Stichting Monumenten Fonds Aruba

Bellen Routebeschrijving Website Contact opnemen met de organisatie

Stichting Monumenten Fonds Aruba Stichting Monumenten Fonds Aruba (S.M.F.A.) houdt zich sinds 1996 primair bezig met de financiering v

🔑🏛️ FOGONSITO TIN UN PREGUNTA PA BO! 👀SMFA a inicia cu e preparacionnan pa Open Monumentendag Aruba 2027! Pero... 🤔 Cual...
26/10/2026

🔑🏛️ FOGONSITO TIN UN PREGUNTA PA BO! 👀

SMFA a inicia cu e preparacionnan pa Open Monumentendag Aruba 2027!

Pero... 🤔 Cual districto nos ta bay explora e biaha aki? 🗺️

💬 Bo por rey unda nos ta bay?

👇 Laga bo contesta den e commentnan!

🔑 Pronto nos ta revela e proximo districto!

23/10/2026

🏛️🎨✨ Nos Monumentonan, Nos Herencia!

Un dia yen di descubrimento, historia, creatividad y inspiracion!

Hunto cu e alumnonan di Scol Caiquetio y Artista Jo Ann K**k Ridderstap, nos a sali explora e historia y patrimonio di San Nicolas. Durante e excursion, e muchanan a haya oportunidad di siña mas tocante nos monumentonan, descubri e storia tras di nan y compronde e importancia di conserva nos herencia cultural.

🎨 E excursion aki ta forma parti di nos proyecto educativo, financia pa Fonds voor Cultuurparticipatie, unda nos monumentonan y patrimonio cultural ta sirbi como fuente di inspiracion pa e lesnan di arte na scol. Pa medio di creatividad, e muchanan ta haya oportunidad di expresa loke nan a siña y experimenta durante e bish*ta, transformando nan impresionnan den obranan di arte.

Nos monumentonan ta conta nos historia, y nos muchanan ta duna nan un futuro nobo pa medio di arte y creatividad! Asina hunto nos ta preserva nos pasado pa futuro!

Stichting Monumentenfonds Aruba ta inicia oficialmente e prome fase di proyecto Edificio John G. Eman Stichting Monument...
19/10/2026

Stichting Monumentenfonds Aruba ta inicia oficialmente e prome fase di proyecto Edificio John G. Eman

Stichting Monumentenfonds Aruba (SMFA) a marca recientemente un paso importante den e restauracion di John G. Eman Building, cu e inicio oficial di e prome fase cual ta encera sloop di e partinan no monumental di e edificio historico, situa na Caya Betico Croes 39-41 den centro di Oranjestad.
E momento oficial a tuma luga den presencia di Prome Minister, Mike Eman, Minister di Finansa, Asuntonan Economico y Sector Primario, Geoffrey Wever, representantenan di Aruba Bank, Centraal Bureau voor de Statistiek (CBS), Sociaal-Economische Raad (SER), arkitecto Bert Kampsteeg, D&C Partners VBA y demas invitadonan.

Proyecto di restauracion

Desde e traspaso di e edificio na december 2025, Monumentenfonds a sigui traha intensivamente riba e preparacionnan necesario pa realisa e restauracion.
Dia 22 di juli 2026, BK Consult, bou di direccion di arkitecto Bert Kamsteeg, a wordo selecciona pa encarga cu e trabounan di diseño di e proyecto. Hunto cu lider di proyecto Jenilee Schotborgh di Monumentenfonds, e team a traha riba e plannan tecnico y documentacion necesario pa e siguiente fase.
Dia 2 di oktober 2026, a tene e destaho pa e prome fase di sloop, unda D&C Partners VBA a wordo selecciona como e contratista.

Sloop cu respet pa e balor historico

E fase di sloop no ta trata simplemente di kibra of tumba partinan di e edificio. E trabounan ta concentra riba kita cu hopi cuidou e partinan no monumental, cu e meta di conserva y proteha e elementonan historico cu ta duna e edificio su balor monumental.
E proceso aki ta exigi precision, pasenshi y respet pa e historia di e edificio, y lo prepara caminda pa e restauracion di e monumento mes. Ta calcula cu e fase di sloop lo dura mas o menos 2 luna despues di cual lo continua cu preparacion pa a siguiente fase.

Un futuro nobo pa John G. Eman Building

Despues di e restauracion, John G. Eman Building lo haya un funcion nobo, combinando actividadnan publico, comercial y di oficina.
Centraal Bureau voor de Statistiek (CBS) y Sociaal-Economische Raad (SER) lo establece nan oficinanan den e edificio restaura. Ademas, e proyecto ta inclui un restaurant y apartamento, cu lo contribui na un ambiente mas dinamico y atractivo den centro historico di Oranjestad. Esaki ta forma parti di e vision di Stichting Monumentenfonds Aruba: conserva nos patrimonio historico, mientras nos ta duna monumentonan un funcion nobo y sostenibel pa futuro.
Actualmente, Monumentenfonds ta den e fase final di negociacion pa sera e contrato pa explotacion di e restaurant y e apartamento. Mas informacion tocante e explotacion y e entidad cu lo encarga cu esaki lo wordo comparti proximamente.

Cooperacion entre diferente partnernan

Realizacion di un proyecto di e magnitud aki ta posibel danki na e cooperacion y confianza di diferente partnernan.
Stichting Monumentenfonds Aruba ta expresa su agradecimento na Land Aruba, Minister President Mike Eman, Minister Geoffrey Wever, Arubabank y Nationaal Restauratiefonds pa nan contribucion y cooperacion durante e proceso. Un agradecimento tambe ta bay na Monumentenbureau pa su cooperacion den e proyectonan di restauracion.
Un danki special ta bay na arkitecto Bert Kamsteeg y su team di BK Consult, como tambe na D&C Partners VBA, cu lo encarga cu e ehecucion di e prome fase di sloop.
Monumentenfonds ta gradici CBS y SER pa nan confiansa y pasenshi durante e proceso, y su propio bestuur y team pa nan dedicacion y esfuerso continuo pa asina hunto nos por sigui preserva nos pasado pa futuro!

19/10/2026

⛪❤️ Help Us Preserve a Piece of Aruba’s History!

The Community Church in Sero Colorado is more than just a building. It is a place filled with memories, history, and community spirit.

Together, we can give this historic landmark a new future! ✨

🙏 Every donation, big or small, makes a difference. Help us restore the Community Church and bring it back to life for future generations.

❤️ Donate through our GoFundMe campaign and share this reel to spread the word!

https://gofund.me/1db0f5749

14/10/2026
26/09/2026

Webinar Describing and Valying Monuments: developing a Caribbean Standard

📣OPEN HOUSE!!!What if your next office was inside one of Aruba’s most iconic monuments?Built in 1939, the Oranjestad Wat...
18/09/2026

📣OPEN HOUSE!!!

What if your next office was inside one of Aruba’s most iconic monuments?

Built in 1939, the Oranjestad Watertower once played an important role in Aruba’s water distribution. Today, this historic landmark has been beautifully restored and is ready for a new chapter.

Located in the heart of Oranjestad, the Watertower offers 612 m² across three floors, with an elevator, staircase, pantry, restrooms and a flexible layout that can be adapted to your organization’s needs.

Office, creative studio, cultural organization… the possibilities are many.

Curious to see the space for yourself?

📅 OPEN HOUSE – September 25
⏰ 9:00 AM- 12:00 PM
📍 Oranjestad Watertower

Come explore the building, discover its possibilities and imagine your organization becoming part of its next chapter.

Could the Oranjestad Watertower be the new home for your business?

18/09/2026

What if your next office was inside one of Aruba’s most iconic monuments?

Built in 1939, the Oranjestad Watertower once played an important role in Aruba’s water distribution. Today, this historic landmark has been beautifully restored and is ready for a new chapter.

Located in the heart of Oranjestad, the Watertower offers 612 m² across three floors, with an elevator, staircase, pantry, restrooms and a flexible layout that can be adapted to your organization’s needs.

Office, creative studio, cultural organization… the possibilities are many.

Curious to see the space for yourself?

📅 OPEN HOUSE – September 25
⏰9:00 Am-12:00 Pm
📍 Oranjestad Watertower

Come explore the building, discover its possibilities and imagine your organization becoming part of its next chapter.

Could the Oranjestad Watertower be the new home for your business?

Tankinan historico di awa na Kibaima lo haya un futuro nobocomo Centro di Conocemento y PatrimonioDiaranson 16 di septem...
17/09/2026

Tankinan historico di awa na Kibaima lo haya un futuro nobo
como Centro di Conocemento y Patrimonio

Diaranson 16 di september Gobierno di Aruba y Stichting Monumentenfonds Aruba (SMFA) a firma e traspaso di e Tankinan di awa na Kibaima y tambe un acuerdo di cooperacion pa e proyecto di restauracion. Esaki ta un paso importante pa preservacion y herbestemming di e monumento industrial na Kibaima. Despues di restauracion e tankinan lo haya un funcion nobo como Centro di Conocemento y Patrimonio di Archivo Nacional di Aruba (ANA).

E plan pa duna e reservoirnan un destinacion nobo a cuminsa varios aña pasa. Prome cu 2020 SMFA, hunto cu BOEi di Hulanda y studiantenan di Hogeschool Rotterdam, a inicia investigacion riba diferente posibilidad pa un funcion nobo pa e monumento. Diferente opcion a wordo investiga, pero un destinacion concreto a forma despues cu Archivo Nacional Aruba a acerca Monumentenfonds den buscando un localidad nobo.
E plan di Archivo Nacional Aruba ta pa realisa un centro di conocemento y patrimonio. E centro lo ofrece espacio pa, entre otro, investigacion, educacion, documentacion, conservacion y presentacion di historia y patrimonio di Aruba. Di e forma aki, un localidad cu antes tabata esencial pa suministro di awa na Aruba lo haya un funcion social nobo, enfoca riba conocemento, historia y desaroyo.

Proyecto lo wordo ehecuta den diferente fase
Stichting Monumentenfonds Aruba su lider di proyecto, Jennilee Schotborgh, lo guia e proyecto di restauracion. E proyecto ta consisti di diferente fase y ta planea pa termina na 2029.
E prome fase ya a cuminsa. Desde aña pasa ta investigando e diferente rekisito cu Archivo Nacional Aruba tin. Pa e di dos fase lo selecta un specialista pa e diseño di e proyecto. E team lo inclui, entre otro, un arkitecto y expertonan riba tereno di construccion y restauracion cu lo ta encarga cu e diseño durante di tres fase. Durante e proceso lo mester tene cuenta cu e partinan historico di e monumento pero tambe cu e aspectonan y exigencianan pa por comberti e interior den un archivo y centro di conocemento. Por ultimo lo selecta e contratista cu lo ta encarga cu ehecucion di e proyecto.

Historia di e Tankinan di awa na Kibaima

E tankinan historico na Kibaima ta conta un parti importante di historia di suministro di awa potabel na Aruba. E prome dos reservoirnan a wordo construi na 1931 y 1932 door di Landwatervoorzieningsdienst como parti di desaroyo di un sistema moderno di suministro di awa pa nos isla. Na 1941 y 1942, dos otro reservoir a wordo agrega.
E Tankinan di Awa na Kibaima no tin solamente balor cultural-historico, sino tambe un gran balor arkitectonico y tecnico. Hunto cu e Watertorennan di Oranjestad y San Nicolas y e waterreservoir na Rancho, nan ta testimonio tangibel di desaroyo di distribucion di awa na Aruba.
Cu e herbestemming aki, e reservoirnan lo bolbe bira un parti activo di comunidad. Unda cu antes e tankinan tabata cumpli cu un funcion esencial pa un di e necesidadnan basico di Aruba , awa, den futuro nan lo bira un lugar dedica na conocemento, historia, educacion y patrimonio.

Stichting Monumentenfonds Aruba ta gradici Gobierno di Aruba, Archivo Nacional Aruba, WEB Aruba, Smart Community y FCCA pa e confiansa y cooperacion den e traspaso y asina hunto nos por preserva e pasado pa futuro!

A inicia cu restauracion di Cas Debrot Dialuna 31 di augustus a duna inicio na e di dos fase di e proyecto di restauraci...
03/09/2026

A inicia cu restauracion di Cas Debrot

Dialuna 31 di augustus a duna inicio na e di dos fase di e proyecto di restauracion di Cas Debrot na Caya Betico Croes 98.

E proyecto lo ta bou di guia di Hoevertsz ArchiDesign N.V.
E contratista General Property Services lo ta encarga cu e ehecucion di e trabounan di restauracion hunto cu e bouwteam consistiendo di Protec, Hecom, Smart Systems, CCC plumbing, Emre Carpentry yAbeso.

Ta planea pa termina e proyecto na principio di 2027. Una bes finalisa Stichting Monumentenfonds Aruba lo muda pa nan oficina nobo na e prome piso y e piso di abou lo keda di huur cu otro organisacion.

Na 2024 Stichting Monumentenfonds Aruba a cumpra e edificio for di famia Debrot y Monumentenbureau a apunta e edificio como monumento protegi. E proyecto lo ta financia pa Nationaal Restauratiefonds na Hulanda y Aruba Bank N.V.

Historia Cas Debrot

Jose Maria (Boy) Debrot, un comerciante di Boneiro debi na e boom economico di Aruba, cu e yegada di e refineria, a dicidi di bin biba akinan cu su mayornan. Ora cu nan a yega Aruba na 1929, nan a habri un general store na Nassaustraat 94, banda di e parcela unda despues lo a construi Cas Debrot. E tienda tabata opera bou di e firma E.F. Debrot Sucs Inc., nombra pa su tata, Eduard Ferdinand Debrot. E negoshi di importacion y exportacion na Aruba, tabata bende entre otro rum, gin, jukebox te cu mueble pa oficina y air conditioners.
Na 1929 Jose Maria a casa cu Elia Capriles, di Puerto Cabello, Venezuela y a bay un luna di miel largo na Europa. Probablemente durante e periodo aki, e construccion di nan cas di famia combina cu un espacio comercial a inicia y a keda completa despues di nan regreso. Ora e cas tabata cla, a muebl’e cu articulonan cumpra na Europa. E artista Pandelis a pinta e storia di Red Riding Hood riba e murayanan di e camber di Edward y su ruman Oswald, pero lamentablemente, a verf riba dje ora a huur e cas. Famia Debrot a biba den e cas te na 1941 prome cu a muda pa Venezuela durante di Dos Guera Mundial.

E edificio a pasa pa varios cambionan den historia y a sirbi un rol importante den bida comercial di Oranjestad como entre otro oficina di Hollandsche Bank Unie, consolado di Venezuela, Debrot Hardware Store, Nassau Shoe Shop, Theresita’s Beauty shop y mas.
Den aña 1950, e piso abou a bira e oficina di Hollandsche Bank Unie N.V., mientras cu consulado Venezolano tabata localisa na e di dos piso te cu añanan 70. Su estilo arkitectonico actual ta refleha un impresionante diseño Neo-Barok Latino-Americano. E diseño original tabata contene un balcon dilanti cu portanan dobel, tres set di porta dobbel na e piso di abou y un set di porta dobbel pa bay na e piso di ariba. Na e parti west tabata tin un bunita hardin di rosa cu decoracion di hekwerk di hero.

Adres

Avenida Milio Croes 26
Oranjestad

Openingstijden

Maandag 08:00 - 17:00
Dinsdag 08:00 - 17:00
Woensdag 08:00 - 17:00
Donderdag 08:00 - 17:00
Vrijdag 08:00 - 17:00

Telefoon

+2975824014

Meldingen

Wees de eerste die het weet en laat ons u een e-mail sturen wanneer Stichting Monumenten Fonds Aruba nieuws en promoties plaatst. Uw e-mailadres wordt niet voor andere doeleinden gebruikt en u kunt zich op elk gewenst moment afmelden.

Contact Opnemen Met De Organisatie

Stuur een bericht naar Stichting Monumenten Fonds Aruba:

Snelkoppelingen

Delen

Non-profit Organisaties in de buurt