Lichies Omgee

18/04/2026

LIchies omgee benodig dringend hulp. Ons gesinne is 85, is geregistreer, en se inkomstes is gering. 50% WERK ( ten minste 1 per gesin), 50 % KRY Sassa geld. Ons gee noodpakkies en gee tans slegs elke 2de maand pakkies.

Ons woon in landbou area en graanbydraes sal ongelooflik baie help. Ons graannommer is X750930LIC.

Individue, besighede kan ook bydrae.

Navrae 0824112658 Jeanette

18/01/2026

KENNISGEWING
LICHIES OMGEE is weens beperkte fondse genoodsaak om vanaf Januarie 2026 kospakkies slegs elke twee maande aan geregistreerde gesinne uit te reik.
Alle tans geregistreerde gesinne word vriendelik versoek om weer aansoek te doen.

Huishoudings waar alle lede van die gesin slegs SASSA-toelaes ontvang, hoef nie weer aansoek te doen nie.

Hierdie kennisgewing dien ook as ’n ernstige pleidooi aan die gemeenskap om ons werk finansieel te ondersteun. Die koste van ons kospakkies beloop tans ongeveer R18 000 per maand. Dankie aan individue wat tans bydrae. OK foods en Agt Foods julle hulp word waardeer.

Daarbenewens dra ons ook die maandelikse koste van R7 700 vir die versorging van ’n dame in ’n ouetehuis, wat ons in haglike omstandighede aangetref het.
Enige bydrae, groot of klein, sal ’n verskil maak en word opreg waardeer. Dankie aan paar individue wat wel help met doeke.

NWK julle hulp met dorp skoonmaak aksie word waardeer.
Ons betaal R150 vir sakke en R500 vir wegry van 200 sakke..

Jou bydrae kan saam met myne 'n verskil maak!

07/11/2025

Ons deel elke maand kospakkies uit. In Desember sit ons altyd iets ekstra lekker by! Bydraes is altyd welkom.

10/08/2025

Om te help dat vullis nie oral afgelaai word nie, nooi ek persone wat dorpsvullis verwyder na aangewese terreine (teen ‘n tarief) om vir my hulle advertensies te stuur.

Ek sal dit graag op die blad plaas sodat inwoners julle kan kontak.
Hopelik lei dit daartoe dat meer mense van julle dienste gebruik maak – en dat vullis op die regte plek beland.

📞 082 411 2658

09/08/2025

'n Handjievol mense het gehoor gegee aan NWK se noodkreet!

"Die plein lyk baie sleg", hoor ek Johan Bezuidenhout se stem aan die anderkant. "Kan julle dalk kom skoon maak?. "Ons kan", antwoord Lichies se mense.

280 swart sakke is vanoggend opgetel.

Dankie NWK, vir omgee vir ons dorp.

As nog mense bydraes gee , kan ons dalk meer kere 'n maand skoon maak. Ons uitgawes is 200 tot 280 swart sakke.
R200 geskenkbewyse vir deelnemers. R500 vir die verwydering van die sakke.

Hieronder is enkele fotos:

17/07/2025

Lichies pleit vir hulp.

Tonne graan kan verskil maak
Lichies Omgee wat 120 behoeftige gesinne in ons gemeenskap versorg, pleit by boere van ons omgewing om in hierdie oestyd ook te d**k hoe hulle ‘n verskil in minderbevoorregtes se lewens kan maak. Die tonnemaat van u keuse wat u skenk, kan vir die organisasie van onskatbare waarde wees en broodnodige hulp vir mense in ons gemeenskap beteken... [Lees meer: https://bit.ly/2SUCTfA]