Die Voortrekkers

Home
South Africa
Pretoria
Die Voortrekkers

Die Voortrekkers is ‘n jeugorganisasie wat lede toerus om positiewe bydraes te lewer as landsburgers.

Die Voortrekkers is ’n kultuurbeweging wat die moderne Afrikaner, en veral sy jeug bemagtig om as positiewe burgers en konsekwente Christene suksesvol te wees in roeping tot diens.

16/06/2026

🇿🇦 Gelukkige Jeugdag! 🇿🇦

Die toekoms van Suid-Afrika lê in die hande van jongmense wat bereid is om met geloof, moed en karakter ’n verskil te maak.

Soos ’n enkele kers die donker verdryf, kan een jong mens hoop aansteek, ander inspireer en ’n blywende impak op die wêreld hê. Elke keuse wat vandag gemaak word, bou aan môre se Suid-Afrika.

By Die Voortrekkers glo ons daarin om jongmense toe te rus om doelgerig te leef, verantwoordelik te lei en met oortuiging hulle lig te laat skyn.

Die toekoms begin by jou.

Kontak ons gerus vir meer inligting oor Die Voortrekkers:
📧 [email protected]
📞 012 329 6011

11/06/2026

🫁 Leer deur te doen!

Hoe werk jou longe eintlik? By die Noodhulpkenteken (kortkursus) ontdek Voortrekkers dit op ’n praktiese en prettige manier. Met ’n eenvoudige model sien hulle hoe asemhaling werk en hoe die longe met elke asemteug uitdy en saamtrek.

Maar die kenteken gaan oor veel meer as net anatomie. Deelnemers leer noodsaaklike noodhulpvaardighede - hoe om in ’n noodgeval kalm op te tree en hoe om ander te help wanneer dit die nodigste is.

By Die Voortrekkers glo ons dat kennis die beste vassteek wanneer jy dit self ervaar – en soms begin dit alles met twee ballonne en ’n groot nuuskierigheid.

Kontak ons gerus vir meer inligting oor Die Voortrekkers:
📧 [email protected]
📞 012 329 6011

05/06/2026

En jy het ged**k ons maak net knope?

Kyk na hierdie ongelooflike Verkennerspesialisasie: Elektronika!

Van weerstande, kapasitors en transistors tot soldeerboute, multimeters en gedrukte stroombane – Verkenners leer hoe moderne tegnologie werk en hulle bou en toets ook hul eie elektroniese toestelletjies.

Elektronika is oral om ons – van selfoonlaaiers en alarms tot tydskakelaars en flikkerliggies. Hierdie spesialisasie help Verkenners om die wêreld agter die skerms te verstaan én self oplossings te skep.

Die Voortrekkers ontwikkel jong mense wat kan d**k, doen, ontwerp en innoveer.

Kontak ons gerus vir meer inligting oor Die Voortrekkers:
📧 [email protected]
📞 012 329 6011

04/06/2026

Loslitdag 2026

Op Vrydag 4 September 2026 kry ons die geleentheid om deel te wees van iets groter. Loslitdag, aangebied deur die Nasionale Raad vir en van Persone met Gestremdhede (NCPD), is Suid-Afrika se grootste fondsinsamelings- en bewusmakingsveldtog ter ondersteuning van persone met gestremdhede.

Vanjaar se tema is “EEN TROMKLANK – VELE RITMES.", ’n herinnering dat elke persoon se unieke bydrae help om ’n meer inklusiewe samelewing te bou. Die amptelike kleur vir 2026 is gebrande oranje.

Kom ons wys dat Voortrekkers omgee. Koop jou loslitdag-plakker, trek gemaklik aan en help om ’n verskil te maak in die lewens van persone met gestremdhede.
Meer inligting:�Casual Day 2026 Inligting

Kontak ons gerus vir meer inligting oor Die Voortrekkers:
📧 [email protected]
📞 012 329 6011

01/06/2026

Die donker verdwyn nie deur daaroor te kla nie. Dit verdwyn wanneer iemand ’n lig aansteek.

Ons jeug kies om die lig te wees.

Kontak ons gerus vir meer inligting oor Die Voortrekkers:
📧 [email protected]
📞 012 329 6011

29/05/2026

NASIONALE STAATMAKERSAAMTREK 2026

Maak gereed vir ’n week van avontuur, vriendskap en onvergeetlike herinneringe!

📍 Wemmershoek kampterrein, Stellenbosch�📅 6 tot 12 Desember 2026
Kom beleef:�🏔️ Die asemrowende Tafelberg�🌊 Strand en see�🔥 Kampvure en saamkuier�🤝 Nuwe vriende van regoor Suid-Afrika�💙 Die ware Voortrekkergees

Hier word leiers gevorm.�Hier word STAATMAKERS gebou.

Merk solank die datum in jou kalender — moenie hierdie saamtrek misloop nie!

Skryf hier in: https://www.skryfin.voortrekkers.co.za

Skryf hier in en word vandag nog ‘n Voortrekker:
https://registrasie.voortrekkers.co.za/

Kontak ons gerus vir meer inligting oor Die Voortrekkers:
📧 [email protected]
📞 012 329 6011…

27/05/2026

Projek Ligpunt ✨

In samewerking met Adri Visser en die National Council for Persons with Disabilities (NCPD) wil Die Voortrekkers help om ’n wêreld te skep waar meer jongmense voel: “Ek behoort hier.”

Projek Ligpunt fokus daarop om:
* groter begrip te bevorder
* hindernisse af te breek
* deelname vir almal meer toeganklik te maak

Ons glo elke persoon het waarde, vermoëns en ’n plek waar hulle kan groei en deel wees.

Dankie aan Adri Visser en die NCPD wat saam met ons hierdie pad stap om inklusiwiteit ’n werklikheid te maak.

Skryf hier in en word vandag nog ‘n Voortrekker:
https://registrasie.voortrekkers.co.za/

Kontak ons gerus vir meer inligting oor Die Voortrekkers:
📧 [email protected]
📞 012 329 6011

21/05/2026

Ons maak geskiedenis!

Die Voortrekkers loods eersdaags die eerste internasionale kettieskietkompetisie ooit vir Voortrekkers van Suid-Afrika, Namibië en Nieu-Seeland!

’n Opwindende kompetisie vol vaardigheid, fokus, pret en fantastiese pryse wag.

📅 Inskrywings open 1 Julie en sluit 31 Augustus.
▶️ Kyk die instruksievideo voordat jy inskryf: https://ln.run/djXOd
Laai jou teiken hier af:
https://ln.run/I9V7t

Gryp jou kettie, oefen jou mik en wys wat jy kan doen!

Skryf hier in: https://forms.gle/u7Fruha91G1diRRE6

Ketties en veiligheidsbrille is verkrygbaar by die Voriemôl.

Skryf hier in en word vandag nog ‘n Voortrekker:
https://registrasie.voortrekkers.co.za/

Kontak ons gerus vir meer inligting oor Die Voortrekkers:
📧 [email protected]
📞 012 329 6011

18/05/2026

Tydens die naweek van 8–10 Mei het die Hoofdagbestuur van Die Voortrekkers die koue Bloemfontein getrotseer om te droom, beplan, ontwikkel en nuwe moontlikhede te ontdek. Lang ure en laatnaggesprekke het nuwe idees, oplossings en visie gebring.

Maar die hoogtepunt van die naweek was onverwags. ’n Groep Vrystaatse Voortrekkers het hul verras met die feeslied en vir elkeen ’n persoonlike lantern gebring - gevul met “soete vuur” - as herinnering aan vanjaar se tema:

Voortrekkers as ligdraers in die wêreld.

In die besige wêreld van vergaderings en agendas was die herinnering weer duidelik waarom volwasse Voortrekkers doen wat hulle doen: om God se lig uit te dra en ‘n verskil te maak in die lewe van kinders en jongmense.

Skryf hier in en word vandag nog ‘n Voortrekker:
https://registrasie.voortrekkers.co.za/

Kontak ons gerus vir meer inligting oor Die Voortrekkers:
📧 [email protected]
📞 012 329 6011

14/05/2026

Hemelvaart 2026

Die hemelvaart van Christus was nie ’n einde nie - dit was ’n troonbestyging.

Die dissipels het opgekyk en gewonder waarom Hy gaan, maar Hemelvaart wys vir ons: Jesus het nie verdwyn nie - Hy regeer.

Tussen hemel en aarde leef ons dikwels met vrae, onsekerheid en swaarkry.
Ons verstaan nie altyd die pad nie, maar Hemelvaart herinner ons daaraan dat die Een wat vir ons gesterf het, ook die Een is wat nou vir ons intree.

Address

Die Voortrekkermonument, Eeufeesweg
Pretoria
0181

Telephone

+27123290198

Website

http://www.voortrekkers.co.za/

Alerts

Be the first to know and let us send you an email when Die Voortrekkers posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Die Voortrekkers:

Shortcuts

Want your organization to be the top-listed Non Profit Organization in Pretoria?