17/03/2026
Lesers,
Die Breedevallei Belastingbetalersvereniging het besluit om die eiendom waardasies vir die tydperk 2026/31 te ondersoek.
Die besluit is geneem omrede verskeie belastingbetalers besondere besware teen die waardasierol gestel het.
U MOET ook in ag neem dat die eiendom teen MARKWAARDE waardeer is!
Die proses wat gevolg word deur munisipale amptenare, betrokke by waardasies, met aanvang van 'n algemene waardasie vanaf die tender uitgegee is tot en met die sitting van die Appèlraad. Ons sal ook insae wil hê in die tenderkontrak wat gesluit is met HCB Valuations;
Met die ondersoek is daar eers gelet op die gemiddelde verhoging van die onderskeie gebiede. Die vergelyking is gedoen gebaseer op die 2021/26 waardasierol. Die resultaat is soos volg:
Worcester 45,2%
De Doorns 43,2%
Rawsonville 46,6%
Touwsrivier 55,3%
Deeltitels 55,2%
Plase 21,2%
Gemiddeld 35,8%;
Dit wil ook voorkom dat daar inkonsekwentheid is met die waardasies van soort gelyke eiendomme;
Is eiendoms verkope gebruik om te kontroleer vir enige inkonsekwente waardasies?
Al die eienaars het nie kennis ontvang van die waardasies nie;
Alle eiendomme is nie teen markwaarde gewaardeer nie;
Die rol is waarskynlik nie deur 'n bevoegde persoon hersien nie;
Watter vereistes is aan die waardeerder en data versamelaars gestel. Hoeveel eiendomme is in werklikheid besoek deur die data versamelaars?
Watter inligting is aan die waardeerder gegee voor waardasies gedoen is, spesifiek met betrekking tot:
Die jaar van lugfoto’s van BVM waarvan af gewerk is, of is daar slegs gebruik gemaak van Google maps?
Is munisipale rekords met betrekking tot aanbouings, hersonerings ens. aan die waardeerder voorsien?
Die BBV het die munisipaliteit versoek om te vergader om bogemelde kwessies te bespreek en dat die vergadering op 18 of 20 Maart 2026 kan geskied.
