Boland Landbou Ondersteuners Bond

14/10/2026

08/10/2026

Baie geluk aan DP Burger (MX 1989), oudstudent van Boland Landbou, wat gekies is as kaptein van die Protea-span wat Suid-Afrika gaan verteenwoordig by die EFSA Boot & Lyn-kampioenskappe.

Die kampioenskappe vind van 9 tot 13 November in Struisbaai plaas, waar spanne van nege internasionale lande byeenkom om aan hierdie gesogte kompetisie deel te neem.

Dit is ’n besondere prestasie vir DP en ’n groot eer om as kaptein van die Suid-Afrikaanse span aangewys te word.

Ons wens jou en die hele Protea-span alle sterkte en sukses toe vir die kampioenskappe!

Boland Landbou is trots op jou.

07/10/2026

🏆🇿🇦 BAIE GELUK, PAUL-DANIEL! 🇿🇦🏆

Tydens die SA Jukskei Meesterstoernooi, wat van 28 September tot 2 Oktober in Kroonstad plaasgevind het, is Boland Landbou oudstudent Paul-Daniel Marais (Matriek 1988) gekies vir die SA Meesters-span! 👏

Wat ’n besonderse prestasie! Ons is trots op jou, Paul-Daniel, en wens jou baie geluk met hierdie welverdiende eer. 💪

Boland Landbou is trots op sy oudleerders! 🖤💛

07/10/2026

📢 AANKONDIGING!

Dit is met groot opgewondenheid en trots dat ons ons Hoofleiers vir 2027 bekendstel!

Baie geluk aan:
✨ Hoofseun:
Matthew Geldenhuys
✨ Onderhoofseun:
Divan Meyer

Julle is gekies om te lei – omdat julle die vermoë het om ander te inspireer om meer te glo in hulleself.

"Ons maak 'n bestaan uit wat ons kry. Ons maak 'n lewe deur wat ons gee."
Winston Churchill

Ons vertrou julle om ons skool met integriteit, diens en visie te lei. Die hele Boland Landbou-gemeenskap staan agter julle!

07/10/2026

05/10/2026

⛳️ Boland Landbou Ondersteunersbond Gholfdag

📅 22 Oktober 2026

Kom kuier saam op die gholfbaan! 🏌️‍♂️
Wil jy ’n vierbal inskryf, ’n prys skenk, ’n natgat borg of net lekker deel wees van die dag?

Kontak Lizette by 083 500 3333 of [email protected].

Ons sien uit om julle daar te hê! ⛳️🌾

05/10/2026

BOLAND LANDBOU KUIER IN FRANKRYK

Eenkeer ’n oudstudent, altyd deel van die skool! 🖤

As jy as oudstudent hoor jou skool kuier nou in jou land, maak jy moeite om hulle te sien! En dit is presies wat Johan van der Westhuizen, matriek 2006, gedoen het.

Johan woon die afgelope vyf jaar saam met sy vrou en drie kinders in Frankryk, in die pragtige dorpie Cordes-sur-Ciel. Hy werk by ’n "college" vir die Departement van Tarn.

Maar sy liefde vir rugby het hy beslis nie in Suid-Afrika agtergelaat nie! 🇿🇦🏉 Johan was vir drie jaar ’n skeidsregter in Frankryk en is tans die afrigter van die O/16-rugbyspan by SCA (Sporting Club Albigeois) in Frankryk.

Johan, baie dankie dat jy die moeite gedoen het om ons te kom ontmoet. Dit was ’n voorreg en verseker ook ’n groot eer vir ons seuns om jou te kon ontmoet.

Dit wys net weer, waar jy ook al in die wêreld is, jou skool bly altyd deel van jou hart. 🖤💛

Dankie, Johan, en sterkte met alles wat voorlê! 🇿🇦🇫🇷

04/10/2026

Baie geluk aan Divan Meyer (graad 11) wat gekies is vir die Youth Olympic Games se sewes-rugbyspan! 🏉 Hierdie enorme prestasie is 'n bewys van jou uitsonderlike talent en toewyding.

Einde Oktober vertrek hy na Dakar, Senegal om ons land te verteenwoordig. Die hele HLB-gemeenskap staan agter jou en wens jou alle sterkte toe!

Gaan groot, Divan! 🇿🇦🔥

28/09/2026

🇿🇦 BOLAND LANDBOU OUDSTUDENTE – WAT ’N PRESTASIE! 🇿🇦

Wat ’n besondere prestasie om op trots te wees!

Pa Dreyer van Niekerk (matriek 1992) en sy seun JD van Niekerk (matriek 2017) het weereens hul SA-kleure verwerf in "Inflatable Powerboat Racing"! 🏆🇿🇦

En asof dit nie genoeg is nie, is Dreyer aangewys as Kaptein van die Suid-Afrikaanse span – ’n besonderse eer en ’n bewys van sy leierskap, toewyding en passie vir die sport. 👏🚤

Die Boland Landbou Oudstudente is ongelooflik trots op julle!

Baie geluk, Dreyer en JD! Julle laat die Boland Landbou-familie met trots regop staan. 🇿🇦

Eenmaal ’n Bolander, altyd ’n Bolander! 💪🌾