Rapport Onderwys Fonds - ROF

24/08/2026

Elke onderwyser se reis begin iewers. 🎓

Vir baie studente is die droom daar, die passie is daar en die potensiaal is daar — hulle kort net die geleentheid om dit verder te neem.

Rapport Onderwysfonds help om daardie geleentheid moontlik te maak.

Besoek **www.rof.org.za** en ontdek meer oor ROF.

14/08/2026

Praat dit. Skryf dit. Leef dit. Deel dit. ❤

Op Afrikaanse Taaldag vier ROF ons taal en die onderwysers wat dit aan die volgende geslag oordra.

09/08/2026

Aan al die onderwyseresse wat elke dag met passie, geduld en liefde ’n verskil maak — vandag vier ons júlle. ❤️

Dankie dat julle nie net kennis oordra nie, maar ook inspireer, bemagtig en help om die toekoms van ons kinders te vorm. Julle bydrae tot Afrikaanse onderwys is van onskatbare waarde.

Gelukkige Vrouedag! 🌷

07/08/2026

Baie geluk aan dr. Jaco Deacon met hierdie besondere en welverdiende erkenning vir sy leierskap en bydrae tot onderwys in Suid-Afrika.

As uitvoerende hoof van FEDSAS én gewaardeerde lid van die Rapport Onderwysfonds (ROF) se Raad van Trustees, is Jaco se passie vir gehalte-onderwys, sterk leierskap en die ontwikkeling van ons onderwysstelsel vir ons ’n groot aanwins.

Ons is trots om jou as deel van die ROF-familie te hê, Jaco. Mag jou invloed en diens aan onderwys nog vir baie jare ’n verskil maak.

Baie geluk met hierdie welverdiende erkenning!

Dr. Jaco Deacon, uitvoerende hoof van die Federasie van Beheerliggame van Suid-Afrikaanse Skole, is vandeesweek vir sy leierskapsrol in die onderwys vereer.

31/07/2026

Aros belê R750 000 in die volgende geslag onderwysers – drie studente kry die geleentheid om kosteloos te studeer

Drie toekomstige onderwysers kry vanjaar die geleentheid om hul studiedroom sonder finansiële bekommernisse te verwesenlik nadat Aros, in samewerking met Pretoria FM en die Rapport Onderwysfonds, drie prestigebeurse ter waarde van R250 000 elk bekendgestel het.

Die drie beurse, waarvan die totale waarde R750 000 beloop, bied aan uitstaande Afrikaanse studente die geleentheid om hul volledige Baccalaureus in Opvoedkunde (BEd), wat oor vier jaar strek, kosteloos by Aros te voltooi. Dit is een van die grootste beleggings in die opleiding van toekomstige onderwysers deur ‘n privaat hoëronderwysinstelling in Suid-Afrika.

Volgens Nadia Scott, Bestuurder: Bemarking en Kommunikasie van Aros, is die doel van die inisiatief om jong mense te ondersteun wat nie net akademies uitblink nie, maar ook ‘n duidelike roeping het om die onderwysberoep te betree. In Aros se jaar van diensbaarheid is dit ook ons doel om diensbaar te wees en roepingsgedrewe onderwysers op te lei wat in die wêreld ingestuur kan word om ‘n verskil te maak.

“Onderwysers speel ‘n onskatbare rol in die vorming van die volgende geslag. Met hierdie beurse wil ons die finansiële las van drie uitstaande studente verlig, sodat hulle hul ten volle op hul opleiding en toekomstige roeping kan toespits. Ons belê nie bloot in studente nie – ons belê in die toekoms van Suid-Afrika,” aldus Scott.

Die prestigebeurse is beskikbaar vir studente wat in 2027 met een van die volgende BEd-kwalifikasies wat Aros aanbied wil begin, naamlik:
• BEd in Grondslagfase;
• BEd in Intermediêre Fase; of
• BEd in Senior Fase en VOO

Aros se voltydse afstandsonderrigmodel stel studente in staat om vanaf enige plek in Suid-Afrika te studeer terwyl hulle reeds gedurende hul studie praktiese onderwyservaring opdoen. Hierdie model maak dit vir studente moontlik om akademiese studie met waardevolle werkservaring in skole te kombineer.

Die beurskompetisie is oop vir 2026-matrikulante, sowel as persone van 21 jaar en jonger wat reeds matriek voltooi het. Benewens uitstekende akademiese prestasie word die volgende ook tydens die keuringsproses in ag geneem: leierskap, betrokkenheid by sport, kultuur en gemeenskapsaktiwiteite, asook die kandidaat se persoonlike motivering om ‘n onderwyser te word.

Aansoekers moet onder meer:
• ‘n gemiddeld behaal het van minstens 70% in hul graad 11-eindeksamen én graad 12-eksamen wat hulle tydens Junie-maand afgelê het, of indien hulle reeds gematrikuleer het, moet hulle aan dieselfde akademiese vereistes tydens die finale graad 12-eksamen voldoen;
• ‘n getuigskrif van hul predikant of leraar indien; en
• ‘n motivering van ongeveer 300 woorde skryf waarin hulle verduidelik waarom hulle passievol oor die onderwys is.

Die beurse weerspieël Aros se verbintenis tot die ontwikkeling van gehalte-onderwysers wat oor vakkennis beskik, Christelike waardes uitleef én ’n hart vir kinders het.

Aansoeke open op 21 Julie 2026 en sluit op 31 Oktober 2026.
Vir meer inligting of om aansoek te doen, besoek Aros se webwerf by www.aros.ac.za.

Pretoria FM Rapport Onderwys Fonds - ROF Maroela Media Netwerk24 SAOU Nasionaal / National Skoleondersteuningsentrum SOS FEDSAS

27/07/2026

Saam bou ons aan die toekoms van onderwys.

Een student. Een donasie. Duisende lewens wat verander.

Elke bydrae wat by Rapport Onderwysfonds inkom, gee 'n leerder die kans om te droom, te leer en te groei. Doneer vandag en investeer in die toekoms van onderwys — jou bydrae maak 'n blywende verskil.

Skenk hier: https://app.kwik.co.za/pay/pag_UZnVCqz5ltUJgDZGwFHZJ

20/07/2026

Kwartaal 3 is hier!

Aan elke onderwyser wat steeds vroeg opstaan, laat bly, en elke dag omgee vir ons kinders se toekoms: dankie!

En onthou — jy is ROF genoeg om hierdie kwartaal aan te pak.

ROF bou onderwys. Onderwys bou die toekoms.

16/07/2026

‘n Geleentheid van ‘n leeftyd wag op jou!

Droom jy daarvan om ‘n onderwyser te word? Jou droom kan nou ‘n werklikheid word!

Aros se Prestigeonderwys-studiebeurs 2027 bied aan drie top presterende Afrikaanse studente die geleentheid om hul BEd-graad, wat oor vier jaar strek, ter waarde van R250 000 kosteloos te voltooi.

Die beurs dek die volgende uitgawes:

✅ alle studiegeld
✅ registrasiegeld
✅ voorgeskrewe handboeke

As jy in 2026 ‘n graad 12-leerder is (of indien jy jonger as 21 is en reeds matriek voltooi het) en ‘n gemiddeld van 70% of hoër behaal het, is dít jou kans!

Moenie hierdie geleentheid van ‘n leeftyd misloop nie! Kom maak jou merk as die onderwyser wat die volgende geslag gaan inspireer.

Aansoeke open op Dinsdag 21 Julie 2026. Hou sosiale media dop vir meer inligting.

07/07/2026

Dankie Tommie Nieuwenhuis dat ons deel kan wees van jou reis.