Fundacion Kapel di Bethania

19/03/2026

Awe e trabao di renobacion a yega na e toren di Kapel di Bethania. Cu esey e toren a wordo kita y trec'i abao pa por traha riba dje miho y pa asina por restaura e bell y haci funciona bek manera antes.

Den e trabao di awe a bin realisa cu e bell yama Henrica Dominca, nomber di e co-fundadora di e Ordo Dominicanessnan di Bethania, ta den su di 100 aniversario di a wordo basha na aña 1926. Den e museo di Kapel di Bethania nos por lesa cu e bell tabata pertenece na un klooster na Hulanda prome cu a wordo trec'i Aruba na 1958 hunto cu e resto di e mueblesnan di e Kapel.

Trabaonan di renobacion ta bayendo den bon direction y pronto Kapel y su museo lo ta cla pa habri bek pa pueblo.

23/01/2026

24/12/2025

Un reflexion  riba aña 2025 como un aña cu tabata yen di retonan, pero tambe di hopi bendicion y logro. Durante e aña, nos a enfrenta diferente dificultadnan, entre nan…

25/11/2025

Trabaonan di mantencion y renobacion a cuminsa na Kapel di Bethania 🙌🏼

07/11/2025

Siman pasa, Fundacion Kapel di Bethania a celebra su di 5 anniversario di existencia cu un Santo Sacrificio di Misa cu su boluntarionan y tur cu a yuda durante e 5 aña nan aki.
Un danki di curason ta bay na tur cu a apoya y aporta na nos actividad nan.

Keda pendiente pa bon noticia 🙌🏼

27/10/2025

E siman aki Fundacion Kapel di Bethania ta celebra su di 5 aniversario di existencia cu un Santo Sacrificio di Misa.

06/10/2025

275 aña pasa, nos antepasadonan cu a pone nan fe den Dios a construi un Kapel leu den desierto patras di Alto Vista. Cu tempo e Kapel a deteriora y a wordo lubida.
Na aña 1952 a construi un Kapel nobo dedica na "Nos Señora Reina di Santisimo Rosario", miho conoci como Virgen di Alto Vista.

Awe nos por ta orguyoso di por celebra 275 aña di Fe y di Amor refleha den nos propio Kapel di Alto Vista.

06/08/2025

Na final di e campamento di Hunto Mane Un Famia, e hobennan a haci un peregrinacion pa Kapel di Alto Vista, unda ta e Sitio Santo di Aña Hubileo 2025. Aya, Pastoor Morison Laporte a celebra e Hubileo Hubenil cu e hoben.

05/08/2025

E aña aki un biaha mas e grupo Hunto Mane Un Famia a organisa un campamento hubenil serca nos na Kapel di Bethania. E hobennan a keda un weekend unda nan a siña, resa, alaba Señor y celebra e Hubileo Hubenil.
Fundacion Kapel di Bethania kier a gradici tur esnan cu a copera di un manera of otro pa e hobennan por a pasa un dushi campamento.

25/06/2025

Diadomingo pasa, un biaha mas nos a celebra e Solemnidad di Corpus Christi den Kapel di Bethania cu un dia di adoracion, alabansa y oracion.

15/06/2025

Un biaha mas e aña aki Fundacion Kapel di Bethania ta invita pueblo di Aruba pa un dia di adoracion riba Solemnidad di Corpus Christi.
Mainta lo tin e prosecion saliendo for di Parokia Santa Anna Noord. Manera custumber lo bay tin diferemte gruponan di oracion durante e dia pa guia e adoracion na Santisimo Sacramento di Altar.