Theuns Meyer Voortrekkers

30/07/2026

Baie, baie geluk, Gabie en Annemie! 🎉🥳

Baie geluk met julle welverdiende President Verkenner-toekenning.

Jare se harde werk, toewyding en deursettingsvermoë – spesialisasies, kampe, uitreike, studies, leierskapkampe en onderhoude – het uiteindelik vrugte afgewerp.

Ons is ongelooflik trots op julle tweetjies. Julle het bewys dat julle ware Voortrekkers is en die Voortrekkerwaardes met trots uitleef.

Welgedaan – hierdie prestasie is meer as verdiend! 🇿🇦👏

15/07/2026

💚⚜️ Baie sterkte, Gabi en Annemie! ⚜️💚

Ons wens julle alle sterkte toe met julle PV-Afrondingskamp hierdie naweek. Mag julle met selfvertroue elke uitdaging aanpak met geloof.

Onthou om in julleself te glo, julle beste te gee en die naweek te geniet.

Ons is trots op julle!

Geniet die kamp en reis veilig.

Theuns Meyer Voortrekkers

21/06/2026

Baie dankie aan NG Kerk Daspoort vir die warm ontvangs wat julle aan die Theuns Meyer Voortrekkers gegee het.

Julle het ons met ope arms verwelkom en ons dadelik tuis laat voel.

'n Spesiale woord van dank aan ds. Hardus Prinsloo vir die besondere diens en vir die wyse waarop die Voortrekkers deel gemaak is van die erediens. Dit het vir ons baie beteken om ingesluit en waardeer te voel.

Dit was waarlik 'n besonderse en geseënde diens wat ons nog lank sal onthou. Mag die Here julle gemeente ryklik seën vir julle gasvryheid, liefde en omgee.

Voortrekkergroete
Theuns Meyer Voortrekkers

19/06/2026

16/06/2026

🇿🇦 Jeugdag 2026 🇿🇦
Vandag vier ons die jeug van Suid-Afrika – die jongmense wat droom, groei, leer en die toekoms van ons land vorm. Mag elke jongmens die moed hê om groot te droom, die krag om uitdagings te oorkom en die wysheid om 'n positiewe verskil in die wêreld te maak.
Ons onthou ook die opofferings van die jeug van 1976 en eer hul nalatenskap. Mag ons nooit vergeet dat die toekoms gebou word deur die drome en deursettingsvermoë van ons jongmense nie.
Gelukkige Jeugdag! 🌟🇿🇦

29/05/2026

✨ ’n Voortrekker leer nie net vaardighede nie, maar ook waardes.

Gehoorsaamheid beteken om met respek te luister, saam te werk en altyd jou beste te gee – selfs wanneer dit moeilik raak. 💛

By die Voortrekkers bou ons nie net strukture nie, ons bou karakter, vriendskappe en leiers vir môre. 🔥

27/05/2026

“’n Voortrekker se woord is sy eer.” 🇿🇦✨

Vandag staan ons trots saam as Voortrekkers — gebou op waardes van eer, diensbaarheid en geloof. Mag ons altyd onthou dat ons woorde en dade ’n weerspieëling is van wie ons is.

26/05/2026

🌿📖 “’n Voortrekker glo in die Drie-enige God en dien Hom.”

Mag ons as Voortrekkers nie net die woorde ken nie, maar dit elke dag uitleef — met geloof, diensbaarheid en liefde vir ons Hemelse Vader. 🙏✨