09/04/2026
🐾 Diensbare leiers in aksie!🐾
Voortrekkers staan bekend as diensbare leiers wat ’n verskil maak in hul gemeenskap – en hierdie keer was dit beslis sigbaar!
Onder leiding van die Graad 12 Renosterspan het die Verkenners van Parys Kommando betrokke geraak by die DBV. Hulle het honde- en katkos ingesamel en dit met groot dankbaarheid oorhandig. 🐶🐱
Die dag was gevul met praktiese diens en baie liefde: daar is met die katte gespeel, die honde is gaan stap, en die seuns het ook hard gewerk om ’n oorgroeide kamp te ontbos en netjies te maak. Met behulp van ’n bossiekapper, vriendelik geleen deur Coastal Hire, is die taak vinnig en doeltreffend afgehandel. 🌿💪
’n Groot dankie aan Tannie Rozanne Erenst van die DBV wat vir ons meer vertel het oor die aannemingsproses en die belangrike werk wat gedoen word om diere te red en te versorg.
Ons is trots op elke Verkenner wat hul tyd en energie ingesit het om ’n verskil te maak! 🙌
