22/08/2026
https://web.facebook.com/share/p/1FTVz3T1Jh/
Avontuur, modder en ’n bietjie kleur – die Ventersdorp 4x4-dag het dit alles!
Kom wys jou kleur deur jou hare te kleur en terselfdertyd pleegsorg te ondersteun.
Wys jou kleur, maak ’n verskil – een kind, een avontuur, een toekoms op ’n slag!
Gemeente Ventersdorp bied ’n 4x4-dag en basaar aan. Dit vind by die Trimpark te Ventersdorp plaas. Kom geniet ’n dag vol avontuur en plesier met 4x4-uitdagings en heerlike eetgoed, soos sosaties (soos net Ventersdorp dit kan maak!), boerewors, jaffels, pannekoek, sampioen/worsie op ’n stokkie en biltong. Daar sal ook iets te drinke wees, en natuurlik aktiwiteite vir kinders en stalletjies vir mamma en pappa. Die toegangsfooi vir volwassenes en hoërskoolkinders is R40 en R10 vir laerskoolkinders. Inskrywingsfooi vir die 4x4-baan is R300, maar diegene wat vroegtydig inskryf, betaal net R250! Kom kyk hoe die 4x4-bestuurders die hindernisse baasraak of selfs geblinddoek die baan aanpak! Moenie dié dag misloop nie! Skakel vir Christelle by 078 463 7434 vir meer inligting.
Meer hieroor op https://web.facebook.com/nederduitshervormdegemeente.ventersdorp
