Solidariteit Helpende Hand - Ons Plek Naboomspruit

05/10/2026

𝗗𝗶𝗲 𝘄𝗮𝗮𝗿𝗱𝗲 𝘃𝗮𝗻 '𝗻 𝗴𝗲𝘄𝗼𝗻𝗲 𝗱𝗮𝗴
deur René Roux
Helpende Hand - Deel van die Solidariteit Beweging

Partykeer begin ’n kind se toekoms verander met iets wat vir ons so eenvoudig mag lyk: ’n veilige plek, ’n bord kos, iemand wat help met huiswerk en ’n hart wat raaksien. ❤️

Agter elkeen van die agt Ons Plekke van Solidariteit Helpende Hand is daar ’n gemeenskap wat kies om nie anderpad te kyk nie – maar saam ’n verskil te maak in die lewens van kinders en gesinne.

Ons is ongelooflik trots om saam met Solidariteit Helpende Hand deel te wees van hierdie mooi verhaal van hoop, omgee en liefde wat nie net met woorde bely word nie, maar met dade uitgeleef word.

Lees meer oor die kosbare werk van Ons Plek en hoe gewone middae ’n buitengewone verskil in ’n kind se lewe kan maak. Die artikel verskyn ook in die Oktober-uitgawe van JUIG!.

🔗 Lees die artikel hier: https://juignuus.co.za/die-waarde-van-n-gewone-dag/

25/09/2026

🌱 Ons Plek Naboomspruit

Dink net aan ’n wêreld waar ons die armoedesiklus kan help verbreek - waar kinders die geleenthede, ondersteuning en gereedskap kry om ’n selfstandige en hoopvolle toekoms te bou.

Dit is presies waarvoor Ons Plek Naboomspruit staan. Ons Plek Naboomspruit, Solidariteit Helpende Hand se sewende Ons Plek, is op 15 Augustus 2022 op die kerkperseel van die APK Kerk Naboomspruit geopen.

Vandag bied die sentrum ’n Afrikaanse naskooldiens aan kinders van Graad RR tot Graad 7. Hier word daar nie net huiswerk gedoen nie – ons skep ’n ruimte waar kinders kan groei, leer en bemagtig word.

🎓 Opleiding gee ons nuwe moontlikhede.
💙 Waardigheid herinner ons aan ons waarde.
🌱 Selfstandigheid help ons om ’n beter toekoms te bou.

Agter hierdie sentrum staan Bernadine Steenkamp, wat reeds vir vier jaar as sentrumbestuurder by Ons Plek Naboomspruit dien en elke dag help om hierdie visie ’n werklikheid te maak.

Ons Plek Naboomspruit - ’n plek waar hoop groei en toekomsdrome begin.

25/09/2026

WAT ’N DAG! ’N REUSE SUKSES!
Ons Fietswasstasie by Die Boer & Die Belg was ’n ongelooflike sukses!
’n Groot dankie aan Die Boer & Die Belg vir die geleentheid om deel te wees van hierdie wonderlike fietsrydag en om Solidariteit Helpende Hand Ons Plek Naboomspruit te ondersteun.
’n Spesiale dankie aan ons fantastiese kinders, toegewyde personeel en ons super-dad wat met soveel energie en liefde ingespring het. Naboom Toyota vir die vervoer en skoonmaak middels. Julle was ongelooflik!
Dankie aan elke fietsryer wat ons vertrou het met julle fietse en só gehelp het om fondse vir Ons Plek in te samel. Elke fiets het ’n verskil gemaak!
Saam maak ons ’n verskil. Saam bou ons ’n toekoms.

15/09/2026

Jy het dalk ver van Suid-Afrika jou lewe opgebou, nuwe geleenthede gekry en hard gewerk om ’n toekoms te bou. Vandag nooi ons jou uit om iets van daardie geleentheid terug te verbind aan die land en die kinders wat steeds hier grootword.

Stuur ’n brood huis toe.

Stuur simbolies ’n brood huis toe deur ’n finansiële bydrae tot die Jy is Broodnodig-veldtog te maak.

Vir baie van ons kinders is die lewe se wegspring nie dieselfde nie. Deur jou bydrae help jy Solidariteit Helpende Hand se Ons Plekke om vir kinders ’n veilige plek te bied waar hulle kan leer, groei en ontwikkel — en waar hulle die geleentheid kry om met hoop en selfvertroue aan hul toekoms te bou.

Jy het ’n geleentheid gekry.
Gee vir ’n kind ook ’n geleentheid.

🍞 Stuur ’n brood huis toe.
🌟Verbind jou hart weer met Suid-Afrika.
❤️ Bele in ’n kind se toekoms.

Jy is broodnodig.

Ons kinders het jou *BROODNODIG* !

https://helpendehand.co.za/donasie-aan-ons-plekke-en-sentrums/donasie/

13/09/2026

🧯 BRANDVEILIGHEIDSDAG BY ONS PLEK 🧯
Vrydag was ’n besonderse en baie leersame dag by Ons Plek! ❤️
Oom Hans en ek het ons brandveiligheidsopleiding voltooi, en ons kon Vrydag dit wat ons geleer het, prakties toepas.

Ons kinders het ’n branddemonstrasie bygewoon en daarna ons ontruimingsplan prakties geoefen.
Hulle het ook die geleentheid gekry om te leer hoe om ’n brandblusser veilig te gebruik.

Dit was wonderlik om te sien hoe ernstig en entoesiasties die kinders aan die dag deelgeneem het.
Ons glo dat dit belangrik is om nie net ’n veilige omgewing vir ons kinders te skep nie, maar om hulle ook toe te rus met die kennis en vaardighede om in ’n noodsituasie kalm en verantwoordelik op te tree.

’n Groot dankie aan die Naboomspruit Brandweer, Danelle Uys van Compliance Training, ons wonderlike Ons Plek-kinders, en natuurlik my fantastiese personeel vir julle deelname, hulp en ondersteuning.

Ons berei voor en ons sorg vir mekaar want veiligheid is almal se verantwoordelikheid. 🧯

30/08/2026

Niemand verstaan beter as 'n boer dat 'n oes nie oornag gebeur nie.

Elke oes begin met 'n saadjie.
Met geloof.
Met harde werk.
Met geduld.
En met die besluit om vandag te saai vir môre se oes.

By Solidariteit Helpende Hand glo ons kinders is ook saad.

By ons Ons Plek-kleuterskole en naskoolsentrums plant ons elke dag saad van hoop, waardes, opvoeding en liefde in die harte van meer as 400 kinders. Ons gee hulle nie net 'n plek om te leer nie – ons gee hulle die geleentheid om te groei, te droom en bo moeilike omstandighede uit te styg.

Maar soos enige oes, kan hierdie werk nie alleen gedoen word nie.

Daarom nooi ons jou uit om deel te word van ons "Ons Het Jou Broodnodig"-projek.

Julle voed reeds ons land.
Julle sit elke dag brood op Suid-Afrika se tafel.

Help ons nou om kinders ook by die tafel te laat aansit.

Elke bydrae, groot of klein, help om vir 'n kind 'n veilige plek te skep waar hy of sy kwaliteit Afrikaanse vroeë kinderontwikkeling, liefde, ondersteuning en hoop ontvang.

Ons glo boere verstaan rentmeesterskap.

Julle weet wat dit beteken om vandag te saai sodat die volgende geslag môre kan oes.

Vandag vra ons dat julle saam met ons in kinders sal belê.

Want elke kind verdien die geleentheid om sy of haar Godgegewe potensiaal te ontwikkel.

Wanneer jy deel word van hierdie projek, stuur jy simbolies 'n brood na 'n kind toe.

Want brood beteken soveel meer as kos.

Brood beteken huis.
Brood beteken omgee.
Brood beteken familie.
Brood beteken hoop.

Kom plant saam met ons.
Kom bou saam met ons.
Kom help ons om vir elke kind 'n gelyke kans op 'n beter toekoms te gee.

Want wanneer ons saam saai, oes 'n hele gemeenskap.

Baie dankie vir alles wat julle reeds vir Suid-Afrika beteken.

Ons het jou broodnodig.

Ons Plek is húlle toekoms – en jou geleentheid om ‘n “brood” huis toe te stuur!

Word 'n donateur vir Ons Plek en beskerm 'n kind se toekoms: https://helpendehand.co.za/donasie-aan-ons-plekke-en-sentrums/donasie/

07/08/2026

23/07/2026

Daar is mense wat stilweg in die agtergrond werk. Hulle soek nie erkenning, applous of die kollig nie.

Hulle daag eenvoudig op.
Hulle is die mense wat net 'n oproep ver is.
Die mense wat nooit huiwer wanneer daar 'n behoefte ontstaan nie.
Die mense wat antwoord: "Ons sal help," "Ons sal 'n plan maak," of "Met plesier."

Terwyl baie van ons op die voorgrond staan, is dit net moontlik omdat daar 'n ongelooflike leër van helpers agter ons staan.

Julle goedhartigheid, vrygewigheid, bereidwilligheid en diensbare harte maak die verskil.

Julle maak die wêreld 'n beter plek – een daad van omgee op 'n slag.

Vandag wil ek eenvoudig net vir julle sê: Baie dankie.

Julle weet wie julle is.

Ek weet erkenning is nie waarna julle soek nie, maar ek móét dit vandag sê...

Baie, baie dankie. ❤️

Julle stil "ja" verander lewens op maniere wat julle waarskynlik nooit ten volle sal besef nie.

20/07/2026

'n Dag vol groei, leer en groot glimlagte by Solidariteit Helpende Hand Ons Plek Naboomspruit!

Ons was bevoorreg om die span van Solidariteit Helpende Hand Ons Sentrum by ons te verwelkom.

Die terapiespan – Shannon, Mischa en Mareli – het ons kinders op 'n prettige, kreatiewe en interaktiewe manier gehelp om emosies beter te verstaan. Hulle het geleer wat om te doen wanneer "Kwaaimeraai" in jou lyf kom sit en hoe om op 'n gesonde manier met moeilike gevoelens te werk.

Die sessies was uitstekend voorberei en propvol waardevolle lewenslesse wat nie net ons kinders nie, maar ook ons personeel verryk het.

Baie dankie aan Shannon, Mischa, Mareli en die hele Helpende Hand-span vir julle tyd, passie en omgee. Julle maak 'n blywende verskil in die lewens van ons kinders.

*Raak deel van jou gemeenskap.
*Raak deel van die
Solidariteit HelpendeHand Ons Plek Naboomspruit

Kontak Bernadine 072 941 6760

21/06/2026

Gelukkige Vadersdag!!

Helde is deesdae skaars. Pa, jy kan ook een wees. Die meeste beleggings in die lewe behels risiko en kan tot spyt lei. Jy sal egter nooit 'n oomblik spyt wees oor die liefde, tyd en moeite wat jy in jou kinders belê nie. Wees dus 'n pa.

Elke pa wat vroeg opstaan, hard werk, raad gee, hande vat, gebede bid en onvoorwaardelik liefhet. Dankie vir die voorbeeld wat julle stel, die veiligheid wat julle skep en die verskil wat julle elke dag in julle kinders se lewens maak.

ń Pa is iemand wat dalk nie altyd die regte woorde het nie, maar wie se liefde in sy dade sigbaar is. Gelukkige Vadersdag aan elke man wat met sy hart lei en met sy lewe inspireer.

Ons waardeer elke Pa vandag en elke dag.