Die Voortrekkers: Paarl

27/10/2026

27/09/2026

Trots op ons graad 7-Kwaggas wat klaar is met Voorslag evaluasie.

26/09/2026

Baie sterkte aan die Kwagga-span wat vandag die laaste hekkie van Penkoppe en Drawwertjies gaan oorsteek.

Al die harde werk, opofferings en ure se voorbereiding gaan vandag vrugte dra. Julle het deur die jare gewys wat deursettingsvermoë, spanwerk en vasberadenheid kan bereik.

Sterkte Kwaggas.

Gaan geniet die dag doen julle beste
ons staan agter julle

24/09/2026

Op 30 September vier ons 95 jaar van Die Voortrekkers.

ERFENISDAG | 24 SEPTEMBER

95 jaar oud. Maar nie vasgevang in die verlede nie.

Vandag, op Erfenisdag, vier ons dit wat ons ontvang het, maar ook dit wat ons daarmee dóén.

Want erfenis is nie net ou foto’s, bekende stories en dinge wat “ons nog altyd so gedoen het” nie.

Erfenis kry betekenis wanneer ’n nuwe geslag dit ken, bevraagteken, uitleef en verder dra.

Die Voortrekkers vier vanjaar 95 jaar.

Vyf-en-negentig jaar waarin die wêreld ongelooflik verander het.
Maar die behoefte aan jongmense wat weet wie hulle is, waarin hulle glo en hoe hulle ’n verskil kan maak, het nie verdwyn nie.

Dít is vir ons lewende erfenis:

Ons leef nie terug nie.
Ons leef met sterk wortels vorentoe.

Kontak ons gerus vir meer inligting oor Die Voortrekkers:
📧 [email protected]
📞 012 329 6011
📧 [email protected]

21/09/2026

Die Pikkewyne (Graad 4) het Saterdag 12 September die PD-dag by Wemmershoek bygewoon.

Een van die hoogtepunte van die dag was die Noodhulp-kenteken, waar die seuns geleer het hoe om basiese noodhulp toe te pas. Hulle het onder andere meer geleer oor skaafwonde, breuke en ander algemene beserings, asook wat om te doen wanneer iemand seer gekry het.

17/09/2026

Kom vier die 95ste bestaansjaar van die Voortrekkers saam met ons.
Lede wat bywoon kry 'n spesiale kenteken - moenie uitmis nie.
Navrae by jou spanoffisier.
Oud-lede ook welkom.

14/09/2026

Kontak ons gerus by [email protected]

Op 30 September vier ons 95 jaar van Die Voortrekkers.

🇿🇦 ’N BOODSKAP UIT SUID-AFRIKA VIR ONS 95STE VERJAARSDAG!

Dit is hier, aan die suidpunt van Afrika, waar die Voortrekkervlam 95 jaar gelede aangesteek is.

Sedertdien is dié lig van geslag tot geslag aangegee – ’n lig van geloof, karakter, diensbaarheid en koersvastheid. Soos ’n lantern wat nie net vir homself brand nie, het Die Voortrekkers deur die jare jongmense toegerus om ook vir ander die pad te help verlig.

Vandag brand daardie lig oor verskeie landsgrense heen en herinner ons aan ons 2026-tema:

Voortrekkers, as ligdraers in die wêreld.

Mag ons lantern nooit uitdoof nie. Mag elke nuwe geslag die lig ontvang, dit helder laat brand en dit weer verder aangee.

HOU KOERS!

Kontak ons gerus vir meer inligting oor Die Voortrekkers:
📧 [email protected]
📞 012 329 6011
📧 [email protected]

10/08/2026

Baie geluk aan ons twee graad 12 jeuglede Mia van Tonder en Wian van de Vyver wat die hoogste toekening vir 'n Verkenner behaal, naamlik Presidentsverkenner. Ons is baie trots op julle en dankie aan neef Andries en nig Ronel wat jul gehelp het met die voorbereiding.

09/08/2026

Franco Heins (ons kommando jeugleier) neem tans deel aan ’n Nasionale Verkenner Jeugberaad en -toer in Gauteng en Vrystaat. Saam met Verkenners van regoor Suid-Afrika het hy die voorreg om verskeie besienswaardighede uit ons geskiedenis te besoek en ook deel te wees van die Hoofbestuursvergadering. Hierdie is ’n wonderlike voorreg en leerervaring. Ons is baie trots op Franco en glo hy geniet elke oomblik.

20/06/2026