By Pinkster Huis Van Gebed is ons almal een groot familie. Hier bedien ons mekaar met die gawes wat die Here in ons besit geplaas het. Die wat sterk is help die wat swak is. Ons deel in mekaar se blydskap en hartseer. Pinkster Huis Van Gebed is 'n plek vir die weduwee en weeskind. Hier voed die Here nie net jou siele nie, maar Hy voorsien ook in enige van ons behoeftes. In watter omstandigehde men
se ookal mag verkeer, in geloof sal die Here verandering bring. Watter geheime daar ookal mag wees. As dit tussen 'n persoon en God staan, sal dit, deur profesie, opbouend en in liefde bekend gemaak word en bekering sal sekerlik daarop volg. Dit is hoe ons die NAAM en SAAK hier ken. Die Here werk hier voltyds deur Sy Heilige Gees, onder die geklank van Sy woord, en die lofsange, bemoedingings en getuienisse van Sy volgelinge, met Sy salwing wat 'n mens die hoogtes in neem in sy tabernakel. Hier ken ons die Here as 'n God van liefde, tekens en wonders. Hy is vir ons 'n rotsvesting, 'n toevlug en 'n waarmaker van Sy woord. Hy alleen is God en hier sal ons Hom altyd loof en prys, in Sy Huis Van Gebed waar Pinkster nooit tot 'n einde kom nie.
