Rietvallei Voortrekkers

13/10/2026

🤍 ’N GEBED VIR ONS MATRIEKS 🤍

Hemelse Vader,

Ons dra ons matriekleerders aan U op terwyl hulle vir hul eindeksamen voorberei. Dankie vir elkeen se unieke gawes, drome en talente.

Gee hulle wysheid om te verstaan, krag om te volhard en vrede wanneer spanning hulle oorweldig. Help hulle om te onthou wat hulle geleer het en om elke vraestel met kalmte en selfvertroue aan te pak.

Seën ook hul ouers, onderwysers en Voortrekkervriende met geduld en wysheid om hulle te ondersteun.

Herinner ons jongmense dat hul waarde groter is as hul punte en dat U saam met hulle stap, ongeag wat die uitslag mag wees.

Mag hulle met geloof, moed en deursettingsvermoë vorentoe gaan, met die wete dat hul toekoms veilig in U hande is.

Here, help hulle om koers te hou en op U te vertrou.
In Jesus se Naam.
Amen. 🤍💙❤️

Rietvallei Voortrekkers
Hou Koers!

11/10/2026

🚩 RIETVALLEI VOORTREKKERS | GRAADWIELDAG 2026 🚩

🌟 Elke graad ’n nuwe uitdaging. Elke tree ’n tree vorentoe!

Graadwieldag 2026 was ’n besondere geleentheid waar ons Voortrekkers hul vaardighede, kennis en deursettingsvermoë kon toets en hul groei op die Voortrekkerpad kon vier.

Dit is juis hier waar karakter gevorm en Voortrekkerwaardes uitgeleef word.

Aan elke Voortrekker wat deelgeneem het: wees trots op julle vordering en elke mylpaal wat julle bereik het! 🏅👏

’n Opregte dankie aan ons toegewyde offisiere en almal wat bygedra het om van hierdie dag ’n sukses te maak. Julle betrokkenheid help ons om jongmense toe te rus, te ontwikkel en met trots vorentoe te neem.

Rietvallei groei, leer en bou voort — een graad op ’n slag!

06/10/2026

🏆 RIETVALLEI VOORTREKKERS TRIOMFEER! 🇿🇦

Ons harte bars van trots op ons Graad 7’s met hul uitstekende Voorslaguitslae! 🌟

🥇 15 Goud
🥈 12 Silwer
🥉 1 Brons

Wat ’n fantastiese prestasie! 👏🏻🔥

Julle harde werk, deursettingsvermoë en Hou Koers-gees het beslis vrugte afgewerp.

Baie geluk, Gr 7’s! Ons is ongelooflik trots op elkeen van julle! ❤️💙

Hou Koers, Rietvallei Voortrekkers

06/10/2026

ONS STAAN SAAM IN DANKBAARHEID 🙏🏻

Hierdie Sondag kom ons as Voortrekkers bymekaar vir ons Dankseggingsdiens.

Ons kyk terug op ’n jaar vol avonture, uitdagings, kampe, lag, leer en saamstaan – maar bo alles, ’n jaar waarin ons weer kon ervaar hoe goed dit is om deel te wees van iets groter as onsself.

Ons is dankbaar vir ons kinders en jongmense wat met entoesiasme koers hou.
Dankbaar vir ouers wat ondersteun, aanmoedig en hand bysit.
Dankbaar vir offisiere en helpers wat hul tyd, energie en harte gee.
En dankbaar vir die Here wat ons elke tree van die pad dra. ❤️

Kom vier saam met ons die groot en klein seëninge van die afgelope jaar.

Want ’n Voortrekker stap nie alleen nie – ons stap saam, ons dien saam en ons hou koers saam.

🌿 Sien julle Sondag!
Hou Koers!

30/09/2026

30/09/2026

Rietvallei Voortrekkers vier saam fees!

29/09/2026

Op 30 September vier ons 95 jaar van Die Voortrekkers.

As hierdie tydperk kon praat, wat sou dit vir ons sê?

Dalk sou dit vertel van duisende kampvure.
Van tente wat in reën opgeslaan is.
Van voete wat moeg gestap is en hande wat geleer het om te doen.

Dit sou vertel van vriendskappe wat dekades gehou het.
Van kinders wat grootgeword en later self begin voorloop het.
Van mense wat hulle tyd, kennis en harte gegee het sodat ’n volgende geslag ook kon leer.

Maar dalk sou 95 jaar nie nét terugkyk nie.

Dalk sou dit vir ons vra:

“Wat gaan júlle met die volgende 95 jaar doen?”

Môre vier Die Voortrekkers 95 jaar.

Die geskiedenis is geskryf. Die volgende hoofstuk begin nou.

Kontak ons gerus vir meer inligting oor Die Voortrekkers:

📧 [email protected]
📞 012 329 6011
📧 [email protected]

28/09/2026

Op 30 September vier ons 95 jaar van Die Voortrekkers.

Die wêreld het verander. Ons ook.

Die tente lyk anders. Die toerusting het verander. Ons kommunikeer anders en vandag pas ’n hele wêreld in jou selfoon.

Maar sommige dinge behoort nooit uit die mode te raak nie:
om jou woord te hou, om ander te dien, om vaardig te wees, om saam te werk en om koers te kan hou wanneer die pad moeilik raak.

Kontak ons gerus vir meer inligting oor Die Voortrekkers:
📧 [email protected]
📞 012 329 6011
📧 [email protected]

26/09/2026

So lyk dit op Nakuphi!
Geniet die kamp!