Go Cultura Foundation

Routebeschrijving Website Contact opnemen met de organisatie

Go Cultura Foundation Founded in 2017 to give greater prominence to Aruba's Cultural and Creative Industries.

Un combersacion habri y constructivo cu e directora nobo di Unoca, Raquel Lampe, tocante e presente y futuro di cultura ...
12/11/2026

Un combersacion habri y constructivo cu e directora nobo di Unoca, Raquel Lampe, tocante e presente y futuro di cultura y creatividad na Aruba.
Nos ta aprecia e oportunidad pa intercambia idea, comparti perspectiva y explora posibilidadnan di colaboracion pa 2027.
Masha danki pa e invitacion y pa e dialogo sincero. Nos ta desea e directiva nobo hopi exito den e capitulo aki.

Diahuebs cu a pasa directora di UNOCA hunto cu Edjean Semeleer y Arthur Loefstok di Go Cultura Foundation a tene un combersacion riba tereno di cultura.

Durante e encuentro aki, a intercambia idea y perspectiva tocante e importancia di cultura, su desaroyo y e oportunidatnan pa sigui fortalece e sector cultural na Aruba.

Mas cu 1.200 respuesta na nos invitacion. Masha, masha danki! 🧡Danki na tur hende cu a participa, comparti y anima un co...
22/10/2026

Mas cu 1.200 respuesta na nos invitacion. Masha, masha danki! 🧡

Danki na tur hende cu a participa, comparti y anima un colega pa participa. E respuesta aki ta nifica hopi pa nos.

Tras di e musica, e disfras, e foto, e diseño y e show tin hende ta traha. Cu e mapping, nos kier compronde con bo ta traha, con bo ta genera entrada y cua apoyo bo mester. E informacion aki por yuda guia decisionnan y apoyo pa nos sector.

Bo tin chens ainda! Awe, 22 di october, ta e ultimo dia.

⏰ E encuesta ta cera awe nochi, 11:59 PM, ora di Aruba.

Bo ta activo den cultura of creatividad na Aruba? Conta nos di bo trabou. Completa e encuesta te final.
🔗 Participa aki: https://bit.ly/4qpOE9p

Bo a complet’e caba? Manda e link pa un colega. Su experiencia tambe ta conta.

21/10/2026

Masha danki Genevieve y Ghislaine! 🧡✨

Bo trabou ta conta. Bo a participa caba?E encuesta di e mapping di nos Industrianan Cultural y Creativo ta cera dia 22 d...
21/10/2026

Bo trabou ta conta. Bo a participa caba?

E encuesta di e mapping di nos Industrianan Cultural y Creativo ta cera dia 22 di october, 11:59 PM, ora di Aruba.

Nos a papia di talento, trabou, entrada y oportunidad. Pero pa compronde nos sector, nos mester tende di e hendenan cu ta forma parti di dje. Tambe di bo.

Con bo ta traha? Con bo ta genera entrada? Kico ta stroba bo? Cua apoyo bo mester?

Bo experiencia ta yuda completa e panorama. E mapping ta reuni informacion di nos sector pa yuda guia decisionnan y apoyo.

Yena e encuesta. Link den bio.

Bo a participa caba? Danki! Manda e invitacion pa un colega cu ta activo den cultura of creatividad.

22 october · 11:59 PM · Ora di Aruba

Fotonan: ArtNPhotoAruba / Xclusivo Magazine; Elisa Lejuez; Xclusivo Magazine; Edjean Semeleer; Art by Rani; archivo Go Cultura Foundation.

20/10/2026

Bo experiencia mester conta ora ta tuma decisionnan tocante nos sector. 🇦🇼

⏳ E encuesta ta cera diahuebs awor, 22 di october.
👉 Participa: https://bit.ly/4qpOE9p

Nos ta papia hopi di mas reconocemento, oportunidad y sosten pa cultura y creatividad na Aruba. Pa sostene e peticionnan ey cu evidencia, nos tin mester di tende e hendenan cu ta forma parti di e sector.

Investigador Thaïs Franken ta haci un yamada personal: comparti bo experiencia. Bo sa kico ta funciona, kico ta stroba bo y kico bo tin mester pa sigui crea.

Si bo ta activo den cultura of creatividad na Aruba, cu of sin pago, e encuesta aki ta pa bo.

E ta un encuesta detaya. Reserva tempo pa yen’e te na final. Bo respuestanan ta confidencial.

Masha danki, Thaïs, pa yuda nos haci e yamada aki. 🧡 Si bo mes a participa caba, manda e link pa un otro creativo cu ainda mester yen’e.

19/10/2026

“Loke pa hopi hende ta entretenimiento, pa nos ta trabou.” 🎙️

Bo ta custumbra tende Lyonel Dirksz riba radio of mir’e MC un evento of te hasta anima un fiesta. Awe, e kier tende abo.

Bo ta activo den cultura of creatividad na Aruba? Con bo ta traha, kico ta stroba bo y cua apoyo bo mester ta importante pa compronde nos sector.

P’esey Go Cultura y Impact Hub Aruba ta haci e mapping, cu apoyo di Oficina di Turismo di Aruba: pa reuni informacion di e hendenan den nos Industrianan Cultural y Creativo y yuda guia decisionnan y apoyo.

Bo experiencia ta parti di e panorama.

⏳ E encuesta ta cera dia 22 di october, 11:59 PM, ora di Aruba.

🔗 Tuma e tempo pa completa e encuesta te final: https://bit.ly/4qpOE9p

Danki, Lyonel, pa duna bo stem na e invitacion aki. 🙏🏽

Bo a participa caba? Manda e video pa un colega cu ainda mester participa.

Bo ekipo no ta un luho. E ta parti di bo trabou.Bo camara. Bo microfon. Bo mashin di cose. E tela y plumanan pa e disfra...
19/10/2026

Bo ekipo no ta un luho. E ta parti di bo trabou.

Bo camara. Bo microfon. Bo mashin di cose. E tela y plumanan pa e disfras.

Na Barbados, bo no ta paga impuesto di importacion riba cierto ekipo y material si bo solicitud ta aproba y bo ta cumpli cu e condicionnan. Profesionalnan cultural registra por pidi e permiso aki.

Y na Aruba? Cua ekipo bo mester pa traha? Kico ta stroba bo pa inverti den bo trabou?

E mapping ta reuni informacion di nos trabou, entrada y necesidadnan pa yuda guia decisionnan y apoyo.

E mapping ta un investigacion, no un solicitud pa apoyo.

Conta nos di bo trabou.
👉 Yena e encuesta di e mapping.
🔗 https://bit.ly/4qpOE9p

Fuente: National Cultural Foundation, Barbados.
Fotos: Rygel Isabella via Xclusivo Magazine; Elisa Lejuez via su website oficial.

Turismo y cultura. Nos ta conta nos propio storia? 👀Nos musica. Nos baile. Nos artesania. Nos conocemento.Ora nos compar...
17/10/2026

Turismo y cultura. Nos ta conta nos propio storia? 👀

Nos musica. Nos baile. Nos artesania. Nos conocemento.

Ora nos comparti cultura cu bish*tantenan, ken ta conta e storia? Y con e hendenan cu ta crea y mantene esey bibo ta beneficia?

Na Jamaica, UNESCO a documenta Rastafari Indigenous Village como un comunidad cu su mes ta dirigi su experiencia cultural y ta colabora cu turismo. Miembronan di e comunidad ta comparti nan musica, artesania, cuminda y manera di biba cu bish*tantenan.

Y na Aruba? Con turismo por yuda nos sector prospera?

Turismo ta genera trabou pa bo? Bo tin espacio pa bo propio creacionnan? Kico mester mehora den e colaboracion?

Prospera tambe kiermen: tin espacio pa crea, conta nos propio storia y pasa nos conocemento pa e siguiente generacion. E pregunta ta relevante pa nos tradicionnan y pa nos creadornan di awe tambe.

Pa yuda guia decisionnan y apoyo, mester conoce e realidad di e hendenan den nos sector: nan trabou, entrada, oportunidadnan y necesidadnan. E mapping ta reuni e informacion ey.

Conta nos di bo trabou. Yena e encuesta. Link den bio.

Bo no mester traha cu turismo pa participa.

💬 Kico bo lo kier mira den e colaboracion entre turismo y cultura na Aruba?

Fuente: UNESCO, 2023, p. 148; Rastafari Indigenous Village. E ehempel ta mustra un modelo dirigi pa e comunidad, no un calculacion di su impacto economico. E comunidad actualmente ta reporta dificultad pa ricibi bish*tantenan door di un proyecto di caminda.

Fotonan: Aruba Tourism Authority; Rastafari Indigenous Village; archivo Go Cultura Foundation.

Why does Go Cultura Foundation map Aruba's creative industries?Because you cannot protect what you cannot see.You cannot...
19/05/2026

Why does Go Cultura Foundation map Aruba's creative industries?

Because you cannot protect what you cannot see.

You cannot write policy for a sector with no documented size. You cannot allocate funding to an industry with no verified data. You cannot argue for practitioners whose contributions have never been formally counted.

The CCI Mapping project makes the invisible visible.
We are now in the final stages of our follow-up quantitative survey. New data. More voices. Sharper findings.

The sector contributed to this work. The sector deserves to see it used.

This week we start sharing what the data shows.

Go Cultura Foundation CCI · Aruba · gocultura.org

Adres

Washington 192
Noord

Openingstijden

Maandag 09:00 - 17:00
Dinsdag 09:00 - 17:00
Woensdag 09:00 - 17:00
Donderdag 09:00 - 17:00
Vrijdag 09:00 - 17:00

Meldingen

Wees de eerste die het weet en laat ons u een e-mail sturen wanneer Go Cultura Foundation nieuws en promoties plaatst. Uw e-mailadres wordt niet voor andere doeleinden gebruikt en u kunt zich op elk gewenst moment afmelden.

Contact Opnemen Met De Organisatie

Stuur een bericht naar Go Cultura Foundation:

Snelkoppelingen

Delen

Non-profit Organisaties in de buurt