Solidariteit Helpende Hand - Wes-Kaap Streek

Solidariteit Helpende Hand - Wes-Kaap Streek Gaan gerus na weskaaphand.co.za vir meer inligting. Geen inligting van enige persoon wat hulp versoek, sal aan die publiek bekend gemaak word nie.

SOLIDARITEIT HELPENDE HAND: HUISREËLS VIR FACEBOOK-BLAD
Welkom by Solidariteit Helpende Hand se amptelike Facebook-blad. Helpende Hand is ʼn niewinsgewende organisasie wat fokus op die opheffing van gemeenskappe deur maatskaplik-gebaseerde gemeenskapsontwikkeling vir die volgende kwesbare groepe:
• Kinders
• Gesinne
• Persone met gestremdhede
• Ouer persone
Dít realiseer deur ’n verskeidenhei

d van projekte en programme wat in die onderskeie streke van stapel gestuur word. Ons waardes is in lyn met Facebook se gemeenskapswaardes Jy is welkom om jou opinie te lug, maar indien jy kru taal, rassistiese uitlatings of enige onvanpaste kommentaar lewer wat teen ons en Facebook se gemeenskapswaardes is, sal jy van die blad verban word. Solidariteit Helpende Hand se gemeenskapswaardes is soos volg:
1) Privaatheid en persoonlike veiligheid: ons ag die privaatheid van ons verbruikers, veral van begunstigdes, hoog. Dit sluit die identiteit en besonderhede oor alle aansoeke/versoeke via digitale media in. Die veiligheid van ons verbruikers is van kardinale belang. Geen boeliegedrag, teistering, intimidering of pespos sal geduld word nie. Beskerm jouself. Wees versigtig oor watter persoonlike inligting jy aanlyn deel. Gevolglik word geen hulpversoeke op kommentaar in plasings of via ʼn derdepartyboodskap op ons blad toegelaat nie.

2) Verantwoordelike en etiese optrede: daar mag onder geen omstandighede enige wanvoorstelling van enige instansie of persoon gemaak word nie. Alle kommentaar moet volgens die visie en missie van Helpende Hand wees.

3) Eer verskille en toon respek vir ander se menings: toon begrip vir ander se demografie, kultuur, geslag, ras, kleur, geloof, godsdiens, etnisiteit, seksuele oriëntasie, geslagsidentiteit, nasionale oorsprong, burgerskap, ongeskiktheid of huwelikstatus.

4) Kommentaar/inhoud oor die volgende onderwerpe is streng verbode:
- Haatspraak teenoor enige instansie of individu
- Negatiewe kommentaar teenoor ander werknemers of teenoor Helpende Hand
- Aanhitsing tot geweld
- Rassisme
- Seksisme
- Laster
- Kru taalgebruik
- Ander aanstootlike inhoud
- Pornografiese materiaal of kommentaar
- Strooipos of bemarking van jou produk of diens

5) Beskerm ons kinders: Geen foto’s van kinders mag deur derdepartye in Solidariteit Helpende Hand se kommentaarafdeling geplaas, of via ’n persoonlike boodskap aan ons versprei word nie. Solidariteit Helpende Hand vervul nié die volgende funksies nie:
Statutêre maatskaplike dienste:
Helpende Hand beskik nie oor die mandaat om enige vorm van statutêre maatskaplike diens te kan lewer nie, naamlik die beveiliging van kinders en enige ander optrede kragtens die Kinderwet (No. 38 van 2005). Die Afdeling Maatskaplikewerkdienste is egter bevoeg om raad en leiding oor die verskillende statutêre prosesse kragtens die bogenoemde wet te verskaf en persone na geregistreerde kinderbeskermingsorganisasies te verwys. Finansiële bystand:
Helpende Hand is ʼn niewinsgewende organisasie en kan dus nie finansiële bystand bied nie. Dit sluit onder andere die volgende uitgawes in:
 Verbands- of huuronkostes
 Elektrisiteitsrekeninge
 Herstelkostes aan wonings
 Trek- of reisonkostes
 Finansiële ondersteuning in terme van mediese aangeleenthede
 Begrafnisdienste
 Borgskappe
Behuising:
Helpende Hand beskik nie oor enige behuising nie. Die maatskaplike werker kan egter, waar moontlik, kontakbesonderhede van skuilings en ander hulpbronne voorsien, maar dit is die persoon se eie verantwoordelikheid om die betrokke hulpbronne te kontak.

24/08/2026

Hoendervleis oomblik!

𝗩𝗿𝘆𝘄𝗶𝗹𝗹𝗶𝗴𝗲𝗿𝘀 𝗶𝘀 𝘃𝗲𝗿𝘀𝗸𝗶𝗹𝗺𝗮𝗸𝗲𝗿𝘀!As dag 1 van die Helpende Hand-vrywilligerskongres ons met moed en hoop gevul het, het dag...
24/08/2026

𝗩𝗿𝘆𝘄𝗶𝗹𝗹𝗶𝗴𝗲𝗿𝘀 𝗶𝘀 𝘃𝗲𝗿𝘀𝗸𝗶𝗹𝗺𝗮𝗸𝗲𝗿𝘀!

As dag 1 van die Helpende Hand-vrywilligerskongres ons met moed en hoop gevul het, het dag 2 en 3 iets dieper wakker gemaak.

Ons het geluister, geleer, gelag en gehuil. Ons het saam gesing en stories gedeel. Maar bo alles het ons weer besef: ons klein bietjie omgee is deel van iets BAIE GROTER!

Meer as 500 vrywilligers van regoor Suid-Afrika het vir drie dae in Pretoria bymekaargekom. Onder hulle was 60 vrywilligers van die Wes-Kaap, gewone mense wat besluit het om buitengewoon baie om te gee.

Ek het hulle gevra: “Wat neem jy van hierdie drie dae saam met jou?” Die antwoorde het my diep geraak.

🌱Irma Lotz Swart van Brackenfell tak neem hoogtepunte saam wat sy nie net by Helpende Hand wil toepas nie, maar ook in haar persoonlike lewe. Sy het gesê Henk Schalekamp het haar herinner om nooit op te hou droom nie. Glo in dit wat jy wil bereik en waag ’n kans. ’n Klein begin kan met geloof en deursettingsvermoë tot groot dinge lei. Soos die voorbeeld van Akademia Connie Mulder se aanbieding het haar diep geraak. Soveelso dat sy met méér hoop teruggaan huistoe. Ons moet nie moedeloos word nie. Ons moet weer saamstaan en op die laagste vlak van ons samelewing begin om ’n verskil te maak. Een sukses kan ’n ander mens inspireer om dieselfde te doen. Tydens Hannes Noëth se sessie het dit vir haar uitgestaan dat mens nooit dit wat jy doen moet geringskat nie. Die kleinste positiewe bydrae in iemand se lewe kan ’n reuse verskil maak.

🌱Elma van Saldanhabaai tak beskryf die kongres as ’n herinnering aan ’n trotse nasie, sterk in geloof, regop en bereid om saam vorentoe te beweeg. ’n Kongres waar die goue draad van begin tot einde tasbaar was: ons bemagtig gemeenskappe om saam vorentoe te beweeg.

🌱Zurett van Durbanville tak sê iets wat dalk die hart van vrywilliger wees perfek vasvang: “Nooit in my wildste drome het ek ged**k my klein deeltjie omgee sal deel uitmaak van so groot OMGEE-masjien nie.” Sy het teruggekeer met ’n eenvoudige maar kragtige oortuiging: Ons WIL die verskil maak, ons KAN die verskil maak, ons GAAN die verskil maak! Want waar daar ’n WIL is, word dit die WEG.

🌱Karin van Paarl tak het teruggekeer as ’n "vernuwe mens". Sy vertel van trane van blydskap, trots, hartseer, empatie en geloof, maar ook van die lag en samesyn wat drie dae se saamwees gebring het. Haar opsomming van die drie dae? “Dáár waar Hy jou roep.”

En miskien is dit presies waar die uitnodiging vir elkeen van ons lê:

Jy hoef nie ’n groot organisasie te bestuur om ’n verskil te maak nie.

Jy hoef nie al die antwoorde te hê nie.

Jy hoef nie oor eindelose tyd of hulpbronne te beskik nie.

Jy moet net bereid wees om te sê: “Ek sal.”

Want êrens in jou gemeenskap is daar ’n kind wat iemand nodig het om in hom of haar te glo. ’n Bejaarde wat ’n bietjie omgee nodig het. ’n Jongmens wat ’n geleentheid nodig het.
’n Gemeenskap wat iemand nodig het wat bereid is om eerste op te staan. Dalk is JY daardie iemand!

1 Vrywilliger kan ’n verskil maak.
60 Vrywilligers kan ’n streek verander.
500 Vrywilligers kan ’n land begin beweeg.

Wil JY hiervan deel wees?
Word deel van die Helpende Hand-familie.
Word ’n vrywilliger, kom maak saam ’n verskil!

'𝐧 𝐌𝐚𝐦𝐦𝐚 𝐞𝐧 𝐡𝐚𝐚𝐫 𝐭𝐰𝐞𝐞 𝐤𝐢𝐧𝐝𝐞𝐫𝐬 𝐡𝐞𝐭 𝐉𝐎𝐔 𝐡𝐮𝐥𝐩 𝐧𝐨𝐝𝐢𝐠!'n Jong mamma in haar twintigs droom daarvan om vir haar twee klein kin...
24/08/2026

'𝐧 𝐌𝐚𝐦𝐦𝐚 𝐞𝐧 𝐡𝐚𝐚𝐫 𝐭𝐰𝐞𝐞 𝐤𝐢𝐧𝐝𝐞𝐫𝐬 𝐡𝐞𝐭 𝐉𝐎𝐔 𝐡𝐮𝐥𝐩 𝐧𝐨𝐝𝐢𝐠!

'n Jong mamma in haar twintigs droom daarvan om vir haar twee klein kinders 'n beter toekoms te skep. Sy het tans geen werk of familie wat haar kan ondersteun nie. Sonder kwalifikasies is dit moeilik om werk te kry, maar sy wil werk en op haar eie voete staan.

Haar oudste kindjie is vier jaar oud en het outisme, terwyl haar jongste slegs twee jaar oud is. Daar is dagsorgsentrums wat bereid is om die kinders gedurende die dag te ontvang, maar die mamma kan nie die kostes dra nie. As iemand daarmee kan help, sal dit die mamma die geleentheid gee om werk te soek en uiteindelik 'n inkomste te verdien.

Ons vra daarom vir ons gemeenskap: Maak hoop 'n werklikheid. Dra asseblief by tot die kinders se skoolfonds. Dit sal sorg dat hulle gedurende die dag veilig en versorg is, en dit sal die mamma 'n kans gee om werk te soek, onafhanklik te word en later self vir haar kinders te voorsien.

Elke bydrae, hoe klein ook al, kan die begin wees van 'n nuwe hoofstuk vir hierdie mamma en haar twee kinders.

Help ons om 'n mamma 'n kans te gee om op haar eie voete te staan.
Kontak Dané Kotze by [email protected] of 060 700 9410 vir meer inligting.

𝗗𝗶𝗲 𝘄𝗮𝗮𝗿𝗱𝗲 𝘃𝗮𝗻 𝗻𝗲𝘁𝘄𝗲𝗿𝗸𝗲 𝗲𝗻 𝗵𝗮𝗻𝗱𝗲 𝘄𝗮𝘁 𝘀𝗮𝗮𝗺𝘄𝗲𝗿𝗸!Baie dankie aan Die Dameskring vir die wonderlike skenking van hul Waarde...
24/08/2026

𝗗𝗶𝗲 𝘄𝗮𝗮𝗿𝗱𝗲 𝘃𝗮𝗻 𝗻𝗲𝘁𝘄𝗲𝗿𝗸𝗲 𝗲𝗻 𝗵𝗮𝗻𝗱𝗲 𝘄𝗮𝘁 𝘀𝗮𝗮𝗺𝘄𝗲𝗿𝗸!

Baie dankie aan Die Dameskring vir die wonderlike skenking van hul Waarde-pakket aan Ons Plek Helpende Hand Strand. Hierdie pakket bestaan uit waardevolle hulpmiddels vir kleuterskool onderwysers. Ons weet die maatjies én personeel by Ons Plek gaan dit terdeë geniet!

Niemand kan alles doen nie, maar as ons hande vat, kan ons baie doen. Saam maak ons 'n verskil, saam ondersteun ons mekaar en saam bou ons aan 'n sterker gemeenskap.

Dankie aan Die Dameskring dat julle deel is van hierdie netwerk van omgee en dat julle saam met ons in ons kinders belê!

23/08/2026

Wes-Kaap vrywilligers oppad na Helpende Hand kongres in Pretoria

𝟲𝟬 𝗩𝗿𝘆𝘄𝗶𝗹𝗹𝗶𝗴𝗲𝗿𝘀. 𝗘𝗲𝗻 𝗴𝗿𝗼𝗼𝘁 𝘃𝗲𝗿𝘀𝗸𝗶𝗹.Die afgelope drie dae het 60 vrywilligers van Helpende Hand Wes-Kaap saam met meer as...
23/08/2026

𝟲𝟬 𝗩𝗿𝘆𝘄𝗶𝗹𝗹𝗶𝗴𝗲𝗿𝘀. 𝗘𝗲𝗻 𝗴𝗿𝗼𝗼𝘁 𝘃𝗲𝗿𝘀𝗸𝗶𝗹.

Die afgelope drie dae het 60 vrywilligers van Helpende Hand Wes-Kaap saam met meer as 500 vrywilligers van regoor Suid-Afrika in Pretoria bymekaargekom vir ’n besondere geleentheid wat slegs elke vier jaar plaasvind.

Sommer met ons aankoms was daar ’n gevoel van opwinding in die lug. Want hier was mense wat almal dieselfde hart deel: mense wat 'n verskil maak in hulle gemeenskappe.

Die tema van die byeenkoms was “Welstand deur Werksyn +1”. ’n Tema wat ons herinner aan die waarde van betekenisvolle werk, betrokkenheid en die ekstra tree wat elkeen van ons kan gee.

Dag 1 het onder meer ’n uitstekende aanbieding deur Connie Mulder oor die Suid-Afrikaanse konteks vanuit ’n navorsingsoogpunt ingesluit. Dit was ’n aanbieding wat ons met nuwe moed, perspektief en hoop gevul het.

Ons het ook die geleentheid gehad om te sien wat Helpende Hand oral in Suid-Afrika doen. Vanaf die verskillende streke tot die talle projekte en inisiatiewe wat elke dag deur personeel én vrywilligers aangepak word.

En dit is dalk die mooiste deel van alles:

Elke dag is daar mense in Suid-Afrika wat kies om nie net te kyk nie, maar om iets te DOEN.
Mense wat bou. Mense wat omgee. Mense wat hoop bring. Mense wat ’n beter Suid-Afrika help skep.

Dag 1 was propvol inspirasie, nuwe idees en wonderlike ontmoetings. Ons 60 Wes-Kapenaars is met groot opgewondenheid reg vir wat dag 2 gaan bring!

Ons is vrywilligers. Ons is verskilmakers. Ons is Helpende Hand!

Maria en MartaSien wat ewig isOns ken Maria en Marta, twee susters van die dorpie Betanië, hoofsaaklik as die susters va...
23/08/2026

Maria en Marta
Sien wat ewig is
Ons ken Maria en Marta, twee susters van die dorpie Betanië, hoofsaaklik as die susters van Lasarus. Ander onthou Jesus se uitroep: "Marta, Marta ..." (Luk. 10:41), en d**k aan iemand wat haastig, selfs gespanne rondskarrel.
Hoewel hierdie twee volgelinge van Jesus ons 'n paar dinge kan leer oor angstig besig wees, selfs besig wees met dinge van die Here, is daar baie meer wat ons by hulle kan leer oor groei in ons verhouding met Jesus, oor werklik luister na sy Woord, en dan hierdie Woord uitleef in aktiewe geloof.
Hierdie vroue kan ons ook die verskil leer tussen dit wat ewigheidswaarde het en wat van minder belang is vir die ewigheid. Hulle kan ons baie wys oor die Here se geduld met sy dissipels en oor hoe Hy die volheid van sy planne ten uitvoer bring. Hulle kan ons 'n paar dinge wys oor die verskil tussen tyd en tydsberekening. Soos Maria en Marta sou uitvind, is Jesus die meester van volmaakte tydsberekening. Hierdie twee volgelinge van Jesus leer ons ook heelwat oor egte aanbidding, die soort aanbidding waarin Jesus behae het.

21/08/2026

Nog so 'n lusmakertjie van ons vrywilligers wat tans in Pretoria is by Helpende Hand se Nasionale Kongres.

Address

Somerset West

Website

Alerts

Be the first to know and let us send you an email when Solidariteit Helpende Hand - Wes-Kaap Streek posts news and promotions. Your email address will not be used for any other purpose, and you can unsubscribe at any time.

Shortcuts

Share

Category