TOP BBL This is our People Bantfu Betfu Laba

TOP BBL This is our People Bantfu Betfu Laba We willng to help where people of Mzansi are lacking at,we try our best to change a big problem to a small issue

09/04/2021

Sahluko 2
Kuvakale kuhhum'tela livi lemfati lisondzela ngasemnyango "Nibakhulu nabo Maweni" asula tinyembeti ngekushesha angafuni kubonakalisa kutsi bekakhala,aphume Maweni aphambane nalona lokhulekelako"Hawu yebo Make Zikalala" asho uphumela ngaphandle asinata lite "Ewu ungitfola ngisacedza kufaka emabhodo nalentfutfu siyingiphandlile"Avala kutsi bangambuti indzaba yemehlo labovu shengatsi bekagandza pelepele."Hheyi ungayisho sekwabete kahle tinkhuni laveni,nami nje ngisebentisa tona tigamu tembila ngito letingisitako" Bahleke kubonakele kutsi kucoca bontsanga"Hhayi phela seliyawukutilahla kunina kani nami ngijake kuyawubasa,lapha ngiletfwe indzaba yalapha kaMbulazi" Ngaleliphansi ambuka emhlweni"Hawu kwentenjani kaMbulazi ngoba ngindlulekhona umangibuya kuyacosha tikotela leKamfana Nkosi akukho bekusolisa" Asho adobha litje ajikijela etaleni acosha inkukhu leyayiphandza.Phela laNdwandwe utiphilisa ngekucosha tikotela ayotsengise Mvukuzane loyena kunguye latiphelekata ejozi."Akukho lokubi kepha ngive Mbulazi atsi ufuna umfana latoshanela lapha ebaleni kakhe sengacaba nangu Maweni phela"Buso bugcwale injabulo "Angisaphutisi maseko,imbila yaswela umsila ngekulayitela" akhuluma sekahamba esangweni"Hhawu awusafuni nekuva kutsi ngitsini"Asho alungisa lihiya lakhe "lokuningi ngitakuva kaMbulazi"Asho acondzakhona,Phela kaMbulazi badla lizambane lapondo,kani Mbulazi yena ungusomashishini akacitsi sikhatsi lesidze ekhaya.umkakhe yena ungumhlengikati ubuya ngashona langa emsebentini,banebantfwana labatsatfu umfana munye nemantfombatane lamabili.Lokungumfana kona nguSandziso sekuba nguTengetile naTandzile,ngibo bantfwana bakaMbulazi.angene laNdwandwe ngekutitfoba "bakaMbulazi sikhulekile"ukhuluma nje ume ngase sangweni abona kukhiyiwe "Kwangatsi kunalosesangweni Fikile ngiboleke bokhiya ngiyovula"kusho Mnumzane Mbulazi akhuluma nemkakhe"nyalo selishonile ingabe ngubani ngoba nelivi ngatsi lemuntfu lomsikati naba bokhiya babe" asho amunika esandleni....(iyachubeka)

07/04/2021

Imphilo yemhlaba

Sahluko 1
Kutsiwa bunandzi uyatentela kulomhlaba wasimakadze.Kepha ekhaya la LaNdwandwe akukho kutfula kani nenjabula intfo labangayati,Bafela licala leyise labangamati nekutsi unjani ngekwelibala.Bantfwana ba laNdwandwe sebakhatsele kuva ebangani batisho batichinya ngebungibo babo.Loko kwababanga kutsi bagijimele kunina nabo bafuna kwati ngemvelaphi yabo.Batse basayitsintsa baba bayinyatsele emseleni."Kepha ingabe sifela tsine,ngobe natsi phela sinalo lilungelo lekwati licinisa"kusho Maweni agolotisa emehlo wena lowabona mnkankayi bawotfole eba emacandza enkukhu etaleni"Imphela ngumhlolo wami,ningiphahla kufa" Asho usukuma kulesihlantsi bekahleli kuso acalata lite "Cha! WaNdwandwe natsi siyafisa kuba nelwati ngebuve betfu"kusho Tentile atidlisa satjanyana asinata lite atama kutincengela.Phela Maweni na Tentile bangemawele,Maweni ngumntfwana wemfana kani Tentile intfombatane.Ababuka ngemehlo lagcwele tinyembeti "Kuyanijabulisa kungibona ngingalendlela,ngakubeka kwacaca kutsi angifuni kuphindze nginive niphatsa lowombuto lapha emtini wami" atsatse imfaduku atisula tinyembeti."Asikacondzi kukuvusela tinsizi kepha besifuna kwati,umangabe wasishaya emhlabeni sikhombe lapho alelekhona" kusho lokungu Maweni kuhle kucalata emnyango ngobe eva tinja tikhonkotsa."uyise wenu ngimi,nenyoko ngimi"Kepha... Beve livi likhulekela ngaphandle.

08/01/2021

Ngikholwela ekutseni ifundvo ibalulekile,i believe in you Ma Africa ningawenta umehluko kubantfu labaswele.please lets Donate with a uniform lonayo ekhaya loko kungasita.kungenta umehluko kuloyo loswele.kutsiwa sibusisiwe sandla lesiphako kunalesamukeloko.kodvwa lokwentiwa sandla sekudla sesancele singakwati.Help Good people i believe in you Middelplaas nangawenta mehluko.noma yasiphi sikolo tsine sototfumele kuletikolo.ngiyabonga

Address

Middelplaas
Malelane

Telephone

+27825253831

Website

Alerts

Be the first to know and let us send you an email when TOP BBL This is our People Bantfu Betfu Laba posts news and promotions. Your email address will not be used for any other purpose, and you can unsubscribe at any time.

Shortcuts

Share

Category