Voortrekkers Somerset Wes

05/08/2026

Baie dankie aan skole wat hierdie uitmuntende prestasie nog erken. Ons is saam trots!

𝗛𝗼𝗼𝗴𝘀𝘁𝗲 𝗩𝗼𝗼𝗿𝘁𝗿𝗲𝗸𝗸𝗲𝗿-𝗲𝗲𝗿 𝘃𝗶𝗿 𝗔𝗻𝗻𝗮𝗹𝗶𝗲𝗻

Baie geluk aan Annalien Spies wat die Voortrekkers se Presidentsverkenner-toekenning ontvang het, die hoogste prestasie wat ’n Voortrekker op skoolvlak kan behaal.

Hierdie besondere prestasie getuig van Annalien se toewyding, deursettingsvermoë en leierskap. Ons is ongelooflik trots op haar en wens haar alle voorspoed toe vir die toekoms.

Bloemhof vier saam met jou hierdie merkwaardige mylpaal!

31/07/2026

𝗔𝗱𝗮𝗺 𝗧𝗮𝘀 & 𝗟𝗶𝗲𝘇𝗲𝗹 𝗣𝗶𝗲𝘁𝗲𝗿𝘀 𝘀𝗽𝗮𝗻 𝘀𝗮𝗮𝗺 𝘃𝗶𝗿 𝗻𝘂𝘄𝗲 𝗩𝗼𝗼𝗿𝘁𝗿𝗲𝗸𝗸𝗲𝗿-𝗚𝗲𝗱𝗲𝗻𝗸𝗹𝗶𝗲𝗱

"Twee van Suid-Afrika se geliefde sangers, Adam Tas en Liezel Pieters, het kragte saamgesnoer vir die vrystelling van ’n nuwe gedenklied wat die geskiedenis en toekoms van Die Voortrekkers vier.

Met lirieke wat diep gewortel is in tradisie, geloof en gemeenskap neem Rotsvas luisteraars op ’n reis deur die geskiedenis van die organisasie. Die lied begin by die stigting van Die Voortrekkers in 1931 en herinner aan die invloed wat die beweging reeds oor verskeie geslagte heen gehad het..."

Leeshttps://juignuus.co.za/adam-tas-liezel-pieters-span-saam-vir-nuwe-voortrekker-gedenklied/

31/07/2026

Ons spog met 5 Presidents Verkenners hierdie jaar.

Baie geluk julle almal!

04/07/2026

Sterkte julle. Ons is reeds so trots en glo in julle!

Presidentverkenners rond hul Voortrekkerreis af

WEMMERSHOEK – Die Presidentverkenner-afrondingsgeleentheid is tans by Wemmershoek Voortrekkerkampterrein aan die gang, waar Presidentverkennerkandidate van regoor Suid-Afrika die laaste mylpaal van hul Voortrekkerreis as jeuglede voltooi.

Gedurende die geleentheid word kandidate uitgedaag om hul leierskap, deursettingsvermoë, spanwerk en karakter te bewys terwyl hulle verskeie praktiese en persoonlike uitdagings aanpak. Die afronding vorm die hoogtepunt van jare se harde werk, toewyding en diens binne Die Voortrekkers.

Vir baie van die deelnemers is hierdie geleentheid nie net die voltooiing van die hoogste jeugprestasie binne Die Voortrekkers nie, maar ook 'n besondere herinnering en bevestiging van die waardes en lewenslesse wat hulle op hul Voortrekkerpad geleer het.

01/07/2026

16/06/2026

🇿🇦 Gelukkige Jeugdag! 🇿🇦

Die toekoms van Suid-Afrika lê in die hande van jongmense wat bereid is om met geloof, moed en karakter ’n verskil te maak.

Soos ’n enkele kers die donker verdryf, kan een jong mens hoop aansteek, ander inspireer en ’n blywende impak op die wêreld hê. Elke keuse wat vandag gemaak word, bou aan môre se Suid-Afrika.

By Die Voortrekkers glo ons daarin om jongmense toe te rus om doelgerig te leef, verantwoordelik te lei en met oortuiging hulle lig te laat skyn.

Die toekoms begin by jou.

Kontak ons gerus vir meer inligting.

01/06/2026

NASIONALE STAATMAKERSAAMTREK 2026

Maak gereed vir ’n week van avontuur, vriendskap en onvergeetlike herinneringe!

📍 Wemmershoek kampterrein, Stellenbosch�📅 6 tot 12 Desember 2026
Kom beleef:�🏔️ Die asemrowende Tafelberg�🌊 Strand en see�🔥 Kampvure en saamkuier�🤝 Nuwe vriende van regoor Suid-Afrika�💙 Die ware Voortrekkergees

Hier word leiers gevorm.�Hier word STAATMAKERS gebou.

Merk solank die datum in jou kalender — moenie hierdie saamtrek misloop nie!

Skryf hier in: https://www.skryfin.voortrekkers.co.za

Skryf hier in en word vandag nog ‘n Voortrekker:
https://registrasie.voortrekkers.co.za/

Kontak ons gerus vir meer inligting oor Die Voortrekkers:
📧 [email protected]
📞 012 329 6011…

01/06/2026

Die donker verdwyn nie deur daaroor te kla nie. Dit verdwyn wanneer iemand ’n lig aansteek.

Ons jeug kies om die lig te wees.

Kontak ons gerus vir meer inligting oor Die Voortrekkers:
📧 [email protected]
📞 012 329 6011

01/06/2026

Die Somerset-Wes kommando het weer die GRAAD 7 Medemens spesialisasie aangebied met die samewerking van ons ons kamp leier Tertia, van Kanonkop.
Wat 'n wonderlike naweek van leer liefhê op die maniere waarin Jesus vir ons tot voorbeeld was. Dit is immers al wat die wêreld kan verander!

14/05/2026

Hemelvaart 2026

Die hemelvaart van Christus was nie ’n einde nie - dit was ’n troonbestyging.

Die dissipels het opgekyk en gewonder waarom Hy gaan, maar Hemelvaart wys vir ons: Jesus het nie verdwyn nie - Hy regeer.

Tussen hemel en aarde leef ons dikwels met vrae, onsekerheid en swaarkry.
Ons verstaan nie altyd die pad nie, maar Hemelvaart herinner ons daaraan dat die Een wat vir ons gesterf het, ook die Een is wat nou vir ons intree.