FAK Kultuurnetwerke: Noord

24/06/2026

𝗕𝗲𝗹𝗳𝗮𝘀𝘁 𝘀𝗲̂ 𝗕𝗮𝘀𝘁𝗮!

Die verval van die Anglo-Boereoorlog (ABO)-begraafplaas in Belfast is ’n hartseer herinnering aan hoe maklik geskiedenis verlore kan gaan wanneer instandhouding agterweë bly.

Hierdie begraafplaas is nie bloot ’n stuk grond met grafstene nie – dit is die rusplek van mense wat tydens een van die mees ingrypende tydperke in Suid-Afrika se geskiedenis gely en gesterf het. Verweerde grafte, onkruid, beskadigde strukture en algemene verwaarlosing getuig van ’n gebrek aan sorg vir ons gedeelde erfenis. Wanneer sulke terreine verval, verval méér as net steen en sement. Dan verval respek. Dan verval geskiedkundige bewussyn.

Die plaaslike munisipaliteit het ’n verantwoordelikheid om hierdie historiese terrein met waardigheid te bewaar. Erfenisterreine soos dié het nie net geskiedkundige waarde nie, maar vorm deel van die identiteit en geheue van gemeenskappe. Indien daar nie daadwerklik ingegryp word nie, loop ons die gevaar dat ons verhale en herinneringe vir toekomstige geslagte verlore gaan. Die bewaring van ons geskiedenis is nie ’n luukse nie – dit is ’n verantwoordelikheid.

Die Belfast-konsentrasiekampkerkhof het nie nog ’n rondte verskonings nodig nie. Dit het optrede nodig. Die FAK doen ’n oproep aan die gemeenskap van Belfast en omliggende gebiede om hierdie petisie te steun sodat dit aan Belfast-munisipaliteit oorhandig kan word om dringende instandhoudings- en bewaringswerk by die ABO-begraafplaas te doen.

𝗧𝗲𝗸𝗲𝗻 𝗱𝗶𝗲 𝗽𝗲𝘁𝗶𝘀𝗶𝗲
https://fak.org.za/beskerm-abo-begraafplaas/

31/05/2026

𝐊𝐨𝐦 𝐝𝐞𝐞𝐥 𝐢𝐧 𝐝𝐢𝐞 𝐡𝐞𝐫𝐝𝐞𝐧𝐤𝐢𝐧𝐠 𝐯𝐚𝐧 𝐝𝐢𝐞 𝐕𝐫𝐞𝐝𝐞 𝐯𝐚𝐧 𝐕𝐞𝐫𝐞𝐞𝐧𝐢𝐠𝐢𝐧𝐠

’n Herinneringstoer word jaarliks op 31 Mei gehou om die einde van die ABO en Vrede van Vereeniging te herdenk.

Besoekpunte en kransleggings:
By elke punt sal 'n kort verduideliking gegee word en almal wat wil sal die geleentheid kry om 'n blommetjie of krans neer te lê.

08:00: Vryheidsmonument, Vereeniging

https://goo.gl/maps/DsvNd5q8Ud5Wu53H7
Opening: Charles Rademeyer

09:00: Vredesboom
(Gebruik agterste ingang, indraai vanuit Voortrekkerstraat by groot Ratamang bord).
https://goo.gl/maps/r6DXqopMu9EZ2ekUA
Tyd vir boeretroos en beskuit.

09:45: Vereeniging Konsentrasiekamp Begraafplaas, Hinterland

https://maps.app.goo.gl/sHzpuMz7UzRFwwqw5?g_st=aw

10:30: Witkop-blokhuis

https://goo.gl/maps/QXdavVYgshjRp9fJA

Roxy du Toit en Mark Walkden


13:00: Russiese Ortodokse Kerk, Midrand

https://goo.gl/maps/gi1C829M2y7frHVy7

Spreker: Vader Daniel Lugovoy

15:00 Voortrekkermonument (Kom bymekaar voor die Vrou-en-kinder-beeld)

https://goo.gl/maps/stMffUa56gG13zXw9

Spreker: Charles Rademeyer

Verrassing vir die dag, ons besoek 'n spesiale plek.

Afsluiting: FAK-Liedjietuin- lekker saamkuier.

28/05/2026

Daar is plekke in Suid-Afrika waar die grond nie bloot grond is nie. Dit is geheue. Dit is rou. Dit is die laaste rusplek van mense wie se lyding nie in woorde of foto’s vasgevang kan word nie. Die konsentrasiekampkerkhof in Belfast, Mpumalanga, is een van daardie plekke.

Teken die FAK se petisie teen die verval van die Belfast-konsentrasiekampkerkhof: https://fak.org.za/beskerm-abo-begraafplaas/

Lees meer hier:

https://maroelamedia.co.za/debat/diskoers/as-die-grond-stil-word/

As ʼn gemeenskap sy erfenis ignoreer, sál sy stories stil word. Daar kom ʼn punt wat ingryping te laat is.

28/05/2026

𝐊𝐑𝐔𝐆𝐄𝐑𝐒𝐃𝐎𝐑𝐏-𝐊𝐎𝐍𝐒𝐄𝐍𝐓𝐑𝐀𝐒𝐈𝐄𝐊𝐀𝐌𝐏-𝐓𝐎𝐄𝐑 𝟐𝟎𝟐𝟔
𝘏𝘦𝘳𝘪𝘯𝘯𝘦𝘳. 𝘓𝘦𝘦𝘳. 𝘝𝘳𝘺𝘩𝘦𝘪𝘥

Kom stap saam deur een van die mees aangrypende hoofstukke van ons geskiedenis op 𝐃𝐢𝐧𝐬𝐝𝐚𝐠 𝟏𝟔 𝐉𝐮𝐧𝐢𝐞 𝟐𝟎𝟐𝟔 by die Krugersdorp-konsentrasiekampterrein.

Hierdie toer bied ’n besondere geleentheid om stil te staan by die lyding, geloof en deursettingsvermoë van duisende Boervroue en -kinders tydens die Tweede Vryheidsoorlog. Dit is meer as net ’n geskiedenistoer, dit is ’n dag van herinnering, eerbetoon en nuwe waardering vir die prys van vryheid.

🕯️𝗪𝗮𝘁 𝗼𝗺 𝘁𝗲 𝘃𝗲𝗿𝘄𝗮𝗴:
• Begeleide toer van die konsentrasiekampterrein
• Vertellings en historiese insigte oor die kamp en sy mense
• Kransleggings by die grafte van slagoffers
• ’n Dag van onthou en leer

📍𝐖𝐚𝐚𝐫:
Krugersdorp-konsentrasiekamp, hoek van Paul Krugerstraat en Sarel Potgieterstraat
🗓️ 𝐃𝐚𝐭𝐮𝐦: Dinsdag 16 Junie 2026
⏰ 𝐓𝐲𝐝: 08:30 vir 09:00
Ons glo dat die verlede nie vergeet mag word nie. Deur te onthou, bou ons aan ’n sterker toekoms vir volgende geslagte.

👉 Vir enige navrae kontak vir 𝑭𝒓𝒆𝒅𝒅𝒊𝒆 𝑯𝒂𝒓𝒅𝒎𝒂𝒏 by 069 575 1537.

Ons onthou hulle. Ons eer hulle. Ons bou vir die toekoms.

21/05/2026

𝗕𝗲𝗹𝗳𝗮𝘀𝘁 𝘀𝗲̂ 𝗕𝗮𝘀𝘁𝗮!

Die verval van die Anglo-Boereoorlog (ABO)-begraafplaas in Belfast is ’n hartseer herinnering aan hoe maklik geskiedenis verlore kan gaan wanneer instandhouding agterweë bly.

Hierdie begraafplaas is nie bloot ’n stuk grond met grafstene nie – dit is die rusplek van mense wat tydens een van die mees ingrypende tydperke in Suid-Afrika se geskiedenis gely en gesterf het. Verweerde grafte, onkruid, beskadigde strukture en algemene verwaarlosing getuig van ’n gebrek aan sorg vir ons gedeelde erfenis. Wanneer sulke terreine verval, verval méér as net steen en sement. Dan verval respek. Dan verval geskiedkundige bewussyn.

Die plaaslike munisipaliteit het ’n verantwoordelikheid om hierdie historiese terrein met waardigheid te bewaar. Erfenisterreine soos dié het nie net geskiedkundige waarde nie, maar vorm deel van die identiteit en geheue van gemeenskappe. Indien daar nie daadwerklik ingegryp word nie, loop ons die gevaar dat ons verhale en herinneringe vir toekomstige geslagte verlore gaan. Die bewaring van ons geskiedenis is nie ’n luukse nie – dit is ’n verantwoordelikheid.

Die Belfast-konsentrasiekampkerkhof het nie nog ’n rondte verskonings nodig nie. Dit het optrede nodig. Die FAK doen ’n oproep aan die gemeenskap van Belfast en omliggende gebiede om hierdie petisie te steun sodat dit aan Belfast-munisipaliteit oorhandig kan word om dringende instandhoudings- en bewaringswerk by die ABO-begraafplaas te doen.

𝗧𝗲𝗸𝗲𝗻 𝗱𝗶𝗲 𝗽𝗲𝘁𝗶𝘀𝗶𝗲
https://fak.org.za/beskerm-abo-begraafplaas/

25/12/2025

𝐆𝐞𝐬𝐞𝐞̈𝐧𝐝𝐞 𝐊𝐞𝐫𝐬𝐟𝐞𝐞𝐬!

Mag jy in hierdie Kerstyd die geskenke van vrede, liefde en vreugde ervaar. Dít is die beste geskenke om te kan ontvang. 🎁

Mag ons altyd onthou dat die grootste geskenk die geboorte van Christus is en die opoffering wat Hy vir ons aan die kruis gemaak het.