Diabetes Coruña

10/06/2026

Queremos sumarnos á inmensa alegría polo ascenso do Básquet Coruña á ACB.

Desde Diabetes Coruña queremos felicitar de corazón a todo o club, xogadores, corpo técnico, directiva, afección e a todas as persoas que fixeron posible este soño.

Pero ademais da súa gran traxectoria deportiva, queremos agradecer algo que para nós ten un valor incalculable: o seu compromiso coa nosa familia azul. Ano tras ano, a través da campaña "17 partidos, 17 causas", o Básquet Coruña abriu as súas portas á nosa asociación, dándonos visibilidade e axudándonos a concienciar sobre a diabetes.

Grazas por demostrar que o deporte tamén é solidariedade, compromiso e apoio ás causas sociais.

Desfrutade deste merecido ascenso. Nós seguiremos animando desde a bancada e sentíndonos orgullosos de contar cun club tan grande dentro e fóra da pista.

Parabéns, Básquet Coruña! 🏀💙🏆

09/06/2026

Como membros desta familia azul 💙, sabemos que a diabetes non nos define nin ten teito✨️, 🎆celebramos a Alexander Zverev, campión 🏆de Roland Garros 2026. Cada día, con esforzo, disciplina, tecnoloxía e apoio amosamos que non temos límites e podemos chegar tan lonxe como soñamos💭. Xuntos, seguimos avanzando, dentro e fóra da pista, se el pode, ti tamén💪🦾

09/06/2026

01/06/2026

O pasado venres vivimos unha tarde moi especial na asociación, compartindo aprendizaxe, experiencias e momentos que nos fan crecer como familia azul💙

Queremos expresar o noso máis sincero agradecemento ás tres podólogas de Colexio Oficial de Podólogos de Galicia e que nos acompañaron, pola súa profesionalidade, dedicación e cariño á hora de transmitir coñecementos tan importantes para o noso día a día 👣

Actividades como esta lembran a importancia de coidarnos, acompañarnos e seguir camiñando da man 💙 Grazas por formar parte desta familia.

17/05/2026

🧪🍬 Un pequeno experimento para entender algo moi grande: a importancia do azucre no noso corpo 💙
Hoxe, na Feira Saúde e Sociedade, realizamos unha actividade para explicar de forma visual e sinxela algo fundamental na diabetes: o azucre (glucosa) é esencial para o noso organismo, pero debe estar nos niveis adecuados.
A través deste experimento puidemos falar da importancia do equilibrio, do control e da educación diabetolóxica para convivir coa diabetes dunha maneira segura e saudable.
💬 Grazas a todas as persoas que vos achegastes ao noso stand, preguntastes e compartistes un anaco connosco. Seguimos facendo visible a diabetes e apostando pola educación en saúde! 💙

14/05/2026

💙 Despois de moito esforzo, ilusión e traballo… por fin ve a luz este proxecto tan marabilloso. 🌿⛺

“O Camiño da Saúde” 2026 nace para ofrecer aos nenos e nenas que conviven coa diabetes unha experiencia única onde aprender, compartir, medrar e divertirse irán da man.

Dende a nosa asociación queremos felicitar a Fegadi - Federación Galega de Asociacións de Persoas con Diabete por facer realidade a volta de esta iniciativa tan necesaria para as familias e para a rapazada. 👏

📍 Mougás (Pontevedra)
📅 Do 16 ao 22 de xullo de 2026

💚 Estamos seguros de que será unha semana inesquecible chea de aprendizaxes, amizades e momentos especiais.

🌿⛺ Campamento “O Camiño da Saúde” 2026
✨ A aventura de medrar con saúde

Do 16 ao 22 de xullo en Mougás (Pontevedra), en FEGADI poñemos en marcha unha nova edición de “O Camiño da Saúde”, un campamento pensado para nenos e nenas que conviven coa diabetes ou con retos relacionados coa saúde metabólica.

💙 Unha semana para aprender, compartir, facer amizades e descubrir que levar unha vida saudable tamén pode ser divertido.

👉 Que atoparán no campamento?

🏕️ Vida en plena natureza
🚣 Actividades náuticas: kaiak e vela
🥾 Sendeirismo e xogos ao aire libre
👩‍🍳 Obradoiros de nutrición e cociña saudable
🧁 Repostería sen azucre
💬 Charlas participativas sobre diabetes, obesidade e hábitos de vida saudables
🏊 Piscina e instalacións adaptadas

👨‍⚕️ Ademais, contaremos con:
✅ Asistencia médica e enfermaría 24 horas
✅ Monitores titulados e con experiencia
✅ Referentes que tamén conviven coa diabetes
✅ A experiencia de Ayuko Aventura, entidade referente en Galicia con máis de 25 anos no lecer educativo

🥗 Apostamos por comida caseira e nutritiva, preparada nas propias instalacións, fomentando unha relación positiva coa alimentación desde o primeiro día.

🌟 “O Camiño da Saúde” é moito máis que un campamento: é unha experiencia para gañar autonomía, confianza e crear recordos inesquecibles.

🤝 Esta actividade é posible grazas ao apoio da Deputación da Coruña.

📍 Mougás (Pontevedra)
📅 Do 16 ao 22 de xullo de 2026



Federación Española de Diabetes - FEDE
Asociación de Diabetes AURIA
Diabetes Coruña
Asoc Compostelana Diabetes
Asociación De Diabéticos Ferrolterra

10/05/2026

📢 ACODI estará presente na II Feira de Saúde e Sociedade 💙
📅 Venres 15 de maio
🕓 De 16:00 a 21:00 h
📍 Xardíns de Méndez Núñez (A Coruña)
No noso stand faremos medicións gratuítas de glicosa e ofreceremos información e asesoramento sobre diabetes.
A feira contará tamén con actividades, obradoiros e iniciativas relacionadas coa promoción da saúde.
🎟️ Entrada libre e gratuíta.
Animámosvos a pasar a visitarnos!

28/04/2026

Atopades as nosas socias?

28/04/2026

E ahí estiveron as nosas socias Alejandra e Andrea representando a federación galega💙

22/04/2026