01/11/2026
بسم الله… مساهمات و صدقات الدعم الطبي لشهر نوفمبر
عندنا عجز كبير جدا ً في توفير الأدوية و المستلزمات و الخدمات الطبية ..
علي مدار آخر سنتين مع التضخم و زيادة الأسعار ، و تبعها زيادة الخدمات و المرتبات والاكسجين و المستلزمات
محتاجين دعم للحالات و تسديد المديونيات
فيه ناس أحيانًا تسأل ، هو ليه المكان الخيري بيحتاج فلوس للتشغيل
و الإجابة واضحة جداً ، المكان الخيري ده صدقة جارية علشان يقدم خدمة طبية متميزة ،
ده بيحتاج تعيين طاقم طبي مؤهل بأعلي الفنيات و تمريض يقدر يقدم خدمة متميزة ، و نفس الوقت لازم توفير افضل أنواع الأدوية و المستلزمات..
فالمقابل للحالات المحجوزة حالياً لا تتعدي ٢٥ ٪ من قيمة الخدمة الطبية ،
متوسط الحالة بتدفع ٦٠٠ ج شاملة الأدوية و المرور الطبي و المحاليل
و التكلفة الفعلية لتوفير خدمة عناية فائقة تتعدي ٢٠٠٠ ج .
و في الأماكن الحكومية في المستشفي العام حاليًا تكلفة اليوم ١٠٠٠ ج.
فالمكان الطبي الخيري ، معناه انه بيقدم خدمة غير هادفة للربح ، مش معناه مجاناً .
فعندنا أمل كبير و يقين بالله ، اننا نعمل مجموعة من ١٠٠ متبرع ، يتبرع بشكل شهري ب ألف جنيه ، ده هيضمن إستمرار تقديم الخدمات الطبية بدون زيادة سقف الأسعار عن المكان الحكومي (١٠٠٠ ج)
تقدر تساهم باللي تقدر عليه و تنضم لمجموعة ال ١٠٠ متبرع ، في تبرع صدقة جارية شهريًا
للتواصل عبر الماسنجر