Lunes 09:30 - 13:30 Martes 09:30 - 14:00 Miércoles 09:30 - 13:30 Jueves 09:30 - 14:00 Viernes 09:30 - 15:00

Grupo Naturalista Hábitat

Casa
España
A Coruña
Grupo Naturalista Hábitat

Estudando para conservar dende 1979.

O Grupo Naturalista Hábitat, entidade sen ánimo de lucro e politicamente independente, é unha das asociacións conservacionistas máis activas de Galicia. Desde a súa fundación na Coruña en 1979 por un grupo de naturalistas entusiastas, ven realizando diversos estudos sobre o medio natural galego, xunto numerosas campañas de divulgación do noso patrimonio natural, contribuíndo a xerar en Galicia unh

a corrente de preocupación polo medio natural. Dende os seus inicios, Hábitat sempre foi fiel a unha consigna básica: traballar polo estudo e a conservación dos espazos naturais e da biodiversidade de Galicia, dende un enfoque naturalista baixo criterios científicos, baixo a perspectiva de que non se pode protexer aquelo que non se coñece.

26/06/2026

🌱 O vindeiro 30 de xuño celebrarase en Couso (Gondomar) a xornada Territorios que Aprenden, un encontro para compartir experiencias e aprendizaxes arredor das actuacións desenvolvidas nos territorios piloto de Fisteus (Curtis), Muíños e Couso, no marco do proxecto europeo GIFT – Green Infrastructure for Forest and Trees.

Ao longo da xornada haberá un coloquio participativo, unha degustación de produtos locais e un percorrido polos Montes de Couso para coñecer sobre o terreo as actuacións realizadas e reflexionar sobre o papel das infraestruturas verdes na conservación e na xestión sustentable da paisaxe.

A actividade é gratuíta, con inscrición previa, e contará con servizo de autobús desde Curtis e Lobios.

Máis información e inscrición na ligazón da nosa web: https://goo.su/pUbTr

26/06/2026

🌟 Viches un vagalume?

Os vagalumes, coleópteros da familia dos lampíridos, son un dos encontros máis fascinantes das nosas noites de verán. Quizais sexa ese o motivo polo que teñen unha chea de nomes: lucecú, bicho do lume, coco de luz, cociñeiro, verme de luz, meiga, vella facendo o caldo e velliña da cea entre outros.

A súa característica máis sorprendente é a luz que emiten. Esta bioluminiscencia serve principalmente para que machos e femias se atopen e poidan reproducirse. A luz prodúcese grazas a unha reacción química no abdome, na que participan compostos como a luciferina e encimas específicas, xerando unha luz fría e moi eficiente.

Por desgraza, cada vez é máis difícil velos. A contaminación lumínica, a perda de hábitats, o uso de pesticidas e os cambios no medio natural están detrás da diminución das súas poboacións nas últimas décadas.

Por iso é tan importante participar en iniciativas de ciencia cidadá como o proxecto Gusanos de Luz, co que colaboramos a través da campaña “Viches un vagalume?”. https://gnhabitat.org/viches-un-vagalume/

O obxectivo é coñecer mellor a distribución destes insectos, avaliar o estado das súas poboacións e contribuír á súa conservación. Se ves un vagalume, podes comunicar a túa observación e axudar a protexer esta pequena marabilla luminosa das nosas noites.

Imaxe con luz de Elia Pérez e Imaxe sen luz artificial de Manu Cernadas.

25/06/2026

🔊 Este domingo, no marco na nosa iniciativa Hábitat Protexe, convidámoste a facer e decorar o teu propio caderno de campo naturalista 📓. Un recurso estupendo para impulsar unha cultura científica e un espírito investigador 🐾. Non te perdas este obradoiro!

Info e inscricións ➡️ https://bit.ly/4xNkDDz

Agardámoste 🐾

23/06/2026

🐞🦋 Xa temos aquí o segundo bloque da nosa Escola en Familia 2026!

Nesta ocasión mergullarémonos no fascinante mundo dos insectos. Para descubrir o sorprendentes e importantes que son para os ecosistemas, este domingo 28 de xuño, de 10:00 a 13:00 h, achegarémonos á Zona Especial de Conservación (ZEC) Encoro de Abegondo-Cecebre.

Será unha oportunidade perfecta para coñecer de preto a biodiversidade de insectos deste espazo natural da man do G.N. Hábitat e do programa de educación ambiental COAWA de EMALCSA.

Lembrade que as familias socias do G.N. Hábitat contan cun 50 % de desconto na inscrición.

Información e inscricións na nosa web: https://bit.ly/3S1zPwA

🐜🌿🦗🦋

22/06/2026

O vindeiro luns 22 de xuño é o Día Mundial dos Bosques Tropicais, unha tradución non moi precisa do seu título orixinal, World Rainforest Day, que realmente debería ser Día Mundial dos Bosques Húmidos; porque hai bosques húmidos alén dos trópicos, e en Galicia temos unha mostra deles.

No marco do noso proxecto Fragas Perdidas, celebraremos ese día cunha nova cita de “Falando de natureza”, titulada As últimas selvas tépedas: os bosques atlánticos do mundo e de Galicia. para poñer en valor os bosques húmidos atlánticos e chamar a atención sobre a súa importancia e os desafíos de conservación aos que se enfrontan.

Contaremos con Alberto López Teixido, doutor en Bioloxía e profesor de Botánica na Universidade Complutense de Madrid. Investigador con máis de 60 artigos sobre bioloxía floral e conservación, Teixido iniciou a súa carreira estudando os fentos nas Fragas do Eume, espazo co que mantén un forte vínculo. A súa experiencia internacional inclúe o estudo de bosques húmidos en Australia, EE.UU. ou o Brasil, onde residiu oito anos traballando en ecoloxía tropical. Máis información: https://sites.google.com/view/alberto-teixido

22/06/2026

🌿 As últimas selvas tépedas: os bosques atlánticos do mundo e de Galicia 🌿

Hoxe, luns, 22 de xuño, ás 20h, coincidindo co Día Mundial dos Bosques Húmidos (World Rainforest Day), teremos unha nova cita de Falando de natureza para descubrir e poñer en valor un tesouro natural que tamén forma parte de Galicia: os bosques húmidos atlánticos.

Contaremos con Alberto López Teixido, doutor en Bioloxía e profesor da Universidade Complutense de Madrid, investigador especializado na bioloxía da conservación e gran coñecedor das Fragas do Eume e dos bosques tépedos húmidos de todo o mundo.

A charla será ONLINE, a través das nosas redes sociais e aberta ao público (non fai falta inscibirse).

Unha viaxe polas últimas selvas tépedas do planeta e polos desafíos que afrontan para a súa conservación.

Conéctate e acompáñanos nesta nova conversa sobre natureza e conservación.

Deputación da Coruña

18/06/2026

Queres botar unha man na conservación da contorna da Torre de Hércules?

Este domingo, 21 de xuño, o programa “Natureza kmØ” regresa cunha nova xornada de retirada de especies exóticas invasoras neste Espazo Natural de Interese Local (ENIL), centrada na eliminación da herba do coitelo (Carpobrotus spp.), unha das principais ameazas para este espazo protexido.

Levamos xa case 100 xornadas traballando pola recuperación deste enclave único. Se queres formar parte deste esforzo colectivo, agardámoste ás 11:00 h ou ás 16:00 h.

Info e inscricións na nosa web: https://goo.su/9f2Crzn

A actividade é gratuíta e aberta ao público.

18/06/2026

O pasado 12 de abril celebramos unha actividade do programa Natureza kmØ dedicada aos mamíferos mariños, na que participaron 16 persoas interesadas en coñecer máis de preto este fascinante grupo de animais.

Ao longo da xornada descubrimos as principais características e adaptacións dos mamíferos mariños presentes nas nosas costas, achegándonos tamén ao importante labor que desenvolve a Rede de Varamentos de Galicia, coordinada pola CEMMA, coa que o G.N. Hábitat colabora activamente.

A actividade completouse cunha parte práctica na que as persoas participantes puideron aprender os aspectos máis básicos da asistencia ante un varamento, coñecendo os protocolos e actuacións fundamentais nestas situacións.
Grazas ás 16 persoas asistentes polo seu interese e participación, e tamén á CEMMA polo seu traballo constante na conservación da fauna mariña de Galicia.

18/06/2026

As herbas de San Xoán forman parte dunha das tradicións máis arraigadas da cultura popular galega. Detrás delas agochánse historias, crenzas, usos tradicionais e un profundo coñecemento da natureza transmitido de xeración en xeración.

O vindeiro sábado, 20 de xuño, estaremos en Carral nunha xornada divulgativa na que aprenderemos a identificar as especies máis vinculadas a esta tradición e coñeceremos o seu papel na noite máis máxica do ano. A actividade realizarase en colaboración co Grupo Naturalista Hábitat, que achegará os expertos que nos guiarán neste percorrido entre botánica, cultura e patrimonio.

Non recolleremos herbas, senón que aprenderemos a observalas e recoñecelas no seu medio natural, fomentando o respecto polos espazos naturais e unha relación sostible coa contorna.

A participación é gratuíta e as prazas son limitadas, polo que se asignarán por orde de inscrición.

Máis información na páxina web de Brexa: https://brexa.es/herbas-de-san-xoan-2026/

18/06/2026

O pasado 2 de abril gozamos dunha fantástica xornada de no Parque Natural das Fragas do Eume, un dos mellores lugares para descubrir a biodiversidade da primavera galega. Ao longo do percorrido puidemos observar larvas de vagalume, larvas de píntega común (Salamandra salamandra), pintafontes ibéricos (Lissotriton boscai), así como algunhas das plantas máis emblemáticas desta época, entre elas a anémona dos bosques (Anemone nemorosa).

As fragas tamén nos sorprenderon coa presenza de fentos relictos como Hymenophyllum tunbrigense ou Woodwardia radicans, do escaravello endémico Carabus galicianus e de eirugas da bolboreta dos prados húmidos (Euphydryas aurinia). Ademais, tivemos a sorte de observar o voo de varios machos de Aglia tau, unha fermosa avelaíña primaveral que non volveremos ver ata o vindeiro ano. Unha mañá de bo tempo, natureza e aprendizaxe compartida nun dos bosques atlánticos máis valiosos de Europa.

Dirección

Calle Camariñas, 8
A Coruña
15002

Horario de Apertura

Lunes	09:30 - 13:30
Martes	09:30 - 14:00
Miércoles	09:30 - 13:30
Jueves	09:30 - 14:00
Viernes	09:30 - 15:00

Página web

http://www.gnhabitat.org/

Notificaciones

Sé el primero en enterarse y déjanos enviarle un correo electrónico cuando Grupo Naturalista Hábitat publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.