RPO Noordwes/North West

18/06/2026

🐂 Longontsteking in beeste: Moenie die tekens ignoreer nie.

Longontsteking bly een van die grootste gesondheidsrisiko’s in kuddes en kan groot verliese veroorsaak indien dit nie betyds aangespreek word nie.

Vroeë opsporing en vinnige behandeling is van kardinale belang.

12/06/2026

🐂🌱 Agter elke gehalte stuk rooivleis staan ’n hardwerkende produsent.
Ons produsente, ons trots!

08/06/2026

05/06/2026

🐂🌱 Danie de Villiers, vise-voorsitter van die RPO Noordwes, het onlangs Noordwes AFASA se kongres en glansdinee in Parys bygewoon.

Hy het in sy boodskap genoem dat die sukses van enige boerdery afhang van hoe effektief en winsgewend dit bestuur word. Produsente moet fokus op goeie weidingsbestuur om die drakrag van hul grond te verbeter, toegang tot skoon water vir diere te verseker en gestruktureerde inentingsprogramme te volg om kuddegesondheid te beskerm.

Hy het verder beklemtoon dat georganiseerde landbou ’n kritieke rol speel in die bevordering en beskerming van produsente se belange. Organisasies soos NW AFASA en die RPO Noordwes gee produsente ’n sterker stem, bied ondersteuning met uitdagings in die bedryf en help om ’n meer volhoubare en winsgewende toekoms vir die rooivleisbedryf te verseker.

"Die toekoms van ons bedryf lê in goeie bestuur, samewerking en eenheid. Saam kan ons meer bereik as alleen."

🐂🌱

04/06/2026

🐂 BEK-EN-KLOUSEER: NOORDWES MOET NOU OPTREE 🐂

Die kommer oor die Noordwes-regering se hantering van die bek-en-klouseer- uitbreking neem toe. Noordwes bly die episentrum van die uitbreking in Suid-Afrika en enige tekortkominge in beheermaatreëls hou 'n ernstige risiko vir die hele rooivleisbedryf en voedsel- sekerheid in.

Die RPO Noordwes doen 'n beroep op alle produsente om waaksaam te bly, biosekuriteitsmaatreëls streng toe te pas en verdagte gevalle onmiddellik aan te meld.

Samewerking tussen produsente, georganiseerde landbou, privaat veeartse en die staat bly van kritieke belang om die verspreiding van die siekte te beperk.

Saam beskerm ons ons kuddes, ons bedryf en ons toekoms.

Noordwes is tans die episentrum van die bek-en-klouseer-uitbreking (BKS) in Suid-Afrika en huisves een van die grootste kommersiële beeskuddes in die land.

29/05/2026

FMD Update: What’s really happening with vaccinations?

In this week’s update, Dr Peter Evens unpacks why it’s still difficult to track where vaccinations have taken place—and what RMIS is doing to change that. He explains how vaccine distribution is being managed, what role veterinarians and producers play, and why registering vaccination data is critical for improving national planning and response.

Watch the full video for the complete update and what it means for you and your farm.

28/05/2026

🚨 RPO NW Provinsiale Veediefstalvoorkomingsforum 🚨

Veediefstal bly een van die grootste bedreigings vir die volhoubaarheid en winsgewendheid van die rooivleisbedryf. Daarom bly die bekamping van veediefstal een van die RPO NW se hoogste prioriteite.

Die RPO NW Provinsiale Veediefstalvoorkomingsforum werk aktief saam met produsente, SAPD Veediefstaleenheid en Vervolgingsgesag om:

✔️ Veediefstal te bekamp
✔️ Inligting te deel
✔️ Praktiese oplossings te ontwikkel
✔️ Produsente te ondersteun en te beskerm

Ons doen ’n ernstige beroep op alle produsente om deel te raak van die forum en betrokke te bly.

Saam staan ons sterker. Saam beskerm ons ons bedryf.

Van boer tot boer – die RPO NW werk vir jóú.

27/05/2026

🐂🌱RPO Noordwes – Van boer tot boer! 🐂🌱

Die RPO NW se Produsente-gesprek het vanoggend om 9uur in Vryburg afgeskop.

Produsente is versoek om onbevange deel te neem aan die proses.

By die RPO Noordwes staan
ons saam vir elke rooivleisprodusent.

Ons missie is eenvoudig – om jou stem in die Rooivleisbedryf te wees en produsente se belange eerste te stel, te beskerm en te bevorder.

✔️ Ondersteuning aan produsente
✔️ Fokus op diergesondheid en biosekuriteit
✔️ Inligting en kommunikasie wat saak maak
✔️ Saam sterker teen uitdagings in die bedryf

Van boer tot boer – vir ’n sterker toekoms🌱🐂🌱

STERK BOERE. STERK BEDRYF. STERK TOEKOMS.

23/05/2026