Diabetes Coruña

Inicio
España
A Coruña, Galicia
Diabetes Coruña

Cómo llegar Página web Contactar con la organización

Asociación Coruñesa de persoas con Diabete
Agradecemos ao Concello de A Coruña a súa colabora

04/11/2026

💙 Seguimos co noso !

Nesta ocasión queremos achegarvos un tema moi interesante: os transplantes de páncreas e ril.

Contaremos coa participación do 👨‍⚕️ Dr. Constantino Fernández Rivera, Xefe de Sección de Transplante Renal do Servizo de Nefroloxía do CHUAC, que nos axudará a coñecer mellor este tipo de transplantes, as súas indicacións e todo o que debemos saber sobre eles.

📅 Martes 10 de novembro
🕕 18:00 h
📺 En directo no noso canal de YouTube: Diabetes Coruña.

💬 Tes algunha pregunta ou dúbida sobre este tema? Podes enviárnola previamente a través do WhatsApp da asociación:📱 604 07 87 54

Trasladarémoslle as vosas preguntas ao doutor durante a charla.

Unha nova oportunidade para aprender, compartir coñecemento e resolver dúbidas sobre temas que nos afectan de preto.

Agardamos que nos acompañedes! 💙

03/11/2026

💙 Hoxe vivimos un deses momentos que fan especial o traballo dunha asociación.

Xa temos nas nosas mans o noso brazalete solidario do Real Club Deportivo de La Coruña para a tempada 2026/2027. Un brazalete que leva o nome da nosa asociación, pero que representa moito máis ca iso: representa a miles de persoas que convivimos coa diabetes, as nosas familias, as nosas loitas diarias e as ganas de que esta realidade sexa cada vez máis visible.

Recibilo xunto coas compañeiras da directiva é unha alegría e un orgullo, porque detrás deste recoñecemento hai moito traballo, compromiso e ganas de seguir facendo visible a diabetes.

Ver a realidade das persoas con diabetes formar parte do Dépor, dun club que significa tanto para tantas persoas e sobre todo para a nosa cidade, é deses pequenos grandes momentos que gardamos con especial cariño.

Grazas, Fundación Deportivo, por pensar en nós, por abrirnos un espazo e por axudarnos a levar a diabetes un pouquiño máis lonxe.

Pero, sobre todo, grazas por entender que dar visibilidade tamén é unha forma de acompañar, de apoiar e de facer que as persoas con diabetes nos sintamos parte de todo.

Hoxe este brazalete é noso, pero sentímolo como algo de todas as persoas que forman parte da nosa familia 💙.

Porque a diabetes tamén está no Dépor. E porque cando sumamos esforzos, a nosa voz chega moito máis lonxe.

Seguimos sumando, seguimos dando visibilidade. Forza Dépor!💙

02/11/2026

💙 Por fin podemos desvelar unha das sorpresas que tiñamos preparadas para este !

A Fundación do Real Club Deportivo de La Coruña quixo sumarse á nosa causa cun xesto moi especial: un brazalete solidario, dentro da súa campaña de apoio e visibilización, que a partir da próxima tempada estará exposto no Museo do Deportivo. 💙

Pero esta colaboración non queda aí! Tamén nos brinda a oportunidade de dar visibilidade á diabetes en dous partidos moi especiais:

⚽ Hoxe, no encontro fronte ao Osasuna.
⚽ O próximo luns, día 9, no partido do Dépor ABANCA fronte ao Valencia.

Desde a asociación queremos agradecer de corazón 💙 á Fundación Deportivo por contar coa nosa asociación e facernos partícipes desta iniciativa.

Pero, sobre todo, grazas por axudarnos a dar visibilidade á diabetes, por achegar esta realidade ao deporte e por facer que novembro, o noso mes, tamén teña presenza no deportivismo.

Porque a diabetes tamén xoga, tamén anima e tamén forma parte desta sociedade.

💙 Grazas por sumarvos á nosa causa!

01/11/2026

💙 Desde a nosa asociación sumámonos ao manifesto de FEGADI neste mes polo Día Mundial da Diabetes.

Porque convivir coa diabetes é moito máis que xestionar unha enfermidade: é aprender, adaptarse e tomar decisións cada día, as 24 horas.

Por iso, reclamamos máis educación, máis recursos, máis investigación e unha atención equitativa. Porque o código postal non nos define nin pode determinar a atención, os recursos ou as oportunidades que temos. Todas as persoas con diabetes debemos ter os mesmos dereitos, vivamos onde vivamos.

A diabetes non pode ser protagonista só o 14 de novembro. Necesitamos que se escoite durante todo o ano e que as necesidades das persoas que convivimos con ela estean presentes nas decisións que nos afectan.

💙 Educar para previr. Coidar para vivir.

Hoxe e os 365 días do ano, seguimos sumando voces.

31/10/2026

💙 Novembro é o noso mes, pero a diabetes acompáñanos todo o ano.

Desde Diabetes Coruña preparamos con moita ilusión diferentes actividades para compartir, aprender, visibilizar a diabetes e, sobre todo, atoparnos.

Detrás de cada cartel hai traballo, tempo e moitas ganas de facer cousas por e para as persoas con diabetes.

Agora tócache a ti! 😊 Anímate a participar, achégate ás actividades e comparte este mes con nós. Porque unha asociación ten sentido cando estamos, participamos e camiñamos xuntas.

Agardámoste! Entre todas e todos facemos máis forza. 💙

31/10/2026

💚 A semana pasada tivemos a oportunidade de participar nun novo encontro de UDC Saudable, un espazo para coñecer outras entidades, compartir experiencias e descubrir o traballo que cada unha desenvolve.

A través dunha dinámica en grupo, puidemos intercambiar ideas, coñecer os recursos e actividades doutras asociacións e comprobar que, aínda que traballamos en ámbitos diferentes, temos moito en común.

Porque compartir experiencias, aprender unhas das outras e crear redes de colaboración tamén é unha forma de coidar a saúde.

Grazas á UDC e ao Concello de A Coruña por promover estes espazos de encontro. Seguimos sumando! 💚

30/10/2026

Xa estamos tamén en Instagram! 📲🎉

Na asociación seguimos medrando e queremos estar cada vez máis preto de vós. Por iso, agora tamén podedes atoparnos en Instagram! 🥰

Queremos que este sexa un espazo para compartir información, actividades, novidades e, sobre todo, para seguir creando unha comunidade na que ninguén se sinta só ante a diabetes. 💙

👉 Síguenos en Instagram:

Axúdanos a chegar a máis persoas compartindo esta publicación e animando a amigos, familiares e coñecidos a seguirnos!

Porque xuntos somos máis fortes e a diabetes, en compañía, lévase doutra maneira. 💙🫂

30/10/2026

🔬 Galicia confirma a súa posición de vangarda nos programas de cribado: 4,4 M€ en 2027:

➡️ Cribado universal da diabetes tipo 1 na infancia

➡️ Cribado de cancro de cérvix, desde os 25 anos

➡️Cribado de cancro mama desde os 45

28/10/2026

O FARMACÉUTICO RESPONDE 💊💙

Seguimos preparando novidades para o noso e esta vez queremos darvos a oportunidade de resolver esas dúbidas que ás veces nos xorden sobre a diabetes, a medicación e os nosos coidados diarios. 🥰

🎥 Imos gravar un vídeo especial co Colegio Oficial de Farmacéuticos de A Coruña, no que responderán ás preguntas que nos fagades chegar.

❓ Tes dúbidas sobre algún medicamento? Gustaríache saber máis sobre como coidarte ou sobre algún aspecto relacionado co teu día a día? Hai algo que sempre quixeches preguntarlle ao teu farmacéutico de confianza?

💬 Agora é o momento de preguntar! Non quedes coa dúbida, porque a túa pregunta tamén pode axudar a outras persoas que estean na mesma situación.

📲 Envíanos as túas preguntas por WhatsApp 604 078 754 ou por correo electrónico [email protected].
📅 Data límite: 1 de novembro de 2026.

Queremos que este vídeo se constrúa coas vosas inquedanzas e necesidades reais. Porque canto máis compartimos, máis aprendemos e mellor podemos coidarnos. 💙

Anímate a participar! A túa pregunta pode ser a resposta que outra persoa está buscando. 💙🔵

26/10/2026

DEPORTE E DIABETES 🏋️‍♂️💙

A primeira iniciativa do noso traémosvos unha proposta na que queremos que sexades os verdadeiros protagonistas!

📹 Imos preparar un vídeo especial sobre deporte e diabetes, no que profesionais de TAFAD e INEF responderán ás vosas dúbidas, curiosidades e inquedanzas sobre a actividade física e a diabetes.

❓ Tes dúbidas sobre como afecta o deporte? Non sabes como afrontar determinadas situacións cando fas exercicio? Gustaríache coñecer recomendacións ou escoitar a opinión de profesionais?

Esta é a túa oportunidade para preguntar todo aquilo que sempre quixeches saber! 🙌

📲 Envíanos as túas preguntas por WhatsApp 604 078 754 ou por correo electrónico [email protected].
📅 Data límite: 30 de outubro.

Non hai preguntas demasiado pequenas nin dúbidas que non merezan ser resoltas. Queremos que este vídeo sexa útil para todos, así que animámoste a participar e a facelo posible entre todos! 💙

Porque compartir experiencias, aprender xuntos e coidar a nosa saúde tamén forma parte do tratamento. 💪🔵

Contamos contigo! 💙

Dirección

Avenida De Arteixo, 85-A, Local 4
A Coruña
15007

Página web

https://diabetescoruna.org/

Notificaciones

Sea el primero en enterarse: le enviaremos un correo electrónico cuando Diabetes Coruña publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.