31/10/2026
💙💛 PROTECCION TA UN RESPONSABILIDAD COMPARTI!
Awe, 31 di oktober, Soroptimist International Club Aruba (SICA) a organisa un charla informativo bou di e tema “Het Verdrag van Istanbul – De Architectuur van Bescherming”, na Educampus.
Durante e encuentro, nos keynote speaker Mr. Drs. Michella van Loon a profundisa den e importancia di e Convenio di Istanbul y con prevencion, legislacion, colaboracion entre diferente instancianan y responsabilidad comparti ta forma e fundeshi di un proteccion efectivo contra violencia dirigi na hende muhe y mucha muhe.
🧡 Proteccion no ta responsabilidad di un solo persona of instancia. E ta un compromiso di nos tur.
Cu e iniciativa aki, SICA ta sigui promove conscientisacion, educacion y colaboracion entre diferente sector di nos comunidad, pa contribui na un Aruba mas seguro, husto y respetuoso pa tur hende.
Nos ta gradici nos keynote speaker pa comparti su conocemento y tur representante di e cadena hudicial y partnernan presente pa nan participacion y compromiso.
✨ Hunto nos por crea cambio. Pasobra un comunidad mas sigur ta cuminsa cu conocemento, comprension y accion.