ecosistemas que dependen dela, así como a importancia de conservar e facer un uso responsable deste recurso esencial.

29/10/2026

As aves son pequenas grandes protagonistas dos nosos ecosistemas e, grazas ao anelamento científico, podemos coñecer mellor os seus movementos, hábitos e evolución poboacional.

O vindeiro sábado, 31 de outubro, acompañaremos ao Grupo de Anelamento Hércules nunha xornada práctica de anelamento científico no barrio dos Rosais, na Coruña. De 09:30 a 11:30 h, e da man de aneladores expertos, descubriremos como se desenvolve esta técnica, aprenderemos a identif**ar diferentes especies e coñeceremos como os datos recollidos contribúen ao estudo e á conservación das aves.

Esta actividade, aberta ao público e enmarcada na iniciativa Hábitat Protexe, será unha oportunidade para achegarnos ao fascinante mundo das aves e descubrir a importancia dos espazos verdes urbanos como refuxio para a biodiversidade.

Info e inscricións na nosa web: https://goo.su/qBMnf

Anímaste a descubrir as aves que viven preto de ti? Agardámoste aos Rosais para compartir unha mañá de aprendizaxe e conexión coa natureza!

28/10/2026

Por terceiro ano consecutivo seguiremos “facendo barrio” en Monte Alto (A Coruña), onde f**a a nosa sede, colaborando unha vez máis no Halloween organizado polos comerciantes da contorna. Unha iniciativa especialmente dirixida aos máis cativos, na que poderán percorrer as rúas procurando lambonadas nos establecementos adheridos á iniativa.
Dende Hábitat procuraremos facer unha benvida terroríf**a a tódolos visitantes, sen esquecer a nosa filosofía ambiental na posta en escena.

🗓️ Venres, 30 de outubro do 2026, de 17 a 20h.

📍 Os máis cativos poderán percorrer ata 41 locais adheridos.

ℹ️ Recolle previamente o teu pasaporte nos comercios participantes.

Máis información ➡️ https://bit.ly/47GPupS

Agardámoste!

28/10/2026

Pechamos «Coñece o teu litoral» cun balance de 47 actividades en 2026!

Ao longo deste ano, desde GN Hábitat traballamos polo coñecemento e a conservación do litoral do Golfo Ártabro Sur, combinando seguimento ambiental, accións de conservación e divulgación.

Que conseguimos?
🔹60 xornadas técnicas de campo para detectar e cartografar especies exóticas invasoras, cun total de 66 especies obxectivo.
🔹10 actividades de retirada de flora invasora para contribuír á recuperación dos hábitats costeiros.
🔹12 xornadas de retirada de residuos en praias e espazos costeiros.
🔹25 actividades de divulgación e participación cidadá, con faladoiros, saídas de campo e rutas naturalistas en barco.
🔹Ademais, elaboramos novos materiais divulgativos sobre a limpeza responsable de praias, a flora e fauna do intermareal e os nudibranquios do Golfo Ártabro, dispoñibles en formato dixital e impreso.

Todo isto foi posible grazas á colaboración das persoas voluntarias, centros educativos, entidades e participantes, e ao apoio da Unión Europea, que financiou o 70 % do proxecto a través do FEMPA, e da Xunta de Galicia , que achegou o 30 % restante.

Seguiremos traballando para coñecer, valorar e conservar o noso litoral. Grazas por acompañarnos!

Le a crónica completa na nosa web: https://goo.su/3hWV5l

28/10/2026

Novos materiais divulgativos para coñecer e conservar o noso litoral!

Poñemos á disposición da cidadanía novos recursos para descubrir a biodiversidade mariña e aprender a coidar as nosas costas.

Entre os materiais publicados atoparedes:
🔹 Un tríptico con recomendacións para realizar limpezas de praias responsables.
🔹 Dous trípticos sobre a flora e a fauna de invertebrados do intermareal.
🔹 Un póster e un tríptico para descubrir os nudibranquios do Golfo Ártabro.

Materiais pensados para identif**ar especies, comprender mellor os ecosistemas costeiros e fomentar o respecto polo medio mariño.

Consulta e descarga os materiais na nosa web: https://goo.su/QYmH

Esta iniciativa enmárcase no proxecto Estudo e divulgación do medio mariño e costeiro no GALP GA Sur 2025, financiado pola Unión Europea, a través do FEMPA, e pola Xunta de Galicia . GALP Golfo Ártabro Sur

Dirección

Calle Camariñas, 8
A Coruña
15002

Horario de apertura

Lunes	09:30 - 13:30
Martes	09:30 - 14:00
Miércoles	09:30 - 13:30
Jueves	09:30 - 14:00
Viernes	09:30 - 15:00

Página web

http://www.gnhabitat.org/

Notificaciones

Sea el primero en enterarse: le enviaremos un correo electrónico cuando Grupo Naturalista Hábitat publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.