Tant Tibbie Visser Voortrekkers

13/10/2026

Matrikulante, julle harde werk word nou gemeet!

Elke uur agter die boeke, elke oefenvraestel en elke keer wat julle weer probeer het, was ’n merkie op die liniaal van voorbereiding. Nou lê die eindeksamen voor.

Maar onthou: ’n liniaal meet lengte en ’n eksamen toets kennis - geen punt kan jou volle waarde, karakter of potensiaal meet nie.

Die Voortrekkers wens elke matrikulant sterkte toe. Werk met aandag, lees elke vraag deeglik en pak een vraestel op ’n slag aan. Vertrou op julle voorbereiding en op die Here wat saam met julle die pad stap.

Hou koers - vraag vir vraag, tree vir tree.

Kontak ons gerus vir meer inligting oor Die Voortrekkers:
📧 [email protected]
📞 012 329 6011
📧 [email protected]

30/09/2026

LEKKER VERJAAR, DIE VOORTREKKERS!

95 jaar jonk!

Vandag sê ons dit sommer op meer as een manier:

Gewone Afrikaans:
Lekker verjaar!

Morsekode:-.. . -.- -.- . .-. / ...- . .-. .--- .- .- .-.

Braille:
⠇⠑⠅⠅⠑⠗ ⠧⠑⠗⠚⠁⠁⠗

95 jaar se mense.
95 jaar se herinneringe.
95 jaar se leer, dien, lei en saamdoen.
95 jaar van lig wat van een geslag na die volgende aangegee word.

Vandag kyk ons met dankbaarheid terug na die pad sedert 1931 — maar ons kyk ook vorentoe.

Die volgende avontuur.
Die volgende kind wat ontdek: Ek kan. Ek behoort. Ek wil ’n verskil maak.

Aan elke Penkop, Drawwertjie, Verkenner, Staatmaker, offisier, ouer en oud-Voortrekker wat deel van hierdie 95 jaar was:

Lekker verjaar!

Mag ons steeds die lig ontvang.
Mag ons dit helder laat brand.
En mag ons dit aanhou aangee.

95 jaar van lig. En steeds op pad. Hou Koers!

24/09/2026

Kom kuier by ons vandag en kom leer sweep slaan en malvalekker braai

04/09/2026

🌿✨ 𝗦𝘁𝗲𝗿𝗸𝘁𝗲 𝗮𝗮𝗻 𝗼𝗻𝘀 𝗚𝗿𝗮𝗮𝗱 𝟳’𝘀 𝘃𝗮𝗻 𝗢𝗼𝘀𝘃𝗮𝗮𝗹 𝗩𝗼𝗼𝗿𝘁𝗿𝗲𝗸𝗸𝗲𝗿𝘀! ✨🌿

Hierdie naweek gaan baie van 𝗗𝗶𝗲 𝗩𝗼𝗼𝗿𝘁𝗿𝗲𝗸𝗸𝗲𝗿𝘀: Gebied Oosvaal, Gebied Leeuwenveld, Gebied Bergenbos en Gebied Oosterlijn se Graad 7’s ’n groot mylpaal aanpak op hulle Voorslag kamp.

Ons is trots op elkeen van julle wat met moed, trots en ware Voortrekker-gees hierdie uitdaging aanpak.

Onthou, julle is nooit alleen nie. Julle stap saam, julle dra mekaar, en julle wys wat dit beteken om ’n Voortrekker te wees.

Sterkte Voortrekkers - ons glo in julle, doen net julle bes!

30/06/2026

Baie sterkte vir Marleen en elke President Verkenner. Geniet die kampe

Sterkte aan ons Presidentsverkennerkandidate 2026!

Hierdie vakansie pak julle een van die grootste uitdagings op die Voortrekkerpad aan.

Ons wens elke kandidaat baie sterkte toe met die Presidentsverkennergeleenthede:

📍 1–5 Julie – Wemmershoek
📍 4–8 Julie – Hartebeesfontein
📍 15–19 Julie – Doornkloof

Mag julle elke uitdaging met moed aanpak, nuwe vriendskappe bou, waardevolle ervarings opdoen en met trots jul beste gee.

Onthou: Die grootste oorwinning lê nie net daarin om die toekenning te ontvang nie, maar in die mens wat jy word op die reis daarheen.

Kontak ons gerus vir meer inligting oor Die Voortrekkers:
📧 [email protected]
📞 012 329 6011
📧 [email protected]

17/06/2026

Dit is met n swaar hart dat ons sokkie gekanseleer is oor te min belangsteling

16/06/2026

🇿🇦 Gelukkige Jeugdag! 🇿🇦

Die toekoms van Suid-Afrika lê in die hande van jongmense wat bereid is om met geloof, moed en karakter ’n verskil te maak.

Soos ’n enkele kers die donker verdryf, kan een jong mens hoop aansteek, ander inspireer en ’n blywende impak op die wêreld hê. Elke keuse wat vandag gemaak word, bou aan môre se Suid-Afrika.

By Die Voortrekkers glo ons daarin om jongmense toe te rus om doelgerig te leef, verantwoordelik te lei en met oortuiging hulle lig te laat skyn.

Die toekoms begin by jou.

Kontak ons gerus vir meer inligting oor Die Voortrekkers:
📧 [email protected]
📞 012 329 6011

15/06/2026

*Turffontein Kransleggingseremonie*

Turffontein Konsentrasiekampkerkhof
H/V Columbine Laan & Maluti Straat, Wi******er Hills, Johannesburg Suid, 2091
16 Junie
09:00

Vir Navrae:
Annemarie Grobbelaar (Impala Voortrekkers) - 0836319947
Willie-Waldo Kühn (Org Meyer Voortrekkers) - 0730290052

15/06/2026

Skoonmaak voor 16 Junie. Voortrekkers is diensbaar.

11/06/2026

Ons nooi jonk en oud om saam met ons te kom leer hoe om lekker te dans en dan tot laat te sokkie Registreer hier: https://www.lifestyledancing.co.za/products/leer-lekker-dans-voortrekker. Daar sal n snoepie en kos beskibaar wees met kaartfasiliteite julle wil nie die aand mis loop nie.

Leer lekker dans - Voortrekkers is 'n prettige en boeiende dansprogram wat spesifiek vir jong avonturiers ontwerp is. Hierdie produk bied 'n unieke geleentheid