President Kruger Kinderhuis Pretoria

10/06/2026

Soms dra die kleinste kinders die grootste laste.

Gedurende die afgelope paar weke het ons verskeie jong kinders by Die President Kruger Kinderhuis Pretoria verwelkom. Kinders wat eintlik hul dae behoort deur te bring met speel, lag, leer en droom.

Elke kind wat by ons aankom, bring 'n unieke verhaal saam. Alhoewel ons nie hul verlede kan verander nie, kan ons help om vir hulle 'n veilige, stabiele en liefdevolle omgewing te skep waar hulle weer net kinders kan wees.

'n Bed om in te slaap. Voedsame etes. Skoon klere. Ondersteuning by die skool. 'n Drukkie wanneer die dag moeilik was. Dit is die klein dinge wat 'n groot verskil maak.

Ons dank gaan uit aan elke ondersteuner, borg, vrywilliger en vriend van die Kinderhuis wat dit moontlik maak om hierdie sorg aan ons kinders te bied.

Saam maak ons seker dat elke kind wat deur ons deure stap, weet dat hulle veilig is, waardevol is en behoort.

Dankie dat u saam met ons 'n verskil maak in die lewens van ons kinders.

www.krugerkinderhuisafr.co.za

26/05/2026

OFFICIAL CHARITY for this year's Miss, Mrs. & Mr. Moot 2026 is President Kruger Kinderhuis Pretoria

𝗔𝘀 𝗽𝗮𝗿𝘁 𝗼𝗳 𝘁𝗵𝗲 𝗲𝗻𝘁𝗿𝘆 𝗳𝗲𝗲 𝗲𝗮𝗰𝗵 𝗲𝗻𝘁𝗿𝗮𝗻𝘁 𝗻𝗲𝗲𝗱𝘀 𝘁𝗼 𝗱𝗼𝗻𝗮𝘁𝗲 𝗮𝗻𝘆 𝗼𝗳 𝘁𝗵𝗲 𝗺𝗼𝘀𝘁 𝗻𝗲𝗲𝗱𝗲𝗱 𝗶𝘁𝗲𝗺𝘀 𝘁𝗵𝗮𝘁 𝘄𝗲 𝘄𝗶𝗹𝗹 𝗯𝗲 𝗱𝗼𝗻𝗮𝘁𝗶𝗻𝗴 𝘁𝗼𝘄𝗮𝗿𝗱𝘀 𝘁𝗵𝗶𝘀 𝘁𝗿𝘂𝗲 #𝗺𝗼𝗼𝘁 𝗼𝗿𝗴𝗮𝗻𝗶𝘀𝗮𝘁𝗶𝗼𝗻.

ANY non-perishable FOOD item: rice, maize-meal, samp, pasta, bully beef, tamato & onion mix, baked beans, etc, as well as sanitary products, like soap, deodorant, roll-on, shampoo. And even any stationary or school items.

More about President Kruger Kinderhuis Pretoria. 💗
Ons visie is om met die Woord van God as fondament hulpbehoewende kinders deur middel van ‘n omvattende opvoeding en versorgingsprogram gedryf deur ‘n goed opgeleide personeelkorps te begelei na ‘n verantwoordbare, ordelike bestaan binne toekomstige gemeenskappe.

Ons visie word nagestreef deur die bereiking van bepaalde doelwitte naamlik:
Die voorsiening van basiese huishoudelike sorg wat insluit:
Voedsel
Kleding
Higiëne
Veilige behuising
Mediese sorg
Skolastiese versorging en
Geestelike versorging

As ‘n Nie-Regerings Organisasie is ons geregistreer as ‘n Organisasie sonder winsmotief en ook as ‘n Openbare Weldaadsorganisasie by die Suid-Afrikaanse Inkomstediens, wat ons toelaat om ‘n artikel 18a belastingsertifikaat te kan uitreik, waarop donateurs ‘n belastingkorting kan ontvang.

[email protected] | 012 332 1366 | www.krugerkinderhuisafr.co.za

07/05/2026

Boodskap van ons Bestuurder!

18/02/2026

Trotse-oomblik by ons huis!

Ons is trots en dankbaar om te deel dat 4 van ons kinders as leiers gekies is by hul skole.

3 in die hoërskool en 1 in die laerskool het hierdie besondere verantwoordelikheid ontvang:
- 2 is aangewys as skoolpatrollie-leiers
- 2 is verkies tot die Leerlingraad

Julle inspireer ons elke dag met julle harde werk, dissipline en leierskap.

Baie geluk aan elkeen van julle – ons sien julle raak en ons glo in julle toekoms!

13/01/2026

Goeie nuus!
Ons vier matrikulante van 2025 het hul uitslae ontvang – AL VIER SLAAG!!!
Ons harte klop trots saam hierdie jongmense en die mylpaal wat behaal is.

Die President Kruger Kinderhuis Pretoria is dankbaar vir elke oorwinning – groot en klein.

Geluk ook aan mede matrikulante wat hierdie mylpaal bereik het – julle harde werk word beloon.

07/11/2025

💙 Wat ’n ongelooflike naweek!
Ons manne het die kans gekry om te leer, te lag en te groei tydens die Mannetjieskamp 2025.
’n Groot dankie aan elkeen wat gehelp het om hierdie spesiale geleentheid moontlik te maak — van donateurs tot personeel en ondersteuners.
Dít is die vrug van julle liefde en omgee 💫

17/10/2025

Ons seuns is op pad na hul mannetjieskamp hierdie naweek! 💪
Dis altyd ’n spesiale tyd waar hulle kan leer, groei en sommer net kind wees — weg van die gewone roetine.
Ons personeel is hard aan die werk om seker te maak alles is gereed vir ’n naweek vol avontuur, lag en geloofsgroei. 🙌
Bid asseblief saam met ons vir beskerming, mooi weer en ’n kamp vol herinneringe wat bly.
❤️

21/09/2025

Bos Boogie 2025… ‘n musiek fees met ‘n purpose!

Alle winste word aan President Kruger Kinderhuis geskenk.

🎸🎤🍻 Kry jou kaartjies hier: http://bit.ly/3VaLTdk

📍- Roodeplaat, Pretoria.... https://maps.app.goo.gl/NG1ADXdFY8NfgTrV7
📅 - 26-27 September 2025

As jy net 'n donasie wil gee is daar ook 'n opsie op Quicket 🎟️

PK Kinderhuis: https://www.facebook.com/profile.php?id=100064731640930

President Kruger Kinderhuis Pretoria

08/09/2025